Cebuano News: Gordon miduso sa dugang budget sa Comelec
By Lanie Pitao-Tupaz
Manila (13 August) -- Si Senator Richard Gordon miduso sa dugang budget sa Commission on Elections kon COMELEC alang sa full automation sa 2010 national elections matapos makita ang kalamposan sa automated elections sa Autonomous Region of Muslim Mindanao kon ARMM.
Si Gordon midugang nga bisan pa man ug mogasto ug dugang P4 bilyones ang gobyerno alang sa automated elections, maseguro man usab ang kalimpiyo ug walay limbong nga elections.
Samang sa laing bahin, si Education Secretary Jesli Lapus miawhag sa Kongreso pag-aproba sa sa House Bill 4734 nga nagtugot paghatag ug dugang kompensasyon sa mga magtutudlo nga P9,000 sulod sa tulo ka tuig ug lain pang P3,000 matag tuig.
Ang kinatibuk-ang madawat na unya sa mga magtutudlo kung itugot ang pagdugang mapareho na sa gidawat sa mga kasundalohan ug mga kapulisan.
Si Lapus miduso usab sa pagpakubos sa actual working hours sa mga magtutudlo. [top]
