Cebuano News: Giya sa implementasyon sa peace education gilagdaan
By Lanie Pitao-Tupaz
Manila (19 August) -- Gilagdaan na ang mga giya sa implementasyon sa EO 570 kon "Institutionalizing Peace Education in Basic Education and Teacher Education" aron mas mamahimong prayoridad nga programa sa mga nahitungdang ahensiya ang peace education.
Ang pace education maglakip sa mga pre-service ug in-service trainings, school-based ug alternative learning systems, ug technical education diin giingganyar ang partisipasyon sa tanan eskuwelahan ug ang katilingban alang sa malinawon nga kultura.
Ang peace education adunay gahum pag-impluwensiya sa hunahuna, balor ug kinaiya sa katawhan ngadto sa malinawon, mapaubayaon sa relihiyon, panaglain sa kultura ug katawo, ug ingon man usab sa pag-atiman sa kinaiyahan.
Samtang sa laing bahin giseguro sa mga kasundalohan nga dili na mobalik pa ang mga Moro Islamic Liberation Front kon MILF nga gipangulohan ni Commander Umbra Kato sa 15 ka mga barangay nga ilang gisakop diin mokabat sa 15,000 ka mga pamilya ang nagkatibulaag, mao kini ang gibutyag ni Executive Secretary Eduardo Ermita.
Si Ermita midugang nga angay ipasunod sa MILF sa mga miyembro niini ang kamandoan paghunong sa pagsamok-samok sa mga detachments sa kasundalohan ug kapulisan.
Ang AFP nanginanop usab sa mga lugar sa Abu Sayyaf tungod sa nabantog nga ang mga bandidong MILF atua mitapon sa mga lugar nga kontrolado sa Abu Sayyaf aron dili sila malutos sa kagamhanan. (PIA Biliran) [top]
