Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 20 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2019 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/08/19

Waray-Waray News: Kaangayan nga mga pitad pagbubuhaton han gobyerno kuntra han mga rebelde nga mga MILF ha Lanao del Sur

Manila (19 August) -- Iginpahayag han Malacaņang kakulop nga pagbubuhaton han gobyerno an kaangayan nga pitad kuntra han Moro Islamic Liberation Front (MILF) nga mga rebelde nga nag-atake hin pira nga mga bungto ha Lanao del Norte nga nagresulta hin pagkamatay hin sobra dosena nga mga sibilyan ngan pagkasasamad hin pira pa nga iba.

Dida hin usa nga pamakiana ha radyo, nagsiring hi Press Secretary Jesus Dureza nga diri nahahadlok an gobyerno ngan diri nira (MILF) angay tarhugon an gobyerno.

Ha pareho nga higayon, nagsiring hi Dureza nga an insidente en mahimo binutho kataliwan mapakyas an gobyerno ngan an MILF pagpirmahay hin usa nga Memorandum of Agreement (MOA) bahin han ancestral domain kataliwan naman magpagawas hin usa nga Temporary Restraining Order (TRO) an Korte Suprema.

Sigun han mga sumat, masubra hin 200 nga mga girilya han MILF an nakig-away han mga tropa han gobyerno didto han bungto han Kolambugan ha Lanao del Norte.

Sumala kan Mayor Beltran Lumaque, gin-okuparan han mga rebelde an sentro han komersyo, an rural banks, ngan mga prendahan.

Sigun pa ha iya, ginpansunog an mga balay ngan damo han mga residente an nanmalagiw na tungod han mahugot nga pupsilay ha butnga han mga tropa han gobyerno ngan han mga rebelde.

Nagsiring hi Provincial spokesman Lyndon Calica nga nasakop han mga rebelde en usa nga police outpost ngan ginsunog ini sugad man en mga sarakyan de giyera. Ginbihag gihapon han mga rebelde en waray pa ka pipiho nga kadamo-on hin mga sibilyan, lakip na an tag-iya han pinakadako nga department store han bungto.

Ginsulong gihapon han mga girilya nga mga MILF an bungto han Kauswagan nga naghimugso hin mahugot nga pupsilay ha mga tropa han gobyerno.

Dose nga mga balay ngan usa nga depasahero nga bus nga Rural Transit an ginsunog hadton Sabado han gab-i han mga rebelde. Ginpanlotingan gihapon an merkado publiko han Kolambugan.

Natabu an pag-atake kataliwan gamaan han mga rebelde nga mga MILF en usa nga military convoy ha probinsya han Lanao del Sur kon diin upat nga mga sundalo ngan tulo nga pro-government militiamen an namatay.

Walo nga mga kasundalohan ngan tulo pa nga iba nga militiamen an nagkasasamad dida han mao nga pag-atake.

Nagpahayag hi Executive Secretary Eduardo Ermita dida hin usa nga pamakiana durante han pag-instular han estatwa ni anay Senador Benigno "Ninoy" Aquino didto ha Ninoy Aquino International Airport (NAIA) Terminal-3 kakulop nga nagmando na hi Defense Secretary Gilbert Teodoro ha Armed Forces of the Philippines (AFP) nga magdumara hin "clearing operations" ha mga bungto han Kauswagan, Kolambugan, ngan Migo ha probinsya han Lanao del Norte.

Sigun kan Ermita, problema daw ini nga angay trataron mamay-ada man o waray proseso pankamurayawan. Nagsaad daw an liderato han MILF nga magdudumara ini hin pagsusi han mga igini-os han ira mga kumander pinaagi han ceasefire committees.

Nagpahayag pa hi Ermita nga magdudumara hin imbestigasyon an joint coordinating committee on the cessation of hostilities ngada hini nga mga panhitabo. (PIA-Eastern Samar) [top]

|«  prev  next  »|
DAILY NEWS LIST:
»Some 1,200 poor receive medical, dental services in People's Day of Catarman
»Commentary: A clear case of political bias, insincerity
»PGMA condemns MILF dawn attack in Lanao del Norte
»Cebuano News: PGMA mimando sa pagpulpog sa MILF nga misulong sa mga lungsod sa Lanao del Norte
»2 civilians killed, 1 wounded in MILF attack in Sarangani
»Seafarers needed by maritime industry
»JDV wants cha-cha after 2010
»Commentary: Money in Maritime
»Commentary: Singing a Different Tune
»Tanauan riders dominate 2nd Malaysian Skimboarding Competition
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines