Cebuano News: .4M nga mibisita sa Boracay mihatag dugang kita nga P7.3 bilyones
By Lanie Pitao-Tupaz
Manila (21 August) -- Gikan sa Enero kutob Hulyo niini nga tuig miabot na sa 400,037 ka mga turista ang mibisita sa isla sa Boracay, sumala pa sa taho sa Provincial Tourism Office didto.
Ang samang taho mipakita ug P7,354,040,185.80 nga gikita sa mga resibo sa turismo gikan sa Enero hangtod sa Hulyo.
Sa mga mibisita nga turista, 111,736 niini mga langyaw; 246,378 mga lokal nga turista; ug 41,923 niini mga overseas Filipinos.
Ang mga langyaw nga turista ug mga overseas Filipinos nakitang midagsa sa buwan sa Pebrero samtang ang mga lokal nga turista midagsa sa Boracay sa buwan sa Abril.
Sa miaging tuig, ang kinatibuk-ang mibisita sa Boracay mikabat lamang ug 596,748 ug mikita lamang ug P10,970,257,183.20.
Ang padayon nga pagpalambo sa Kalibo International Airport nga matapos na sa unom ka buwan nakita nga mas mopadagsa pa sa mga langyaw nga mga turista sa Boracay, sumala pa ni Kalibo Airport Manager Percy Malonesio.
Ang administrasyong Arroyo mihatag ug P50 milyones pagsugod sa maong proyekto ug mihatag ug dugang pondo aron kini matapos. (PIA Biliran) [top]
