Waray-Waray News: PGMA nagpanumpa sa bag-o nga mga naelihir nga opisyales san ARMM
Ni Nene A. Manzanares
Manila (23 August) -- Si Presidente Gloria Macapagal-Arroyo an nagbuhat san panumpa san mga bag-o nga mga elihido nga mga opisyales san ARMM sa pamuno ni regional governor Datu Zaldy Uy Ampatuan.
San nasbi nga seremonyas sa Malakanyang, nagbuhat gipahon sin panumpa an Presidente kan ARMM regional vice-governor Ansaruddin-Abdul Malik Alonto Adiong kaupod an 24 nga mga meimbro san ARMM Reional Legialative Asembly (RLA).
An mga bag-o nga naelihir mao in mga nagdaog san pinili-ay nga ginhimo sa ARMM san naglabay nga Aoosto 11 san siyahan nga eleksyon san nasud diin naggamit sin makina sa pag-ihap.
Si Ampatuan nga miembro san Lakas-Christian Muslim Democrat (CMD) Party in nakakuha sin 693,000 nga mga botos o kun 91.97 ka porsiento san mga naihap nga botos. A kanya kontra nga si Indanan Mayor Alvarez Isnaji in nakakuha la sin 17,973 nga mga botos o kun 2.36 ka porsiento san mga naihap nga botos para kanya.
Si Alonto-Adiong, nga mao an kan Ampatuan runningmate in nakakuha sin 668,175 nga mga botos o kun 91.8 porsiento san total nga nagbotos san nasabi nga pinili-ay.
Pareho si Ampatuan ngan Adiong in mga re-eleksyonista.
An mga bag-o nga mga naelihir san Regional Legislative Asembly nga narepresentar san congressional districts san unom nga mga probinsya san ARMM mao an masunod:
Adiong Alonto, Yasser Balindong, Alexander Menong, Rasmia Salic, Samur Salic and Suhayla Salic for Lanao del Sur; Nur-Mahadil Ahaja, Mustapha Omar, Rejie Sahali for Tawi-Tawi; Abdel Anni, Nashruper Daud, Benshar Estino, Nahil Hadjail Maldisa, Rizal Tingkahan, Nivocadnezar Tulawie for Sulu; Rajam Akbar, Nasser Asarul, Juhan Hataman for Basilan; Cahar Ibay, Roonie Sinsuat and Abdurajak Tomawis for Shariff Kabunsuan; Datu Umbra Datumanong and Datu Pike Mentang for Maguindanao. (PIA-Northern Samar) [top]
