Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 23 November 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2017 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/11/11

Waray-Waray News: Ig-upod an 'siyahan nga tabag' ha curriculum han mga eskwelahan, PGMA nagmando

Masbate (11 November) -- Matapos makabati hin mga storya parti pagkamatay ngan pagkatatalwas han mga biktima han di pala maiha nga mga hitabo hin pagkalunod ha kadagatan, hi Presidente Gloria Macapagal-Arroyo in nagmando kakulop nga adlaw han Departamento han Edukasyon (DepEd) nga ig-upod ha pagtutdo an siyahan nga pitad ha pagtambal o first aid dida ha kanan ira curriculum ha eskwelahan.

An President in naghimo han direktiba pinaagi kan Transportation Undersecretary Elena Bautista nga upod han Presidente dida han iya pagbisita kakulop nga adlaw han mga natalwas han kalunod han M/B Don Dexter dida han Nobyembre 4. Ginpaabot gihapon niya an iya kasubo ngadto han mga pamilya han 42 nga nagkawara.

"Gusto han Presidente nga sumatan ko hi DepEd Secretary Jesli Lapus nga ig-upod an Siyahan nga Tabag o CPR (cardio-pulmonary resuscitation) ha curriculum hit mga eskwelahan," sering ni Bautista, nga Officer-in-Charge gihapon han Maritime Administration Authority (MARINA).

Hi Presidente Arroyo in ginsidngan ni Llenes, usa nga magturotdo ha kolehiyo, nga nakakatalwas unta an iya asawa nga hi Marilyn, 43 han aksidente ha kadagatan kun natagan la hiya hin CPR.

"Naginhawa pa an akon asawa pagsalbara ha iya tikang ha dagat, pero hiya in nadayunan tungod nga waray man ha iya nagpasipara paghatag hin first aid o CPR,"sering ni Llenes kun diin an iya sinko anyos nga anak nga hi Georgio in waray la gihapon kaaagi-e kaupod hin iba pa nga siyan nga mga pasahero, pito na ka-adlaw an nakakalabay tikang mabalikad an di motor nga banca nga nabalikad pag-agie han makusog nga hangin o subasko.

"Ginhangyo ko han Presidente kun pwede niyaigpa-upod an Siyahan nga Tabag dida han high school curriculum ngan nalilipay ako nga an aton buotan nga Presidente in namati ha akon," sering ni Llenes, usa nga magturotdo ha Marikina Polytechnic College.

Nakikimaluoy hi Llenes nga tagan hiya hin bulig pamiling han iya nawawara nga anak nga upod han iya nanay nga tibalik na ha Manila tikang hin bakasyon ha barangay Quezon ha Uson, didi ha Masbate, kun diin natabo an aksidente ha kadagatan usa ka oras matapos ini lumarga nga nagpapanonobra an pasahero, tikang ha Dimasalang han alas dos han kulop.

An CPR in usa nga pamaagi hin pag-aplay hin apgdinuon ha dughan han biktima, upod hin mouth-to-mouth rescue breathing, ha mga biktima kun diin an pagginhawa in umokoy o an kasingkasing in waray na babantad.

Ha luyo nga bahin, an Presidente in nagmando kan Bautista nga mag-strikto dida hit pag-implimentar hit mga palisiya pandagat parti mga gudti nga mgasakayan o banca pag-ibitar hin iba pa nga mga disgrasya.

Ginpasabot ni Bautista an Presidente nga tikang kakulog mayda na pormal nga imbistigasyon parti han aksidente, ngan an franchise han tag-iya han banca nga hi Gene Zuniega in ginkansela na.

Ginpasabot gihapon ni Bautista an Presidente nga nagbutang na hin tawo an Philippine Coast Guard didto ha Dimasalang Port nga kada adlaw manginginano didto. (PIA-8/maa) [top]

|«  prev  next  »|
DAILY NEWS LIST:
»Davao homeowners cry violations of rights to shelter by Balikatan-NHMFC
»CSC-11 announces passers of CSC pencil-and-paper test
»Results of Local Scholarship Program - Master's Degree Courses bared
»Davao celebrates World Diabetes Day on November 14
»Lawyer of Davao homeowners gets death threat
»LTO fines up by 2,500%
»"Katas ng VAT" takes off in R-XI
»Pag-IBIG Southmin posts P13.3-B in gross assets
»PGMA did not call for political ceasefire, says Malacaņang
»PGMA meets families of victims of ferry mishap in Masbate; extends financial aid
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines