Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 21 November 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2017 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/11/20

Waray-Waray News: PGMA magbabagaw san Bishops-Ulama General Assembly sa Jolo yana nga adlaw

ni Ailene N. Diaz

Manila (20 November) -- Si Presidente Gloria Macapagal-Arroyo in ginlalauman nga magpapahamtang san kanan administrasyon pagkomiter para san kamurayaw ngan pagpauswag san ekonomiya sa Mindanao durante san ika 35 nga Bishops-Ulama General Assembly sa Notre Dame sa Colegio sa Jolo oras la antes siya lumarga pa Peru para mag atender san ika 16 nga Leaders Meeting sa Asia-Pacific Economic Forum (APEC) sa Nobyembre 22-23.

An Presidente in nakatalaan umabot mga alas dos y medya sa kulop kaupod sira Gobernador Abdusakar Tan sa Sulu nangunguna san mga lokal nga opisyales sa pagkarawat san Chief Executive sa Jolo, Sulu Airport.

Tikang sa Airport, an Presidente ngan kanya mga kaupod nga sira Press Secretary Jesus Dureza, Agrarian Reform Secretary Nassir Pangandaman ngan Public Works and Highways Secretary Hermogenes Esperon in madiritso san lugar nga pag titirirukan diin siya pagkakarawaton san mga opisyales san Bishops-Ulama Conference (BUC) nga ginpapangunahan san Davao Archbishop Fernando Capalla ngan NDJC president Fr. Emmanuel Sison.

Si National Security Adviser Norberto Gonzales an magpapakilala kan Presidente nga magbabagaw sa atubangan san subra 70 nga mga lederes san iba iba nga relihiyon nga nag-atender san BUC General Assembly nga ginpangunahan san probinsya san Sulu.

An BUC in ginkokomponer sin 24 nga mga Opispo san Katoliko nga mga miembro liwat san Bishop Conference of the Philippines (CBCP), 26 nga Ulama ngan Ustadz nga kaapi san Ulama league of the Philippines (ULP) ngan 18 nga mga bishop ngan pator san Protestante nga mga miembro san National Council of Churches of the Philippines.

Opisyales san Pangtagbo, sayo nga konpederasyon san 18 nga Indigenous Peoples of Mindanao, ngan bishops of the Philippine Conference of Evangelical Churches (PCEC) in maatender liwat bilang tag obserbar.

An komperensya in tinuig nga buruhaton nga nagtikang sadto pa nga 1996 matapos pirmahan an kasarabutan pankamurayaw sa butnga san Gobyerno san Pilipinas (GRP) ngan Moro National Liberation Front (MNLF) sa Setyembre siton nga tuig.

Ini gintindog ni Archbishop Capalla, Dr. Mahid Mutilan, presidente san ULP ngan Bishop Hilario M. Gomez, Jr. an bishop emeritus san United Church of Christ san Pilipinas bilang co-convenors.

An katuyu-anan san BUC mao an pagsuporta san padayon nga proseso pan kamurayaw sa Mindanao pinaagi san pag promoter sin kasayo nga ginsabutan, pakigsayo, pagkasangkay ngan pakighisulit san relasyones pinaagi sin pagbasul nga pagpasaylo san diri mababari nga elemento san kultura ngan hustisya ngan kamurayaw para san kabug-usan nga pag-uswag ngan ungod nga progreso.

Tikang san 1996, an konperensya in naka establisar sin mayor nga proyekto sugad san Mindanao Week of Peace, kinatuig nga regional nga katitirok san ngatanan nga sektor san sosyedad ngan ngatanan nga kalinya nga ahensya san gobyerno san Mindanao.

An iba pa nga natuman san BUC kaapi na an Tripartite Youth Peace Camp, an Imam-Priests-Pastors Forum (IPPF), ngan, an BUC-Armed Forces of the Philippines-Philippine National Police Forum for Peace nga diri pala maiha naorganisar para iundong an maupay ngan pakighampang ngadto san opisyales pankamurayaw sa bug-os nga Mindanao. (PIA-Northern Samar) [top]

|«  prev  next  »|
DAILY NEWS LIST:
»Pro-RH groups support dialogue with bishops but caution authors
»Call OFWs "expats" just like foreigners working here, RDR says
»Davao Light empowers visually-impaired; signs agreement on electric bills in Braille
»PGMA awards P1.8-M to PUV cooperatives
»PGMA to visit the fishing capital of Misamis Occidental to distribute gov't assistance
»PGMA mobilizes AFP, PNP as kidnapping cases in Mindanao continue to rise
»RP among Asian nations with good potential for stock market investment -Credit Suisse
»PGMA to bat for early resumption of Doha talks at APEC leaders meeting in Peru
»PGMA thanks municipal mayors for being nat'l government's partners in development
»PGMA to address Bishops-Ulama General Assembly in Jolo
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines