Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 20 September 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2017 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/11/30

Waray-Waray News: Si PGMA nagpahayag sa kanya panlantaw matungod san pagtotok saan pangobyernohan, etc

Ni Nene A. Manzanares

Manila (30 November) -- Ginadmitar ni President Gloria Macapagal Arroyo nga a kanya pagtutok san renda san pangobyernohan agud magkayaun kamurayaw sa nasud in kawsa sa kanya pagigin dire popular. Sugad pa niya nga an popularidad mao an pirme ginhihingyap sin mga namumuno sa kanya ginpapamunuan.

Sin sayu nga interbyu san BizNews Asia san publisher nga si Tony Lopez diin ginpangutanan siya kun nano a kanya pinakadaku nga nahimo pagkatapos sin walo ka tuig sa kanya pagigin presidente, nagbaton si Presidente Arroyo nga an pahina la san istorya (history) an makakahusga kun nano a kanya pinakadaku nga nahimo.

Sugad ni Presidente Arroyo nga durante sa kanay pagigin presidente, nakatutok siya san mga reporma panekonomiya, pagtubo san pamuhunan, paghimo sin mga bag-o ngan mas maupay nga imprastraktura, pagpanday sin mga social safety net pareho san panlawas, edukasyon ngan paghatag sin stabilidad ngan kamurayaw san nasud.

Pagpangutan-i sa kanya kun nano an kabayaran sine, nagbaton an Presidente nga an resulta sine mao in maupay nga kahimtang san pangwartahan ngan kun kabayaran an pag-iistoryahan, an tinuod la nga kabayaran mao a kanya pagigin dire popular.

Pero sa luyo sine, sugad san Presidente nga sumulod siya san pagigin presidente nga andam sine nga klase nga kahimtang matungod nga ginsagdunan na siya san kanya amay, an sadtun Presidente Diosdado Macapagal nga an kinabuhi san pampubliko nga serbisyo mao in dire pagpahalibway kundi ada an pagserbe san mga tawo, sakripisyo ngan kun kinahanglan, upod pa an pag-antos.

Sa pangutana kun nao a kanya pinakadaku nga kabiduon, kanya na ine ginsesekreto matungod nga andam naman siya kun nao an matatabo. Matungod nga andam na siya magsakripisyo ngan mag-antos, dire na kuno kinahanglan nga ipaimud kun nano an inaabat sa kanya kasingkasing.

Nagaantos la ba kuno siya nga dire la ginpapahibaro? Nagsugad an Presidente nga disiplinado siya nga tawo ngan dire siya magkakarag oras sin pagkaluoy sa kanya kalugaringon.

Bisan pa man yaun siya mga kabiduon, nagsugad an Presidente nga dire niya ine ginhihimo nga hinungdan nga mabug-atan siya sine. Matungod naman sa kanya pagigin bata pagimdan diin nagbuburubata siya kada adlaw, nagsugad siya nga a kanya sekreto mao an trabaho, makusog nga pagtuo san Diyos ngan disiplina.

Sugad pa niya nga kinahanglan nga pandayun an pagilub san lawas pinaagi sin pito ka oras nga pagkaturog, tulo ka beses nga ehersisyu kada sayu ka semana ngan disiplinado nga skedyul sa kanya trabaho. Yaun pa siya mga bitamina ngan a kanya diyeta in ginbantayan gud san mga nagluluto sa kusina sa Malakanyang.

Nagsugad an Presidente nga an mga nagmamaneho san kusina sa Malakanyang mao an nagkwekwenta san calories nga masulod sa kanya lawas. Tama la nga pagkaon an ginhahatag sa kanya. Yaun ginhimo an mga tagaluto sa Malakanyang nga sinusugad nga "heart's delight" ngan mao ine gihapon an ginhahatag sa First Gentleman tikang ine magkayaun operasyon sa kasingkasing sa St. Luke's Hospital. (PIA-Northern Samar) [top]

|«  prev  next  »|
DAILY NEWS LIST:
»Waray-Waray News: Nakabalik na si PGMA tikang san APEC Leaders' summit ngan paagbisita sa Colombia ngan Estados Unidos
»Waray-Waray News: Si PGMA nagpahayag sa kanya panlantaw matungod san pagtotok saan pangobyernohan, etc
»Commentary: Two ways to mainstream East Visayas to the tourism highway
»No labor strike in Eastern Visayas in last 5 years
»DOLE 8 distributes P1.4-M assistance to Region 8 LGUs
»December 1 is regular holiday in RP
»Waray-Waray News: Gintagan onor ni Chief Girl Scout PGMA an mga nangunguna nga girl scouts sa tuig 2008
»68IB joins ground breaking and turn-over of housing materials in North Cotabato
»Kaagapay Battalion participates in bloodletting program
»Gov't assistance to stranded OFWs abroad continues
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines