Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 8 December 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << December 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/05

Waray-Waray News: Nanginginahanglan darudamo nga mga Pilipino nga magtratrabaho ha Bahrain

Manama, Bahrain (via PLDT) (5 February) -- Nanginginahanglan hin darudamo nga mga Pilipino nga magtratrabaho ha Bahrain, sering ni Bahrain Prime Minister Shaikh Khalifa Salman Al Khalifa dida hin usa nga interview ni Freddie Abando han NBN channel 4 dida han usa kagab-i.

"Waray kami problema ha mga Pilipino. Kinahanglan gud nga mas darudamo hira," sering han mahinayon magyakan nga Bahrain Prime Minister ngadto kan Abando ha Tarmac han Royal Terminal han Bahrain International Airport mentras naghuhulat han pag-abot ni Pangulo Gloria Macapagal-Arroyo.

Hi Prime Minister Shaikh Khalifa an nangulo han red carpet welcome para han Pangulo didto ha Royal Terminal pag-abot han eroplano nga iya ginsakyan tikang ha Riyadh, Saudi Arabia.

Dida han pinakabag-o nga listahan nagpapakita nga may-ada na 45,000 nga mga magtratrabaho nga Pilipino. Ini nga numero in mahitaas pa tungod nga hataas it panginahanglan hin mga Pilipino nga professionals ngan maabilidad nga magtratrabaho.

"Mas nga nanginginahanglan kami hin mga Pilipino nga magtratrabaho kay ini hira in mag-upay ngan diri mga hubya magtrabaho," sering ni Prime Minister Shaikh Khalifa.

Sering han Bahrain Prime Minister nga an pagbisita ni Pangulo Arroyo in "importante hin duro... maupay makigtrabaho ha iyo Pangulo," sering niya, ngan dugang pa niya nga "kada pagbibisita niya ha Bahrain, waray nakakarag nga oras."

Dida han iya pagyakan han reception para han Filipino community ha Bahrain nga ginbuhat ha convention center han Gulf International Hotel, nagsering an Pangulo nga gindayaw han Prime Minister an abilidad ngan professionalism han mga Pilipino nga magtratrabaho.

Dugang pa niya nga nagsering an Prime Minister ha iya nga an Bahrain in nanginginahanglan hin darudamo nga mga tindera para han kanan nasud mga dagko nga tindahan ngan ginduduso hiya para magpadara pa hin darudamo nga mga Pilipina nga magtratrabaho para hito nga partikular nga posisyon.

"Ha luyo han kanan kalibutan gin-aatubang yana nga krisis pan-ekonomiya, may mga nawawarayan trabaho ha iba-iba nga nasod. Pero gusto ko ipasabot ha iyo nga mas damo it mga bag-o nga trabaho nga ginhahatag salit medyo natubo la gihapon an remittances han OFW hin 13%," sering han Pangulo ngadto han 2,000 nga mga Pilipino nga natirok dida han convention hall.

Dida han programa, ginprisintar han Special Envoy to the Gulf Cooperation Council Ambassador Amable Aguiluz ngadto han Pangulo an 1,000 scholarship vouchers nga nakantidad hin P5-M ha ilarum han GMA-CARES nga programa han AMA International University ha Bahrain.

An scholarship vouchers in makakabenipisyo hin maabot 1,000 nga mga dependents ha Pilipinas han mga Pilipino nga nagtratrabaho ha Bahrain.

Sering ni Aguiluz ngadto han Pangulo nga an mga scholarship vouchers in matikang kaimplimentar yana nga ti-arabot nga SY-2009-2010. (PIA-8/maa) [top]

|«  prev  next  »|
DAILY NEWS LIST:
»Civil Registration Month celebrated this February
»DOT focuses regional tourism
»Little known WW2 battle on display at Davao museum
»Feature: Protecting Davao Oriental's wonder
»Davao creates nutrition evaluation team
»PMAP Davao gears up for strategic workforce planning seminar
»San Isidro pursues aggressive tourism promotion efforts
»Gov't earmarks P1-B for Fil-Expat Livelihood Support Fund, PGMA tells OFWs in Riyadh
»Skills-retooling program going to where OFWs are
»Parents, students welcome drug test
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines