By Alice Nicart

Manila (9 February) -- Dinatong na hi President Gloria Macapagal-Arroyo tikang han iya saka semana nga pagbiyahe ha lima nga mga nasud ha Europa, kun diin iya igin kampanya nga buligan an kadam-an nga mga pobrehanon nga mga nasud ug an makure nga kahimtang ha panalapi, an mga kabutangan han mga overseas Filipino workers, an pagtaga mga beterano ug an pagpakilalahan han nasud Pilipinas, komo usa nga alternatibo nga lugar para butangan hin mga negosyo.

Gintapo hiya ha Ninoy Aquino Intenational Airport Terminal 2 nira Executive Secretary Eduardo Ermita, Press Secretary Cerge Remonde, Defense Secretary Gilbert Teodoro, Presidential Management Staff Director-General Hermogenes Esperon, Land Transportation Office Chief Arturo Lomibao ug mga opisyal han military ug pulis.

Urhe nga ginbisita ni Pres. Arroyo an Washington DC, diin hiya tinikang tipabalik na nganhe ha Pilipinas, pero antis pa, inatenderan niya an World Economic Forum, ha Davos, Switzerland,ngan sinalig-at hiya ha Milan, Italy; Riyadh ha Saudi Arabia ug ha Bahrainl.

Ha iya pagbisita hine nga mga lugar, gintinguha han Presidente nga igkita han mga Pilipino nga mga trabahante ngan iya igin patapod an iya suporta ngan tambulig ha butnga han kanan kalibutan pagkure ha ekonomiya.

Dida hin usa nga interview kan Deputy Spokesperson Lorelei Fajardo, nga usa daw han upod han Presidente han pagbiyahe, nagsering ine nga malinampuson an linakat ni Mrs. Arroyo, labi kay iya gud hine ginsisiguro pirme kun ine hiya nagawas, nga bawi an kalagastuhan ug iya kapagalan.

Kan Fajardo daman pinanhimuwa an report nga daw pakyas an pagbisita ni PGMA ha Amerika kay wara niya igkita hi President Obama. Sering ni Fajardo, malinampuson an PGMA visit ha Amerika tungod kay hiya an giuunahe nga iginkita han US Secretary of State Hilary Clinton.