Hiligaynon News: Mga bangko sa pungsod nagapabilin nga mabakud wala sapayan sang krisis
by A. Lumaque
Roxas City (12 February) -- Ginpahayag ni Secretary Ignacio Bunye nga miyembro sang Monetary Board nga nagapabilin nga mapag-on ang sistema sang mga bangko sa pungsod wala sapayan nga sunod-sunod ang pagsara sang mga bangko sa iban nga pungsod bangud sang krisis.
Sa interview kay Bunye iya ginpaathag nga ang mga ginpatuman nga reporma sa banking system sa pungsod amo ang rason sang nagapabilin nga mabakud nga estado sang mga bangko.
Matandaan nga sang nagligad nga tuig madamu ang mga nagsara nga bangko kalakip na ang Lehman Brothers kag Bank of Amerika nga mga dalagku nga pangalan sang bangko sa Amerika.
Samtang si Secretary Bunye nga anay Press Secretary ang sa karon kabahin na sang pinaka-mataas nga policy making body ukon Monetary Board sang Bangko Sentral ng Pilipinas. (PIA) [top]
