By Alice Nicart

Manila (16 February) -- Dire mag-iiha makakarawat na han mga beterano han Ika-duha nga Gyera Mundyal an ira mga benepisyo matapos ipasa han Kongreso han Amerika an balaudnon nga nagkikilala han ira kontribusyon ug mga sakripisyo.

Mismo hi President Gloria Macapagal-Arryo in nagpahayag han iya kalipay ug pasalamat ha mga membro han Kongreso ug Senado han Amerika ngan iya linalauman nga pipirmahan ine largo ni President Barack Obama agud magin usa na nga hol-os nga balaud.

Nagsering daw hi Pres. Arroyo nga ha luyo han pagkure han Amerika ha ekonomiya, nagburotos an duha nga hugpo han mga magbabalaud agud mahitama an nalikatan hin maiha na nga panahon nga mga benepisyo han mga Pilipino nga beteranao, ine daw nga mga benepisyo in nakapatic ha Secion 1002, nga mayda titulo X han kanan Amerika ginbansagan nga American Recovery and Reinvestmen Act of 2009.

Idinugang pa daw han Presidente nga tama la nga tagan hin onor o balor han Amerika an istorya han ira nasud samtang sigi daman an pagpinaursahon nira han ira tiarabot pa nga panahon ug katilingban.

Partikular nga naghatag pasalamat an Presidente kan Sen. Daniel Inouye tungod han iya liderato nga nagin hinungdan han hipasa han balaudnon, ngan ginsidngan pa hin Inouye nga importante kaupay adton iya nagin papel ha pagmalakapasa han balaudnon.

Labot kan Inouye, ginpasalamatan daman ni Pres. Arroyo hira Sen. Daniel Akaka ug Rep Bob Filner ug damo pa nga iba tungod han ira mga tambulig han pagmala kapasa han balaudnon..?

Nahinumdum an Presidente nga hadto han magtawag han mga Pilipino hi Franklin Delano Roosevelt nga magserbe han Armada Pwersa han Pilipinas an mga amay daw hadto nga henerasyon in nagbaton hadto nga panawagan.

Sering pa niya an Presidente han Amerika hadto an Commander-in-Chief samtang an mga Pilipino in nagserbe komo mga Amerikano nga sunndalo, inato hin pupsilay kadungan han mga Kano, an iba nagpatay ilarum han bandera nga mayda mga istar ug damo nga linya.

Iginsakit daw daman an mga Pilipino nga sundalo, upod pa an ira sakripisyo ha ginbansagan Death March ha Bataan. Pero nag-ilob daw ug nagpabilin ha martsa an damo nga Pinoy hasta nga nagpapatay nala durot han gutom ug butlaw. Pero an iba nga nan ngilob han kaglakat, ug pakig-away han pangontra in binulig han mga Mika nga sundalo, kanay mga kapagalan in nagresulta han katalwasan han ngatanan, ug dignidad para han ngatanan nga tawo ha Asya ug han bug-os nga kalibutan.

Yana daw, ine nga estorya han duha nga nasud in makokumpleto ngan nahitatama, ngan labaw han ngatanan hustisya para han mga nagsakripisyo nga mga beterano..

Salamat daw han mga tawo nga waray kabutlaw han pagpinakigbisog ha Kongreso han Amerika.