Waray-Waray News: DepEd iimbitaron umiskoyla in 5.6M nga kabatan-unan
By Alice Nicart
Manila (16 February) -- Pagtutudyon ngan iimbitaron han Department of Education nga umiskoyla in naabot 5.6 nga kabatan-unan nga aadi la ha tagliligid ngan dire nangingiskoyla.
Sumala kan Teresita Inciong, DepEd Assistant Secretary, an programa daw in aada ilarum han programa han departamento nga tinatawag Reaching All Children (REACH), nga may panuyo ibalik ha mga eskoylahan an damo nga kabatan-unan nga nanmaya.
Sering ni Inciong, angay gud nga hiagian hira, mainganyar ngan mapatapos han ira pag-aram, ug nagsering pa daw ine hi Inciong, nga sugo gud han Secretary nga mahibalik ha eskoylahan an mas damo nga kabatan-unan kontra han dire mahibabalik kun dire man la makokumpleto an 5.6M para hit yana nga pag-sulod hit klase 2010 ngadto 2011.
Iginmandu daw daman ni Lapus nga upayon ngan gamiton hin sakto an pondo han edukasyon tobtob 2015, bisan manla nga maabot an 98% nga participation rate, 81% han universal completion ug an 80% MPS nga level han ngatanan nga grado han mga eskoyla.
Gintatarget daw han REACH nga programa an kabatan-unan nga aadto ha mga magkurihay nga lugar, nga mga biktima han pag-arugbayae, pag-abusare ug may mga kakurian ha lawas. (PIA-Eastern Samar) (PIA) [top]
