Cebuano News: Palasyo mipanghimakak sa pag-angkon ni Panlilio sa pagbalik sa jueteng sa Pampanga
By Rodrigo S. Victoria
Manila (18 February) -- Ang Malacanang nagkanayon kagahapong adlawa nga kung ningdagsang pa ang jueteng sa iyang probinsya base sa pag-angkon ni Pampanga Gov. Ed Panlilio, si Panlilio kinahanglan nga may himuon bahin niini kontra sa paglabay sa pamasangil ngadto kang Presidente Gloria Macapagal Arroyo.
"Kana dili maayo matud pa ni Ermita bahin sa pag-angkon ni Panlilio nga ang Presidente gialegar nga nagtugot sa illegal nga duwa sa numero sa iyang probinsya.
Matud pa niya nga ang pagtan-aw sa gobernador sayop kaayo diin siya midugang nga ang pagdawit sa Presidente sa jueteng sa Pampanga sa yano nga rason nga siya Kapampangan dili rason.
Si Deputy Presidential Spokesperson Lorelei Fajardo mipanghimakak sa mga akusasyon batok sa Presidente nga pamasangil ug kini walay merito nga tubagon gikan sa Malacanang.
Si Fajardo mitataw nga ang Presidente nagmando sa lokal nga mga pangagamhanan sa pagwagtang sa jueteng sa ilang tagsa ka mga hurisdiksyon.
Ang Presidente usab misumbalik sa panawagan ngadto sa publiko sa pagtaho sa mga kalihukan sa jueteng dugang pa ni Fajardo. (PIA-Biliran) [top]
