Manila (23 February) -- Si Presidente Gloria Macapagal-Arroyo gahapong adlawa, nagtawag sa mga Filipinos sa pag tan-aw sa atong nakalabay ug malinampuson nga upat ka mga adlaw sa EDSA 1 pinaagi ang pag-ingon nga " dili nato kalimtan, tungod kay ang atong sugilanon sa nasud kinahanglan mo-unhan, apan ang pag handuraw sa mga leksyon niini ug pag bag-o sa atong huna-huna komo mga tawo batok sa bag-ong hagit sa pagkakaron."

Diha sa iyang pagpamulong sa 23rd Anniversary celebration sa EDSA didto sa Libingan ng mga Bayani sa Fort Bonifacio gahapon sa buntag, ang Presidente nag-aghat usab sa mga gagmayng grupo sa mga nahigugma ug ninglaban sa nasud nga naka-uniporme nga maoy naghimo sa kasaysayan sa EDSA I nga posible.

"Dakong dungog ang paglunsad karong tuiga sa upat ka adlaw nga celebrasyon sa anibersaryo sa EDSA I kauban ang gagmayng grupo sa mga nahigugma ug ninglaban sa nasud nga naka-uniporme kinsa ningpili sa pag latid sa kasaysayan 23 anyos na ang nakalabay karong adlawa, nga gipanguluhan ni kanhi Secretary of National Defense ug sa pagkakaron Senate President Juan Ponce Enrile."

Ang Presidente naghatag ug pagtahod sa mga ordinaryo nga Filipino uban ang pag-ingon nga "wala lamang sila mag pakita sa ilang tim-os nga suporta nga nagpaluyo sa pwersa sa EDSA apan sa gilayon ang mga patriots ning tago sa Campo Aguinaldo ug Crame kay kung wala pa, sila maalaot ug ang tibuok kasaysayan makawang ug moubos kini ngadto sa usa na lamang ka footnote sa history."

"Apan ang atong katawhan ning gawas ngadto sa karsad ug nagpakita sa ilang suporta diha sa taas nga kalsada sa EDSA gikan sa atubangan sa Camp Crame ug sa Aguinaldo nga walay mga armas apan mga kasingkasing lamang nga nag dagaang sa pag higugma sa nasud ug tim-os nga pagsalig sa Dyos. Kauban sa hiniusang katawhan, atong na bawi ang demokrasya," matod pa niya.