Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 7 December 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << December 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/23

Waray-Waray News: PGMA, FilVets nagsisilibrar han paghipasa han US law paghatag hin mga benipisyo ngadto han mga beterano han WWII

Manila (23 February) -- Hi Pangulo Gloria Macapagal-Arroyo ngan han mga Plipino nga mga beterano in nagsisilibrar yana nga adlaw (Lunes), ha Malacanang tungod han pagpasa han $198-M lump-sum nga benepisyo para ngadto han mga Pilipino nga beterano nga nakig-away upod an mga pwersa han Amerikano dida World War II (WWII).

An American Recovery and Reinvestment Act of 2009, kun diin ginpasa han Kongreso han Estdos Unidos dida han Pebrero 14 ngan ginpirmahan ni Pangulo Barack Obama dida han Pedrero 17 kaparti han kanan Estados Unidos stimulus package, in mahatag hin ika-usa la nga lump-sum nga bayad nga mabalor $15,000 kada usa nga nag-uukoy ha Estados Unidos nga Pilipino nga betetarano ngan $9,000 para ngadto han mga nag-uukoy ha Pilipinas.

Gindayaw han Pangulo an kanan Estados Unidos mga magbaralaud tungod han ira pagkuriher han usa nga "historic wrong" pinaagi han pag-upod han lump-sum nga binipisyo para han mga Pilipino nga beterano dida han US stimulus bill.

"Ha luyo han kanan Estados Unidos gin-aatubang yana nga mga isyu pan-ekonomiya, an Kongreso han Estados Unidos in nagbutos para makuriher ini nga "historic wrong" ngan ig-upod an lump-sum nga binipisyo para han aton mga beterano. Ini in dako nga kaangayan tungod nga gintagan nira hin dako nga dungog an nakalabay kun diin gintitindog nira it para hit umarabot," larang han Pangulo.

An mga Pilipino nga beterano lakip an ira mga pamilya in maiha na nga naglalarang hini nga ira mga benepisyo tikang han Estados Unidos, kun diin gintutudlok nira an saad han Pangulo han Estados Unidos dida han gyera nga hi Franklin Delano Roosevelt.

Pero dida han 1946, kun diin ginbalikad an anay saad, an Estados Unidos in nagdiklarar nga sobra 250,000 nga mga Pilipino nga sundalo nga nakig-agway ha ilarum han bandera han Estados Unidos in diri na aktibo ha serbisyo ha ilarum han ira militar dida han gyera, salit waray na hira makatagamtam han ha turotemprano pa nga ginsaad ha ira.

Ginkakarkulo han Estados Unidos nga maabot hin 18,000 an mga buhi pa nga mga Pilipino nga beterano, pero an karkulo han Philippine Veterans Affairs Office in natotal hin 36,000, upod hin maabot 80,000 nga mga buhi nga asawa han nagkawara na nga mga beterano.

Dida hiton silibrasyon buwas nga adlaw ha Heroes Hall ha Malacanang, igpriprisenta ni US Ambassador Kristie Kenny in usa nga pirmado nga kopya han US Stimulus Law, nga parti han mga binipisyo han mga Pilipino nga beterano. Ha iya naman nga bahin, an Pangulo in igpriprisentar an pirmado nga koya ngadto hin usa nga Pilipino nga beterano. (PIA-8/mma) [top]

|«  prev  next  »|
DAILY NEWS LIST:
»Feature: EDSA I - history worth remembering, spirit worth perpetrating
»DA bans bird, poultry from Belgium, British Columbia
»PGMA's visit to Zamboanga Sibugay highlights government's zero waste environmental program
»Zambo Norte MSU-IIT alumni gathering slated in Dipolog February 28
»Cebuano News: PGMA nagtawag sa Filipinos nga mokuha ug panig-ingna sa EDSA 1 sa pag atubang sa mga hagit sa pagkakaron
»Cebuano News: P91.3 bilyones gitagana gikan pa niadtong Enero alang sa plano sa pagpalambo sa ekonomiya - Remonde
»Cebuano News: PGMA, FilVets magsaulog sa pagpasa sa balaud sa US nga maghatag ug dugang nga benepisyo ngadto sa mga WW II veterans
»Cebuano News: Grupo sa mga sundalo gidayeg ni Pang. Arroyo tungod sa EDSA 1
»SIPPAD urges investigation of Samar's road construction
»USVA reps in Tacloban to interview Filvets for US benefit claims
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines