Hiligaynon News: Francis M. ginkilala sang Malacaņang
by Jemin B. Guillermo
Manila (23 March) -- Ginkilala sang Malacaņang ang dako nga kontribyusyon ni Francis Magalona sa pagtib-ong sang nasyonalismopinaagi sa iya mga ambahanon kag musika.
Sining karon lang, personal nga ginpresentar ni Pangulong Gloria Macapagl-Arroyo sa kay Pia Arroyo nga balo ni Francis Magalona ang Presidential Medal of Merit didto sa Reception Hall sang Palasyo.
Nagtambong man sa amo nga seremonya ang anak pa nga artista ni Francis nga si Maxene. Didto man sanday Press Secretary Cerge Remonde, Secretary Cecile Guidote Alvarez nga amo ang Presidential Assistant on Culture kag executive director man sang National Commission on Culture and the Arts.
Ang paghatag sang amo nga posthumous award sa kay Francis Magalona ang nagapahayag sang pormal na nga pagkilala sa iya dako nga kontribyusyon sa pagtib-ong sang nasyonalismo pinaagi sa iya musika kag mga ambahanon.
Pila sa mga nangin popular nga mga ambahanon ni Magalona ang "Mga Kababayan, Man from Manila, Ito ang Gusto Ko, Three Stars and a Sun kag Kaleidoscope World." (PIA) [top]
