Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/01

Cebuano News: Gov. Mercado mibutyag sa tinguha pag-ugmad sa palibot sa Agas-Agas

Ni Bong Pedalino

Maasin City (1 February) -- Ang kinahabugan nga tulay sa Pilipinas mabutangan ra pohon og kinatas-ang sakyan-sakyan kon zip-line facility -- ug daghan pang uban.

Gawas niining usa ka kilometrong katas-on sa makapakitbi sa atay nga sakay-sakay, hilig sa mga extreme adventure lovers, ang palibot sa tulay sa Agas-Agas sa barangay Kahupian, Sogod, duna pa gyod unyay motuybo nga mga hotel, restaurants, bisan gasolinahan, aron kadangpan sa mga gikapoy nga mga biyahedor nga gustong mag-palabay sa panahon, ug dili kay kadto lang magtabyog-tabyog sa zip-line.

Kining masaaron nga hulagway sa kaugmaon sa maong dapit ang gipakig-ambit ni Gov. Damian Mercado sa usa ka yano nga istoryahanay uban sa local media sa miaging semana, human pag-abi-abi sa mga bisita nga taga Asian Development Bank (ADB).

Apan sa dili pa kana mahitabo, ang pangagamhanang probinsiyal nag-tinguha pag-angkon og Memorandum of Agreement (MOA) tali sa Department of Environment and Natural Resources (DENR) ug sa Department of Public Works and Highways (DPWH), nagkanayon si Gov. Mercado.

Ang DENR maoy government custodian sa mga timberland areas nga naglibot sa madanihong talan-awon sa Agas-Agas, samtang ang DPWH maoy nanag-iya sa mga building ug uban pang kahimanan nga nagbarug usab sa palibot.

Matud sa Gobernador nga ang isugyot nga MOA magtumbok sa tinguha sa probinsiya sa padayong pagpalambo sa maong dapit, ug kini posibli nga maglambigit og pag-turn-over sa maong lugar.

Siya malaumon nga ang gibugtaw niya nga damgo makabaton rag katumanan, kay maoy iyang gihimong pananglitan ang usa ka mingaw nga dalan kanhi sa Luzon apan karon daw gi-umegas na sa kadaghang kan-anan ug kapahulayan nga maagian nga unta wala pa man kini sa una.

Sa pagka-karon, nahimo nang inila ang Agas-Agas ug ubay-ubay na ang nadani niini nga mga bisita ug mga kuryoso nga tumatan-aw -- ug padayon pa kini sa pagdani -- sukad gi-ablihan kini sa lumalabayng publiko human sa drive-through inauguration ni Presidente Gloria Macapagal-Arroyo pagka Agosto 9, 2009. (PIA-Southern Leyte) [top]

|«  prev  next  »|
DAILY NEWS LIST:
»Malacanang directs 4Ps in Region 8 to cover 6 provinces
»AHECS kicks off this year, to benefit Albayano studes
»100 Magazine hails Camarines Sur Gov. Villafuerte
»Sorsogon police officer named to TOPWP 2009
»DOST-TRC slates Teknobiz Idea Challenge
»DENR intensifies climate change advocacy
»Police nabs illegal drug pusher in Sorsogon
»Hiligaynon News: Kapulisan gindayaw ni Pangulong Arroyo
»Cebuano News: Palasyo miawhag pagtan-aw sa plataporma sa kandidato ug dili ang kakayahan pagdaog ug mga resulta sa surveys
»Cebuano News: RP, MILF mobalik sa peace talks karong Pebrero 18
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines