Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 16 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/02

Cebuano News: Paglawig sa Balangay, gi-inagurahan sa tradisyun nga kultura

By Mike A. Imbo

Butuan City (2 February) -- Pormal nga gi-inagurahan ang bag-ong replica sa gitukod nga Balangay Boat kon "Masawa Hong Butuan" niadtong Domingo (31 Enero) didto sa riverside sa Brgy. Bading ni'ng dakbayan.

Masigarbohon nga natukod pagbalik ang istraktura sa tradisyunal nga "baoto" o baroto kaniadtong unang panahon nga miduso sa pagbarog sa kultura sa "Balangay" kon bayanihan.

Sa pakighinabi kang Chairman Greg Hontiveros ang nagkanayon nga nadiskubrehan ug nakalutan ang karaang "Balangay" dri sa probinsya sa Agusan del Norte, partikularmente sa Brgy. Ambangan, Libertad, sakop sa Northwestern sa nasud. Gigamit ang Balangay Boat sa mga sina-unang kaapohan nga Pilipino sa paglawig ngadto sa tubig-dagat alang sa pagnegosyo ug panginabuhian tabok sa laing isla lukop kalibotan.

Ang grupo sa komitiba, uban ang mga opisyal ug espesyal nga researcher inabagan sa mga religious group pinangunahan ni Rev. Fr Joesilo Amalla ang misubay sa rehiyon sa Caraga aron sa pagpangita sa kahoy nga "dungon" usa ka ancestor nga troso ug matud pa nakaplagan kini didto sa lasang sa Hinatuan, Surigao del Sur.

Adunay gitas-on nga 15 metros ug 3 metros ang gilap-don sa maong baroto (15m long & 3m wide) nga sundogon ang orihinal nga porma sa Balangay. Mikabat sa kantidad nga P1.7 milyon ang kinatibuk-ang nagasto gikan sa kooperasyon sa mga sponsor.

Nasayran nga gimugna kini pinaagi sa grupo sa Balangay Master builders gikan gyud sa Sibuto ug Sitangkay sa Tawi-Tawi pinangunahan ni Maestro Professor Judail Muyong gamit ang seremonyal nga istilo ug abilidad sa paghulma niini.

Ang Balangay Boat Building project giabagan sa pagpaningkamot gikan sa private sector; Butuan Historical and Cultural Foundation ug Butuan Global Forum, Inc.

Nahimo nga malampuson ang proyekto subay sa Memorandum of Agreement (MOA) nga gipalig-on sa National Museum sa Manila kauban ang Metro Manila Chapter sa Butuan Global Forum, Inc. niadtong Mayo 2009.

Si Former Usec of DOT Art Valdez kinsa lider sa Mt. Everest Expedition ug miyembro sa "Kaya ng Pinoy Foundation Inc." nagkanayon nga "masukod na pod sa kalibotan ang laing hagit sa Pinoy diin markahan ang bag-ong adventure sa paglawig niini manukad sa Pilipinas ug molibot sa Southeast Asia, China, Vietnam, Peninsula sa Malaysia ug lukop Pasipiko.

Ang grupo ni Valdez uban ang Philippine Mt. Everest Team, ug pipila ka delegado ang mosakay sa Balangay Boat libot sa ilang destinasyon.

Human sa presentasyon gipanalanginan sa nagkalain-laing relihiyosong sektor ang Balangay Boat, pinaagi sa usa ka tribung sayaw sa mga lumad nga Manobo-Banwaon ug Talaandig Tribal Council. Gipangunahan usab ni Rev. Fr. Joecilo Amalla ang usa ka sagradong seremonya.

Mihandog sa komposisyon nga awit si Dr. Ted Esguerra nga gipanguluhan "Butwan Balangay-Lumayag Ka" nga iyang gikanta atol sa maong programa.

Misaksi ang nagkadaiyang mga opisyales sa gobyerno, empleyado, mga lokal nga media apil na mga foreign media, bisita gikan sa laing nasud, ug uban pa.

Gikatakdang molawig ang Balangay Boat uban ang Diwata ng Lahi karong (04 Pebrero) kung diin ang send-off ceremony pagahimuon sa Philippine Port Authority-PPA grounds, ni'ng dakbayan. (PIA-Caraga) [top]

|«  prev  next  »|
DAILY NEWS LIST:
»CSC brings ARTA drive to barangays
»DepEd XI chief assures safety of NSPC delegates
»Davao region most likely to feel sugar price hike in coming weeks
»RDC sees need for irrigation infra
»HDI conducts tree planting tribute
»Search for outstanding teachers set
»JICA visits asphalt batching plant in Tagum
»NPA commander wounded, captured in Laak
»Army, Carmen town launch feeding project in Lumad community
»Mati PNP voted best rural police station in RP
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines