Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 21 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/03

Waray-Waray News: PGMA nakatalaan pagpirma bag-o nga balaud para han mga senior citizens

Manila (3 February) -- Han nakalabay nga Enero 29, nagpasabot an Malacaņang nga hi Pangulo Gloria Macapagal-Arroyo in nakatalaan pagpirma hin usa pa nga mabaralaud parti pampubliko nga lehislatura nga amo an Expanded Senior Citizens Act of 2010, kun diin an kanan nasud maabot 4.6 milyones nga mga kalagasan in diri na kinahanglan bumayad han 12 porsyento nga expanded value added tax (EVAT) para hira in makatagamtam hin bug-os nga 20 porsyento nga iban ha ira pinamamalit nga mga kumon nga higamit ngan serbisyo.

Dida han Sabado, Enero 30, usa nga magyarakan tikang ha Malacaņang in nagpasabot nga hi Pangulo Gloria Arroyo in naghuhulat nga pormal nga ipadara han Kongreso ngadto ha Malacaņang an pitad kun diin diri na kinahanglan han may mga edad nga bumayad han value added tax.

Salit nagin usa nga surpresa kun kay ano nga may pipira nga mga meyembro han Coalition of Services for the Elderly (Cose) ngan Confederation of Older Person Association of the Philippines (Copap), idaran na nga mga molupyo nga naidad tikang 60 ngadto ha 70 in nagmartsa tikang ha Morayta ngadto ha Mendiola dida han Lunes, Pebrero 1 para mag-insister han Palasyo nga pirmahan na para magin balaud an ginratipikar han Kongreso nga Expanded Senior Citizen's Act.

Dako gihapon nga urusahon kun kay-ano han mga idaran nga mga mulopyo "ginkundina hi Pangulo Gloria Macapagal-Arroyo dida han padayon niya pag-alang pagpirma han balaudnon."

Dako an tsansa nga ini nga mga idaran in iba an nahibaruan o hera in ginagamit hin pipira nga mga tawo nga gusto magin pamulitika an isyu.

An orihinal nga balaud nga amo an Republika Acta 7432, in naghahatag han mga idaran na nga mulopyo han diskwento. Pero, ha luyo hini, mahitungod nga kinahanglan han mga idaran magbayad han EVAT sugad han hin-o man, an diskwento in epektibo nga napaubosan ngadto la ha utso pursyento.

An balaudnon, nga may titulo nga "An Act Granting Additional Benefits and Previleges to Senior Citizens, Further Amending Republic Act No. 7432, also known as "An Act to Maximize the Contributions of Senior Citizens to Nation Building, Grant Benefits and Special Privileges, and for Other Purposes," in ginpasa han duha nga Houses of Congress dida han Myerkoles.

Amo ini nga naaprubaran nga pitad in pipirmahan ni Pangulo Arroyo, pero dida kun an kupya hini nga mga pitad in ira makarawat ngan mabasa han Opisina han Pangulo.

Nakabutang dida han balaudnon nga an mga may idad na, o adton naidad hin 60 tipaigbaw, in diri nga kinahanglan magbayad han 12 porsyento nga EVAT ha mga medisina ngan mga kinahanglanon nga mga higamit para panambal; mga bayad ngadto han mga magtarambal; mga medical, dental fees ngan mga diagnostic ngan ha laboratory nga mga baraydan; mga pasahe ha mga bus, mga jeep, taxi, AUVs, mga serbisyo han shuttle, mga pampubliko nga railways, domestic air ngan ha pandagat nga mga sarakyan.

Upod hini nga prebilihiyo ha buhis amo an mga serbisyo ha mga hotel, mga kaunan ngan iba pa nga puropareho nga mga establisemento; mga bayad ha mga sinihan, ngan iba pa nga lugar parti kultura, pahalibwayan; ngan punirarya upod an mga serbisyo parti paglubong.

Dugang hini, upod dida han balaudnon an binulan nga P500 nga sustento, ha ilarum hin periodic nga pagreview han Kongreso ha kuordinasyon han Department of Social Work and Development (DSWD).

Ha kaso hin kamatay hin usa nga kablas nga idaran na mulopyo, tatagan hin P2,000 nga bali bulig an iya pinakahirani nga kapamilya.

Ha ilarum hini nga balaud, an mga idaran na nga mulopyo in makakatagamtan hin sinko pursyento nga diskwento ha ira kunsomo han tubig ngan elektrisidad ha kundisyon nga an mga pasilidad in ada ha ngaran han idaran na nga mulopyo, ngan an kunsomo in maubos hin 100 kilowatt-hours ha elektrisidad ngan 30 cubic meters ha tubig ha usa kabulan.

Nakabutang gihapon dida han balaud nga tatagan hin pinalidad an hin-o man nga diri magsusunod paghatag han mga benipisyo. An mga establisemento ngan an ira mga tag-iya, mga managers ngan magtratrabaho nga masabutan nga diri nagsusunod han balaud in maatubang hin pinalidad nga diri maubos hin P10,000 pero diri malapos hin P50,000, o maatubang hin maabot usa kabulan nga kaprisuhan pero diri malapos hin uno kabulan.

Nagsering an mga ada ha administrasyon didto ha Kongreso nga an bag-o nga pitad in magigin kaparti han legasiya nga igbibilin ni Pangulo Arroyo ngadto han mga Pilipino paglusad niya dida hit Hunyo. Dida han turotemprano pa han iya termino, ha 2003, han igpasa an orihinal nga balaud (RA 7432) parti han mga benipisyo para han idaran na mga mulopyo. (PIA-8/maa) [top]

|«  prev  next  »|
DAILY NEWS LIST:
»Court convicts one on wharf bombing; acquits all on airport bombing
»Army brass debunks allegations on AFP assassins
»New Davao Oriental capitol blessing transcends petty politics
»CSC Region XI accepts applications for government scholarship
»Duque is new Civil Service Commission chief
»Agri officials keen to conquer El Nino
»LGU Tagum creates Youth Advocates
»Tagum BSP Council joins int'l scouting jamboree
»PGMA SONA project in Samar to be completed in April, DPWH says
»PGMA keynotes International Autism Forum
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines