Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 21 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/05

Cebuano News: 2 national awards naangkon sa BCPO

By Noel Najarro

Butuan City (5 February) -- Naangkon sa Butuan City Police Office ubos sa pagdumala ni PSupt. Joseph D. Plaza, niining sinugdana pa lamang sa tuig ang duha ka mga managluyong nasudnong pasidungog.

Dili pa lamang dugay nga gidawat sa Butuan City Public Safety Management Company (ang kanhi Butuan City Police Mobile Group) ang nasundnon ug prestihiyosong pasidungog atol sa kasaulogan sa PNP Day nga gipahigayon didto sa Campo Crame, ang nasudnong buhatan sa kapolisan ang "Model City Maneuvering Unit For The Year 2009 Award."

Kini ang labing una ning rehiyon ug labi na sa Butuan City Police Office, Sumala ni PSInsp. Ronaldo Plaza ang Company Commander sa maong "elite fighting and service unit" sa BCPO.

Si Plaza maoy midawat sa award uban sa Director sa BCPO nga si PSupt. Joseph D. Plaza.

Si Pangulong Gloria Macapagal-Arroyo mismo uban nila ni DILG Sec. Ronie Puno ug CPNP PDGen. Jesus A. Versoza ang mitunol sa maong pasidungog.

Sumala ni SInsp. Plaza nga dako ang nahimong pagpalig-on sa maong kompaniya sa iyang gisundan nga opisyal nga si PCInsp. Manuel Jimenez, nga mao na karon ang station commander sa BCPS4 nga nakabase sa Barangay Ampayon.

Gituki ni Plaza ang modernisasyon ug kumputirisasyon sa ilang buhatan, ang pagpahaluna sa kooperatiba nga maoy naghatag panginabuhian sa ilang mga sakop, ang mga pasidungog nga ilang naangkon, ang ayuda sa nasyonal ug lokal nga pangagamhanan u gang ilang mga accomplishments.

Matud sa opisyal nga nahimong sayon ang ilang mobilisasyon tungod sa mga sakyanang ayuda sa LGU sa Butuan ug sa Congressional Office ni Cong. Jose "Joboy" Aquino II.

Matud ni Plaza nga ilang gipanglantaw pa ang dugang pagbansay alang sa kahanas sa ilang mga ginsakpan ug mga ekipo nga ilang gipaabot alang sa dugang pagsangkap sa ilahang kompaniya.

Padayonon gihapon nila sa mas mainiton pa ang ilang kampanya batok sa krimen ug illegal nga mga kalihokan ning syudad.

Samtang sa laing bahin, nadawat usab sa sakop sa administrative section sa BCPO dili pa lamang dugay ang pasidungog isip usa sa mga "Ten Outstanding Policewomen of the Philippines (TOPWP).

Si SPO1 Marifel Cortez, midawat sa maong pasidungog uban sa siyam niya ka mga kaubanan didto sa Rizal hall sa palasyo sa Malacaņang, diin si Pangulong Gloria Macapagal-Arroyo ang mitunol sa maong award.

Napasidungan si Cortez tungod sa iyang epektibong adbokasiya sa kaayohan sa mga kababayen-an ug mga kabataan ug mapadayonongpag-edukar sa publiko sa mga balaodnong RA 9262 (Anti-violence against women and Children) ug RA 7610 (Protection Against Child abuse, Exploitation and Discrimination).

Dugang programa nga gipasiugdahan ni Cortez mao ang paghatag ug mga gamit pang-eskwela sa mga tinun-ang kabus nga gitawag "gamit pang-eskwela, Alay sa Pulisya" nga gisundog sa ubang mga buhatan sa kapolisan ning rehiyon.

Ang TOPWP gipasiugdahan sa Zonta Club sa Makati, Paseo de Roxas Foundation ug sa PNP. (PNN/PIA-Caraga) [top]

|«  prev  next  »|
DAILY NEWS LIST:
»NEDA Board approves TPLEX, ups financing for ARMM Social Fund
»Latin beat highlights Musikahan
»Brgy. 76-A: Advocate of progress through handicraft and 4Ps
»Cebuano News: Comval SP gibag-o ang committee chairmanship
»Cebuano News: 1,070 resolusyon ug ordinansa napasar sa Comval SP sulod sa 2.5 ka tuig
»Cebuano News: Comval giilang 2009 Best Provincial LGU sa Davao Region
»Cebuano News: Dugang 100 ka wheel chair gikan sa OBFI gipanghatag sa ComVal
»Cebuano News: 100 mga ustadzes nagpalambo sa ilang katakos pagtudlo sa kultura ug relihiyong Islam
»Davao needs PEZA-accredited sites
»PGMA lauds TESDA scholar now employed in call center
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines