Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/09

Waray-Waray News: Pagbiyahe ha RP yana burobarato, madarudagmit, serusegurado na

Batangas City (9 February) -- Iginpahayag ni Pangulo Gloria Macapagal-Arroyo kakulop (Pebrero 8) nga nahimo han iya administrasyon an pagbiyahe ha Luzon ngan ha iba pa nga mga dapit han nasud nga burobarato, madarudagmit ngan serusegurado.

Pinanlimbasogan han gobyerno nga magin mauruupay an tidaraon para han masunod nga henerasyon hin mga Pilipino, sering han Pangulo atubangan han mga estudyante han University of Batangas.

Sigun han Pangulo, iginhimo en usa nga sistema hin transportasyon diri la ha ULB kondi palibot han nasud agud makagbiyahe an katawhan ngan mahidul-ong an mga produkto ha madarudagmit, ngan mas talwas nga paagi.

Igindetalye niya an progreso han implimentasyon han kanan gobyerno proyekto nga Urban Luzon Beltway (ULB) nga igindisenyo agud makaghatag hin dirediretso nga pagbiyahe tikang ha South Luzon ngadto ha North Luzon.

Usa an ULB han lima nga pinakadako nga target growth areas nga gintatawag nga Super Regions nga gintututokan han administrasyon Arroyo para mapadukwag. An upat pa nga iba amo an Cyber Corridor para han information communication technology ngan business process outsourcing, an North Luzon Agribusiness Quadrangle para han agribusiness, Central Visayas para han turismo ngan an Mindanao Agribusiness para han agribusiness.

Tumong han ULB nga matupngan an iba nga mga nasud dida hiton logistics ngan services hub ha rehiyon han Asya-Pasipiko nga ginlalaoman nga makakakuha hin 30 porsyento han global logistics market nga ginbabanabana makantidad hin $3.5 trilyones. Ha Asya pala ngani, nakantidad an logistics market hin $1 trilyon.

Agud makab-ot ini, nagdumara an gobyerno hin dako nga panmuhunan katugbang an pribado nga sektor ha pagpakaupay pa han mga airport ngan pantalan.

An paghisurusumpay han upat nga tollroads nga naagi ha CALABARZON (Cavite, Laguna, Batangas, Rizal and Quezon), Metro Manila ngan Central Luzon amo an mahinungdanon nga parte han ULB.

Gintagan hin duon ni Pangulo Arroyo nga pinanlimbasogan han iya administrasyon nga makaangat an nagtitikagrabe nga ekonomiya han Pilipinas han kaptan niya an renda han pan-gobyernohan hadton 2001.

Komo usa daw nga ekonomista, nasantop niya nga kinahanglanon gud an disiplina ha pananalapi, ha pagpapadukwag han ekonomiya, ngan manmuhunan ha human resources ngan imprastraktura.

Ha pagpapatuman han ULB, nahimo an pantalan han Batangas nga usa nga international seaport. Natapos an konstruksyon hini hadton 2007 ngan naserbisyohan hini an roll-on-roll-off nga mga sarakyan nga nabiyahe ngadto ha Mindoro ngan iba pa nga mga isla ha sur.

Hadton 2008 natapos naman an Southern Luzon Arterial Road (STAR) toll way nga nagpadagmit han pagbiyahe tikang han bungto han Sto. Tomas ha Batangas ngadto ha Batangas City.

Nagsering an Pangulo nga ginhihimo na gihapon an proyekto nga magsusumpay han STAR ngadto han South Luzon Expressway (SLEX).

An ginpahilu-agan nga SLEX en nagpauruupay han daloy han trapiko tikang ha Metro Manila ngadto ha Calamba ngan ini en nakag-aghat ha mga nagtratrabaho ha Manila nga mag-ukoy ha Laguna.

Samtang, gintratrabaho na gihapon an pagsumpay han C5 ngadto ha North Luzon Expressway (NLEX). Panuyo hini nga maibanan hin 30 minutos an pagbiyahe ha butnga han northern ngan southern Metro Manila. Pinaagi naman han NLEX, maiibanan hin 50 porsyento an pagbiyahe tikang ha Metro Manila ngadto ha Clark, Pampanga.

Ini ngatanan en nagbutang han mga housing projects ha gawas han Metro Manila nga rasonable o praktikal kon diin barubarato an lote ngan an estilo han panginabuhi en mas paborable para hin pagtukod hin usa nga pamilya, sering han Pangulo.

Nagsering pa an Pangulo nga 500,000 nga barato nga mga bablay an natukod han gobyerno ilarum han iya panmuno-an ngan 300,000 hini en ha sakob han ULB. (PIA-Eastern Samar) [top]

|«  prev  next  »|
DAILY NEWS LIST:
»Blue desk to handle TESDA's jobs bridging program
»ComVal implements "no smoking" policy
»No to partisan activities, gov't employees told
»Timbol lauds Kapalong PNP on anti-drug trafficking efforts
»Davao Norte yet to feel El Niņo
»Child sexual abuse, exploitation awareness week observed on February 8-14
»2010 is year for ICT, mining, agri in Region XI
»Comelec XI optimistic to end voting by 6pm
»Commentary: High-tech vigilance
»DA assures it is taking adequate steps to shield regions from El Nino
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines