Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/10

Cebuano News: Mga tulay puhunan sa kalambuan, matud sa congressman

Ni Bong Pedalino

Sogod, Southern Leyte (10 February) -- Ang mga gipangtukod nga mga butang sama sa mga kadalanan ug mga tulay mahinungdanon kaayo sa kadugtongan sa mga dapit ingon man sa pagduso sa ekonomikanhon nga paglambo.

Gisulti kini ni Cong. Roger Mercado sa auditorium sa barangay San Miguel dinhing dapita pagka Biyernes, Pebrero 5, nunot sa iyang pag-ingon nga kining mga proyektoha mga "investments for prosperity."

Sayo niini, si Gov. Damian Mercado sa iyang pakig-pulong mihatag og gibug-aton sa samang huna-huna. Niya pa nga sa una kahoy nga tulay maoy agianan magtadlas sa Subang Daku, ug kini kanunay mabanlas panahon sa dunay baha, hinungdan nga angay kining pulihan ug mas lig-on nga taytayan aron haruhay ang pag-agi-agi sa mga tawo ug mga sakyanan.

Ang duha ka mga hataas nga opisyal sa probinsiya namulong sa seremonyas pagtimaan sa groundbreaking alang sa bag-ong tulay nga himoon sa daan nga dalan tadlas sa Subang Daku river.

Ang maong tulay magdugtong sa barangay San Miguel ug sa barangay Concepcion sa pikas nga habig.

Si Cong. Mercado miingon nga ang pagtukod og edipisyo karon usa ka buhat nga makapamenos og gasto kaysa sa umaabot nga dunay malauman nga pagsaka sa presyo sa mga construction materials sama sa kabilya ug semento.

Usa usab kini ka lakang sa tukmang direksyon sanglit ang kalambuan sa probinsiya sa umaabot maga-agad sa makugihon nga pagdani sa mga investors kinsa maagni pag-anhi tungod sa kahapsay sa mga kadalanan ug tulay.

Si Msgr. Felix Paloma, Cura Paroko sa Parokya sa Sogod, maoy nanguna sa blessing ceremony sa time capsule sa wala pa kini itumod ug ilubong sa yuta, diin mga opisyales sa probinsiya lakip na si Sogod Mayor Sheffered Tan nagpuli-puli pagbubo ug pinala nga yuta aron itabon niini, usa ka seremonya timaan nga pormal nang kasugdan ang naasoy nga proyekto.

Sa closing remarks sa programa, si District Engineer Carlos Veloso miingon nga ang proyekto nagkantidad og P 144 Million alang sa 136 linear meters ka taas nga tulay, diin paga-trabahoon kini sa maka-unom ka hut-ong, ang unang hut-ong gitakdang matapos sa bulan sa Agosto karong tuiga sa pasiunang kantidad nga P20 Million.

Si Veloso miingon nga ang bag-ong tulay maghatag og mas mubo nga kaagian alang sa buot mopaingon sa pacific ug sa Panaon island, makapamenos sa gasto sa transportasyon, ug magtanyag og mas luwas, mas sayon nga pag-biyahe sa publiko. (PIA-Southern Leyte) [top]

|«  prev  next  »|
DAILY NEWS LIST:
»4Ps families attend DSWD Anniversary
»Davao Norte pegs rice sufficiency at higher level than NEDA report
»NEDA XI urges gov't agencies to pursue e-gov services
»Comelec assures ARMM voters a clean election
»Feature: Tagum becoming RP's music center
»Police confiscates over 50 firearms in Central Visayas amid election gunban
»Cebuano News: PGMA gitapus ang biyahe sa Cyber Corridor ug nakatali ug 0.5-M nga trabaho gikan sa BPO-ICT
»PGMA okays P1.54T national budget
»No El Nino in Eastern Visayas, but mitigating measures in place, DA-8 says
»Hiligaynon News: Mga pananom sa Capiz hilway pa sa El Niņo
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines