Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 26 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/10

Waray-Waray News: PGMA gindubli an pundo ha edukasyon ngadto ha P180-B kada tuig

Manila (10 February) -- Pagbutang hin pundo para edukasyon in nagin dubli ha ilarum han yana nga administrasyon.

Dida han iya pagyakan kakulop han aga ha Real Elementary School ha siyudad han Calamba, nakita ni Pangulo Gloria Macapagal-Arroyo nga dida han 2001, paglingkod niya ha katungdanan, an gin-alutaga nga pundo para han state colleges, Department of Education (DepEd), Commission on Higher Education (CHED), ngan Technical Education and Skills Development Authority (TESDA) in P90 bilyones la.

An gin-alutaga nga pundo para edukasyon yana nga tuig in P180 bilyones.

An Pangulo in nakada han eskwelahan para ipasabot an panuyo han iya administrasyon nga amo an pagpauroupay han sistema han edukasyon ngan para magkaada hin zero nga drop-out nga rate para han mga primer grado.

Sering han Pangulo, an gobyerno, tikang dida han 2001, in naghimo hin maabot 100,000 nga mga eskwelahan, nangempleyo hin maabot 60,000 nga mga magturotdo, ngan ginpahitas-an an ira binulan nga sweldo tikang ha P9,000 ngadto ha P14,000 kada bulan. Nag-alutaga gihapon hin P1.5 bilyones para paghag-id han mga magturotdo ha English.

Ngan mahitungod hini nga paghingaupay han sistema han edukasyon, nagsering an Pangulo nga an mga resulta ha mga eksamin in nagharohataas han nakalabay nga upat katuig tikang ha 44 pursyento ngadto ha 65 pursyento ha elementarya ngan 36 pursyento ngadto ha 47 pursyento ha mga high school.

Pero ha luyo hini, kinahanglan pa nga igpauroupay an kalidad han sestema han edukasyon. Ngan ini in mas kinahanglan nga magtikang ha haruhamobo nga pangidaron han kabataan.

Mahitungod hini nga rason nga an Pangulo in pumirma han Executive Order 685 ha 2008 ha pagsunod han RA 8980, kun diin nagmamando hin state-sponsored childhood care para ha mga maidad hin singko anyos tubtub ngadto ha pre-schoolers.

Sering niya nga ginpakita dida ha paghikay nga "an pre-school in usa nga dako nga elemento ha pagpakita han kaaradman han Grade I nga mga estudyante ha sestema han pormal nga edukasyon."

Dida han iya State-of-the-Nation Address (SONA) han nakalabay nga tuig, nagsering an Pangulo nga mahitungod nga hiya in nagin magturotdo, naugop gud hiya han propesyon han pagtutdo. Amo ini nga rason nga mas gintatagan niya hin darodako nga pundo an edukasyon ngan an paghag-id.

Nagadmiter an Pangulo nga an paghatag hin edukasyon para han ngatanan in usa han pinakamakuri nga panuyo han Millennium Development Goals (MDG) nga sering niya haros waray pa nasud nga nakatuman. (PIA-8/maa) [top]

|«  prev  next  »|
DAILY NEWS LIST:
»4Ps families attend DSWD Anniversary
»Davao Norte pegs rice sufficiency at higher level than NEDA report
»NEDA XI urges gov't agencies to pursue e-gov services
»Comelec assures ARMM voters a clean election
»Feature: Tagum becoming RP's music center
»Police confiscates over 50 firearms in Central Visayas amid election gunban
»Cebuano News: PGMA gitapus ang biyahe sa Cyber Corridor ug nakatali ug 0.5-M nga trabaho gikan sa BPO-ICT
»PGMA okays P1.54T national budget
»No El Nino in Eastern Visayas, but mitigating measures in place, DA-8 says
»Hiligaynon News: Mga pananom sa Capiz hilway pa sa El Niņo
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines