Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 16 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/11

Waray-Waray News: PGMA nananarit na ha mga opisyal han AFP ngan mga tawohan hini - Brawner

Manila (11 February) -- Hi Pangulo Gloria Macapagal-Arroyo in tigda la nga ginsurpresa pagbisita hin pribado an mga opisyal ngan tawohan han Armed Forces of the Philippines (AFP) didto ha General Headquarters ha Camp Aguinaldo, siyudad han Quezon.

Hi AFP public affairs office chief Lt. Col. Romeo Brawner Jr. in nagsering nga dida han Merkoles ginsering han Pangulo an mga sundalo nga hiya in nagkikinabaraka ha ira kun tiunanho an iya pagseguro nga mahatag ha ira an ira kaangayan nga mga benepisyo ngan mapaharuhatas-an an ira mga sweldo ngan allowances.

"Adto in usa nga pribado nga pagbisita salit naghangyo hira nga ini in diri kadtuon han mga taga-medya. Ha kamatuoran waray niya paupda an Malacaņang Press Corps," dugang pa ni Brawner.

Sering niya nga an Pangulo in umabot dida han 2:30 p.m. ngan lumakat mahuman hin 30 minutos.

"Ha kamatuoran usa adto nga pagsarit nga pagbisita hiunong hit iya paglusad ha katungdanan, ngan kumadi gudla hiya para magpasalamat han mga kasundaluhan han ira tangkod nga pagserbisyo han nasud ngan nagsering gihapon hiya nga nababaraka hiya parti han ira kamutangan, salit amo ito nga iya ginseguro nga an mga benepisyo han kasundaluhan, an ira sweldo ngan allowances, in mapahitas-an dida han iya katungdanan. Sering niya nga damo nga mga benepisyo an iginhatag ngadto han kasundaluhan mahitungod han iya kabaraka para ha ira. Bali amo ito an iya duha nga mensahe," sering ni Brawner.

"Bali nananarit na hiya mahitungod nga nag-aandam na hiya hit iya paglusad ha katungdanan bali Pangulo ngan Commander-in-Chief han Armed Forces," pag-esplikar pa niya.

Sering ni Brawner nga an Pangulo in waray magsugo han AFP hin mga angay buhaton dida han iya pagbisita, mag-estorya maski ano kaparti han tiarabot nga piniliay.

"Waray hiya maghatag hin mga angay buhaton, waray hiya magmando maski ano nga may kalabutan ha piniliay, waray hiya maghisgot maski ano parti hit piniliay... maski pagpahinumdum nga kinahanglan waray dadapigan nga partido, waray maski ano. Duha la nga butang an iya ginpahamtang... an iya pagpasalamat ngadto han kasundaluhan para han ira serbisyo para han nasud, ngan, ikaduha, ginpahinumdum niya ha mga kasundaluhan han iya panginano han ira kaupayan ngan ginsering niya parti han pagpaharuhataas han ira mga sweldo.

Sering ni Brawner, mahuman hin lima kaminutos nga mensahe ngadto han kasundaluhan, an Pangulo in nakigharampang han mga opisyal ngan han mga tawo hini pangaon hin "pancit", manok, saging, tinapay, ngan nagpakuha pa hiya hin litrato han kasundaluhan antis hiya lumakat.

Sering ni Brawner, hi AFP vice chief Lt. Gen. Rodrigo Maclang an tumapo han Pangulo mahitungod nga an AFP Chief Gen. Victor Ibrado in nakadto ha langyaw. (PIA-8/maa) [top]

|«  prev  next  »|
DAILY NEWS LIST:
»NSU inauguration, installation of new university president set Thursday
»Feature: A big day for NSU
»Enterpre-Nurse coop organized in Davao Norte
»Economic crisis affects education sector
»Magsaysay Park as hub of Chinatown festival
»Solon wants probe on HIV/AIDS fund
»Mori pledges continued support to 4Ps in Caraga
»NEDA bares Davao Region 2009 economic performance, 2010 growth outlook
»Ateneo de Davao University hosts jobs fair
»Pag-IBIG Davao conducts saturation drive for RA 9679
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines