Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/11

Ilocano News: Task Force ti Gobierno mangiyemplementar ti addang kontra El Niņo

Ni Miriam P. Aquino

San Fernando City, La Union (11 Pebrero) -- Mangiyemplementar ti Departamento ti Agrikultura (DA) ken dagiti innem nga attached agencies na iti naduma-duma nga addang wenno intervention measures a pakairamanan iti pannaka-ipangnamnama a pannakaitulod iti padanum ken pannaka-iwaras ti mobile animal diagnostic laboratories tapnu mangpalag-an ti panagtupak wenno epekto iti El Niņo kadagiti sector ti agrikultura.

Kinuna ni DA Undersecretary Bernie Fondevilla nga dagitoy nga addang ket pakairamanan iti National Irrigation Administration (NIA) kasta met dagiti asosasyon ti irrigators (IAs) kadagiti luglugar a maapektaran iti El Niņo; ti Bureaus of Soils and Water Management (BSWM), Bureau of Fisheries and Aquatic Resources (BFAR), Bureau of Animal Industry (BAI); National Food Authority (NFA); ken iti Food Terminal Inc. (FTI).

Ti makunkuna nga El Niņo ket isu daydiay saan nga kadawyan a panagbara ti rabaw iti baybay ayan iti equatorial Pacific nga kadarato adda kakuyog na a sumagmamano/ sagbabassit a panagtudo nga isu?t gapuanan ti panagmaga iti daga.

Dagitoy nga addang, kuna ni Fondevilla, ket napagsasaritaan idiay naangay nga interagency task force meeting iti nabiit nga inyusuat ni Presidente Arroyo tapnu isu?t mangtrabaho kadagiti intervention programs para iti agdama a panagkiggang nga possible nga agbayag agingga iti bulan ti Hulyo.

"Uray nu makitkita iti Philippine Atmospheric, Geophysical and Astronomical Services Administration (PAGASA) nga nalag-an laeng ti agbalin nga epekto ti El Niņo, makita iti weather bureau nga agbayag daytoy agingga iti Hulyo", insao pay ni Fondevilla.

Dagiti regional field units (RFU) iti DA ket isu ti tumulong nga mangiyemplementar ti kaaduan dagiti addang nangnangruna unay idiay luglugar nga agkasapulan ti nainget a panangimaton kadagiti municipal a libel, kinuna ni Fondevilla.

"Pakairamanan dagitoy nga addang iti pannaka-iskedyul ti panag-releaseda iti irrigation diversion equipments para iti Angat Maasimj River Irrigation Systems (AMRIIS) nga ipaiyemplementar iti DA ken NIA, ken ti pannaka-isilpo wenno linking dagiti kankanal aggapu idiay Upper Pampanga River Integrated Irrigation System (UPRIIS) agpapan idiay Angat-Maasim Dam a mangsaksakop iti agarup 6,000 ektarya idiay Bulacan, tapnu maliklikan ti pannakatantan iti panawen ti panagmumula, kuna pay ti opisyal.

Innayon na pay nga "makikadua ti NIA kadagiti IAs tapnu maipanamnama ti pannaka-deliber ti padanum ken ti pannaka-iskedyul ti national irrigation systems ken rehabilitasyon dagiti agganganar nga irrigation canals babaen ti drainage reuse system."

Babaen ti tulong iti Philippine Air Force (PAF), madaman nga iwar-waras ti BSWM iti seeding operation kadagiti luglugar a ktitikal nga maapektaran iti panagkiggang, impaunay-unay ni Fondevilla.

Kagiddan pay daytoy, mangikabil pay ti BSWM ken BFAR ti agarup 6,000 a yunit ti shallow tube wells, pumps wenno makmakina para ti panagkalap, a pakasakupan ti 18,000 nga ektarya nga apektado ti El Niņo kadagiti 47 a probinsiya, ken mangipatakderda ti bubon a mausar dagiti community food gardens a paggapuan dagiti high value commercial crops (HVCCs).

Tulungan met dagiti field operations service ken RFUs iti sidong ti DA dagiti mannalon nga agsukat/mangala ti alternative crops tapnu maliklikan ti pannakaperdi ken pannaka-abak.

Kas pagarigan, nakasagana ti departamento nga mangtulong kadagiti mannalon nga agmulmula iti pagay a mangted ti hybrid corn seeds a pangsukat nga imula da.

Mangted met ti DA iti seed subsidies nga drought ken saline tolerant a klasklase iti bukbukel ti pagay, mais, natnateng ken root crops, kinuna ni Fondevilla.

Imbaga pay ti opisyal nga karaman dagitoy nga intervention measures iti agtultuloy nga field surveillance kadagiti lugar nu kapigsaan iti panagani; maited pay ti rodenticides kadagiti lokal agobierno ken pagarawen da dagiti komunidad para iti massive control activities; maikkan dagiti livestock ken poultry subsectors veterinary drugs ken biologics; ken panangiwaras ti BAI iti mobile diagnostic labs.

Para iti dagitoy nga mitigating measures, nangilasin ti DA iti agarup P1.7 billion aggapu iti regular a pondo ita a tawen tapnu maponduan dagitoy nga addang.

Inyeksplekar ni Fondevilla nga aggapu ti nasao a pondo ket mangilasin ti departamento iti agarup P 570 milyun a gatad para iti intervention measures para ti sektor iti pagay.

Para met iti programa da nga 2010 El Niņo Mitigation Program, nangilasin ti DA ti agarup P613.7 milyun para iti sektor ti mais; P411 milyun para iti HVCC subsector; ken P117.4 milyun para iti fisheries.

Idi Disiembre ti napan a tawen, nangpartuat ti DA iti bukodna a task force a mangiwaras iti programa a mangpangato ti produksiyon, kadua ti mabirukan dagiti mannalon iti panawen ti panag-atake ti El Niņo.

Nakatutok ti mitigating measures iti DA Task Force para ti 23 a "highly vulnerable" wenno nangato ti tsansa na a maapektaran nga luglugar ditoy pagilian.

Base ti report, dagiti luglugar a maikonsidera a nakaro a maapektaran ti El Niņo ket pakairamanan ti probprobinsiya iti Ilocos Sur, Ilocos Norte, La Union, Pangasinan, Cagayan, Aurora, Bataan, Bulacan, Nueva Ecija, Pampanga, Tarlac, Zambales, Cavite, Rizal, Occidental Mindoro, Palawan, Capiz, Iloilo, Negros Occidental, Misamis Oriental, Zamboanga City, Sarangani and South Cotabato.

Dagiti met lugar a saan unay a nakaro/katamtaman laeng ti mariknana nga epekto ti panagkiggang ket ti probinsiya iti Abra, Apayao, Benguet, Ifugao, Mt. Province, Isabela, Nueva Vizcaya, Quirino, Batangas, Laguna, Quezon, Romblon, Sorsogon, Aklan, Antique, Bohol, Samar, Zamboanga Norte, Zamboanga Sibugay, Zamboanga Sur, Bukidnon, Davao Oriental, Davao Sur ken Davao City.

Kinuna ni Fondevilla nga iti possible nga total agricultural production losses gapuanan ti mild wenno katamtaman nga El Niņo scenario ket mabalin nga umabot ti agarup P8.09 bilyun, kumpara iti gapuanan ti nakaro wenno severe a dry spell/panagkiggang ket abuten iti agarup P20.46 bilyun.

Innayon pay ti opisyal nga base kadagiti panagadal nga inaramid ti departamento da ket adda iti makitkita nga pakabukelan ti 453,204 nga ektarya iti daga nga pagmulaan iti pagay, 227,843 nga ektarya a para ti mais, ken 14,160 nga ektarya iti sektor ti fisheries a mapuruan iti kaada/panag-atake ti naatiddog a panagkiggang wenno El Niņo ditoy pagilian. (PIA RO/LU) [top]

|«  prev  next  »|
DAILY NEWS LIST:
»NSU inauguration, installation of new university president set Thursday
»Feature: A big day for NSU
»Enterpre-Nurse coop organized in Davao Norte
»Economic crisis affects education sector
»Magsaysay Park as hub of Chinatown festival
»Solon wants probe on HIV/AIDS fund
»Mori pledges continued support to 4Ps in Caraga
»NEDA bares Davao Region 2009 economic performance, 2010 growth outlook
»Ateneo de Davao University hosts jobs fair
»Pag-IBIG Davao conducts saturation drive for RA 9679
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines