Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/15

Cebuano News: Southern Leyte nagkinahanglan og 600 PCOs machines

Pagsulay sa makina himoon Marso 8-13

Ni Bong Pedalino

Maasin City (15 February) -- Dunay 574 ka gitapok nga mga presinto o clustered precinct tibuok Souther Leyte alang sa Mayo 10 automatic nga piniliay, busa kon usa ka Precinct Count Optical Scan (PCOS) ang gitagana sa matag clustered precinct, nan dunay 574 ka mga PCOS machines ang ihatod alang dinhi sa probinsiya.

Apan sanglit ang kada pag-deliver duna man say gigahin nga sobra o pakapin, ang kinatibuk-ang gidaghanon mosubra pa sa 574 bisan wa pa masayri pila gyod ka buok, si Commission on Elections (COMELEC) Provincial Election Supervisor Atty. Antonio Gulay nagkanayon.

Mokabat og 500 ka barangay tanan sa entero lalawigan sa Southern Leyte.

Kining mga PCOS machines maoy paga-gamiton sa labing una nga piniliay sa nasud nga magagamit og teknolohiya, diin ang mga botante, human sa pagnosnos sa blanko nga lingin atbang sa ngalan sa kandidato, moduso-hungit sa maong balota ngadto sa makina, ug kini moihap dayon sa boto.

Sa Maasin City diin dunay 89 ka clustered precincts, ang matag barangay sa 70 ka barangay dunay usa ka PCOS unit, samtang ang dagkong barangay sobra pa sa usa, ug duna pa gyoy gahin nga pakapin, si Lawrence Gelsano, City COMELEC Officer, miingon.

Sa tibuok nasud, dunay 76,000 ka clustered precincts, apan ang kontrata sa COMELEC tali sa Smartmatic-TIM, ang nakadaug nga IT contractor alang sa automated polls, nagtawag og 82,000 kapin ka buok, sumala pa ni Atty. Gulay.

Sa pangutana kon kanus-a kaha mangabot kining mga makinaha dinhi sa probinsiya, si Gulay wala makatino pagsulti kon kanus-a gyod, gawas sa pag-ingon nga labing menos nia na kini mga tulo ka adlaw sa dili pa ang eleksyon, aron paghatag panahon sa pag-testing.

Kabahin sa pagsulay pag-gamit sa maong makina, si Gulay miingon nga ang schedule sa Southern Leyte alang niini himoon karong Marso 8-13 gamit ang usa ka PCOS machine nga sampol alang tibuok rehiyon 8.

Ang demonstration gituyo alang sa siyudad ug 18 ka mga lungsod, apan gilaktawan nila ang Limasawa kay di maapas sa panahon.

Ilang gihangyo nga dunay nilain nga adlaw alang sa unom ka barangay sa Limasawa karong Marso 30, atol sa First Mass anniversary, apan wala pa siyay nadawat nga tubag sa pagsulat ning balita. (PIA-Southern Leyte) [top]

|«  prev  next  »|
DAILY NEWS LIST:
»CSC-7 announces search for 2010 outstanding public officials and employees
»DOLE 6 releases P18-M for livelihood projects in 2009
»NCIP awards 40,000 ancestral domain titles to IPs in Cagayan Valley
»Power firm donates 11 computers, printers to Ifugao town
»Army recovers high powered firearms after Eastern Samar encounter
»Cebuano News: Central Visayas nangandam pagbontog sa El Niņo
»Cebuano News: Palasyo wala magduso paggamit sa mga contraceptives
»Cebuano News: RP Embassy sa Poland mipasabot sa mga reklamo sa mga OFWs didto
»Waray-Waray News: PGMA mabalik ha Mindanao para hin Agribusiness Legacy Tour
»Hiligaynon News: Gobyerno ginpasangkad ang kampanya batok sa HIV-AIDS
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines