Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 19 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/17

Hiligaynon News: EVAT exemption sg senior citizen ginlagdaan na ni PGMA

Manila (17 February) -- Ginlagdaan na ni Pangulong Gloria Macapagal-Arroyo ang laye nga nagahilway sa ginabulubanta 4.6 milyon ka mga senior citizen sa pungsod sa pagbayad sang 12 porsyento nga expanded value added tax (EVAT) sa ila nagapanguna nga balaklon kag iban pa nga kinahanglanon kag serbisyo suno kay Deputy Spokesman Gary Olivar.

Ginatawag nga Republic Act 9994 o Expanded Senior Citizens Act sang 2010, ang bag-o nga laye nagapahanugot sa mga senior citizen nga maagum sang bilog ang 20 porsyento nga diskwento sa consumer goods kag serbisyo sandig sa RA 7342 sang 2003.

Sa idalum sang laye indi magbayad sang EVAT ang senior citizens o yadtong mga 60 anyos pataas sa mga bulong kag kinahanglanon nga medical supplies, accessories kag equipment; bayad sa doktor, medikal, dental kag laboratory fees; pamasahe sa bus, jeepneys, taxis AUVs, shuttle services, public railways, lokal nga eroplano kag barko.

Kalakip man diri ang serbisyo sa hotel, restawran kag kasubong nga establisyamento; bayad sa sinehan, teatro kag iban pa nga lugar sang kultura kag kalingawan; gastos sa punenarya kag paglubong.

Dugang pa, suno sa kasuguan ang tagsa ka senior citizen pagahatagan sang tag-P500 nga bulanan nga stipend sandig sa periodic review sang Kongreso sa koordinasyon sang Department of Social Welfare and Development.

Sa tion sang kamatayon sang imol nga senior citizen, pagahatagan sang P2,000 nga bulig ang pinakamalapit niya nga himata.

Sa idalum man sang hagna ang senior citizen may 5 ka porsyento nga diskwento sa bayad sang ila suga ka tubig sa kondisyon nga ining mga balayran ang sa ngalan sang senior citizen kag manubo sa 100 kilowatt sang kuryente kag 30 metros kubiko naman sa tubig sa sulod sang isa ka bulan.

Ginpasangkad man sang laye ang penalidad sa mga yadtong magapamalibad sa paghatag sang mga benepisyo. Ang mga establisyamento kag mga tag-iya, managers kag personnel mapamatud-an nga nagalapas sining laye magapangatubang sang penalidad nga P10,000 tubtub P50,000 o pagkabilanggo indi magnubo sa isa ka bulan kag indi magsobra sa anum ka bulan.

Ginpahayag ni House Speaker Prospero Nograles, isa sa mga sponsor sang laye, isa ini ka makahulugan nga lehislasyon nga mangin kabahin sang mga legasiya nga igabilin ni Pangulong Arroyo sa pumuluyong Pilipinhon pagpanaug niya sa palangakuan sa Hunyo. (PIA) [top]

|«  prev  next  »|
DAILY NEWS LIST:
»P3.4 million DAR project eyes reduced poverty, unemployment in Davao region
»Young life snuffed out in NPA Valentines Day attack
»Gov't peace and development projects under siege
»Public lectures, food demos set at UP Mindanao
»Lot for the landless: Tagum mayor surprise Valentines gift
»Tagum City chants in communication proficiency
»DTI 11 consults with private sector to improve services
»Private sector urged to influence gov't to think like entrepreneurs
»Davao seminar on autism spectrum disorder set February 21
»Postharvest project keeps elderly farmers productive
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines