Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 18 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/17

Waray-Waray News: Gin-aghat ni PGMA an DepEd nga ipadayon an English proficiency program

Manila (16 February) -- Gin-aghat ni President Gloria Macapagal-Arroyo hi Education Secretary Jesli Lapus nga ipadayon an kanan gobyerno English-proficiency training program para ha mga magturutdo ha public schools.

Ginpahayag niya ine kataliwan maka obserbar han gindudumara nga National English Proficiency Program (NEPP) para elementary teachers ha P. Burgos Elementary School ha P. Guevarra St., Manila kakulop February 15, 2010.

Han hibaro niya nga maabot na hin 100,000 an nakatagamtam han training program han maabot 500,000 nga magturutdo, naruyag daw hi PGMA nga ipadayon ini.

May-ada na daw gad ngani mga maupay nga nahidurot hini, ugaring kinahanglan pa hin kadugangan nga paniguro segun kan PGMA.

Nag aluntaga daw an gobyerno hin maabot P2.5 billion para teacher training han urhi nga tulo ka tuig labi na para han mga English teachers.

An NEPP han tuig 2003 in offshoot daw han Executive Order 210 nga nagmamando nga gamiton an English komo medium of instruction ha elementary grades ngan high school, labi na ha English, Math ngan Science.

Dugang pa ni PGMA, angay daw tagan pasidungog an Department of Education (DepEd) dara han iya kontribusyon ha English language proficiency.

Dara daw hini, han ginbuhat nga National Achievement Test (NAT) humitaas tikang han 44 percent ngadto ha 65 percent ha elementary schools ngan tikang ha 36 ngadto naman ha 47 percent ha high schools.

Karuyag daw ni Presidente nga makabisita han maabot 23 nga Centers of Excellence pag kita kun pati-unan-o an paghag-id han mga bag-o nga magturutdo.

Para pa hin kadugangan nga pag ursa han kanan nasud educational system, gin organisar daw an Presidential Task Force on Education nga pinangunahan naman ni Jesuit educator Father Bienvenido Nebres.

Dinhi, may-ada daw Main Education Highway tipakadto ha Knowledge-Based Economy. Naghihingita daw ini hin seamless education tikang ha basic education ngadto ha vocational school ngan kolehiyo.

Igpapadayon daw niya an iya hands-on governance tubtub mahuman an iya termino aber mas mapadugwak pa an de kalidad nga edukasyon para han tanan labi na an kabataan, komo primera nga paglaum han mas mauswag nga Pilipinas.

Nahingadayan gihapon ni Presidente nga dako gud an panmuhunan han iya administrasyon ha education ngan skills.

Iya daw gin pa doble an budget han DepEd, Technical Education and Skills Development Auhtority (TESDA), Commission on Higher Education (CHED) lapid pa an state universities, ngadto ha P180 billion tikang han P90 billion budget ha pagtikang niya ka Presidente.

Labot pa, ginsabi ni Presidente nga may-ada na 100,000 classrooms nga gin tindog; pag wagtang han miscellaneous fees ha mga public primary schools; sugad man an paghimo nga an school uniforms in optional.

Aber pag aghat ha mga kablas nga pa eskoylahon an ira kabataan, an Presidente in naghingaday nga an Pantawid Pamilyang Pilipino Program (4Ps) in nahatag hin salapi o tinatawag nga conditional cash transfer hin P 800 ngadto ha P 1, 400 kada pamilya nga kablas.

Mas marugdog daw gihapon an scholarship ha GASTPE program.

Maabot na daw 600,000 nga estudyante an na eskoyla ha undergraduate ngan post-graduate college courses.

Nakahimo na daw hiya hin 60,000 teaching jobs, ngan nagpa hitaas han teachers' pay. An usa nga Teacher I in anay P9,000 la, in yana, nabot na ha P14,000," segun kan President kun diin ginparakpakan hiya han tinambong nga mga magturutdo.

Ginbubuhat daw ini ngatanan aber makab-ot an makuri nga UN Millennium Development Goal nga universal primary education ha tuig 2015, usa nga ayat nga an Cuba pala an nakatalwas. (trans PIA-Samar) [top]

|«  prev  next  »|
DAILY NEWS LIST:
»P3.4 million DAR project eyes reduced poverty, unemployment in Davao region
»Young life snuffed out in NPA Valentines Day attack
»Gov't peace and development projects under siege
»Public lectures, food demos set at UP Mindanao
»Lot for the landless: Tagum mayor surprise Valentines gift
»Tagum City chants in communication proficiency
»DTI 11 consults with private sector to improve services
»Private sector urged to influence gov't to think like entrepreneurs
»Davao seminar on autism spectrum disorder set February 21
»Postharvest project keeps elderly farmers productive
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines