Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/17

Cebuano News: PNP RD nanguna sa Southern Leyte unity run alang sa hapsay nga piniliay

Ni Bong Pedalino

Maasin City (17 February) -- Ang bag-ong pangu sa Philippine National Police (PNP) sa Rehiyon 8, Leyte ug Samar, nag-una sa pagpakita nga ang pagdagan dili lamang usa ka matang sa physical exercise kondi maayo usab alang sa pagsabwag sa pamatyag mahitungod sa hope, kon honest, orderly, ug peaceful elections.

Si Police Chief Superintendent Rey Lanada, PNP Regional Director mismo mibuhat gyod niini diin kagahapon sa kaadlawon, sugod mga alas 4:00 sayo sa buntag, siya ang nag-una sa mga nag-jogging nga mga kapolisan ug mga estudyante, ang mga nangapil moabot og mga gatosan ka mga tawo.

Nagsugod sila pag-jogging sa capitol sunken garden, dayon tuyok sa kadalanan ning siyudad, may kalay-on nga mga lima ka kilometros ang ilang nadagan sa usa ka kalihokan nga gitawag "Unity Run" alang sa tiunay nga pagpahigayon sa labing unang automated elections sa nasud.

Human sa pagdagan, dihang nalamdag na kay mitaniag na ang adlaw, usa ka tarpaulin sama kadak-on sa regular nga streamer ang gibukhad, diin nakasulat dinhi ang mga pangandoy, sa pinulongang tinagalog, alang sa HOPE, ug kini gipirmahan sa kadaghanang miapil sa jogging.

Ang mga signatories naglakip kanila ni Atty. Antonio Gulay, ang provincial Election Supervisor sa Commission on Elections (Comelec), Bishop Precioso Cantillas sa Diocese of Maasin, mga estudyante, ug mga Police Officers.

Sa pagka pasado alas 9 na sa buntag kagahapon, si P/CSupt. Lanada nakighinabi sa pipila ka sakop sa kapolisan, diin iyang gihatagag igong pagduot ang punto nga kinahanglan sila nga naka-uniporme dili gyod mag-apil-apil sa partidistang kalihokan sa piniliay, ug maningkamot aron dunay maayong ngalan nga ikabilin sa mosunod nga henerasyon.

Sa usa ka interview, si Lanada mibutyag sa PIA nga ang iyang pag-bisita sa mga provincial PNP headquarters sa tibuok rehiyon maoy usa ka paagi paglantaw sa sitwasyon sa mga kampo, ingon man pagtan-aw sa kahimtang sa kapolisan, bisan pa kon iyang iduso kanunay ang paghimo og "Unity Run" bisan asa siya mahiadto.

Siya malaumon ug kompyansa nga ang piniliay sa rehiyon mamahimong hapsay, diin ang mga polling precincts dunay gitagana nga security, bisan pa man sa pipila ka mga dili pa kompermadong tahu nga matud pa dunay mga armadong grupo nagtikaw-tikaw sa rehiyon.

Si PNP Provincial Director Supt. Pepito Pacada mipahinunot sa maong panglantaw, diin siya usab nagalaum nga hapsay ang eleksyon sa probinsiya sa Southern Leyte sanglit walay seryosong hulga sa seguridad ang ilang naaninaw. (PIA-Southern Leyte) [top]

|«  prev  next  »|
DAILY NEWS LIST:
»P3.4 million DAR project eyes reduced poverty, unemployment in Davao region
»Young life snuffed out in NPA Valentines Day attack
»Gov't peace and development projects under siege
»Public lectures, food demos set at UP Mindanao
»Lot for the landless: Tagum mayor surprise Valentines gift
»Tagum City chants in communication proficiency
»DTI 11 consults with private sector to improve services
»Private sector urged to influence gov't to think like entrepreneurs
»Davao seminar on autism spectrum disorder set February 21
»Postharvest project keeps elderly farmers productive
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines