Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/17

Waray-Waray News: PGMA nagpirma EVAT exemption para senior citizens

Manila (17 February) -- Hi Pangulo Gloria Macapagal-Arroyo in pumirma kakulop nga adlaw han balaudnon kun diin gin-eexempt an kanan nasud maabot 4.6 milyones nga senior citizens pagbayad han 12 pursyento nga expanded value added tax (EVAT) ha mga ordinaryo nga mga parapliton ngan iba pa nga mga kinahanglanon nga mga butang o serbisyo.

Ini in iginpasamwak ni Deputy Presidential Spokesman Gary Olivar.

Gintatawag nga Expanded Senior Citizens Act of 2010 (Republic Act 9994), an bag-o nga balaud in naghahatag han mga senior citizens in prebelihiyo nga makatagamtam hin bug-os han 20-pursyento nga iban han mga consumer goods ngan mga serbisyo nga nakapahamtang ha ilarum han 2003 lehislatura nga kilala bilang RA 7342, o kilala bali "Usa nga Balaudnon Pagpadarudako han Kuntribusyon han mga Senior Citizen para ha Pagpauswag han Nasud, Paghatag hin mga Benipisyo ngan Pinili nga mga Prebilihiyo, ngan para ha iba pa nga mga Panuyo."

An EVAT exemption para han mga senior citizens, o adton mga naidad hin 60 anyos ngan tipaigbaw, magagamit ha pagpalit hin mga medisina ngan mga panguna nga kinahanglanon nga mga suplay parti medisina, mga aksesorya ngan mga gamit; mga baraydan ha doktor; mga baraydan parti medisina, pagabot hin ngipon ngan mga diagnostic ngan mga baraydan ha laboratory; mga pasahi ha mga bus, mga jeep, mga taxi, AUVs, shuttle services, pampubliko nga mga railways, domestic air ngan pandagat nga panakayan.

Ini nga prebilihiyo parti buhis in magagamit gihapon han mga serbisyo ha mga hotel, pangaraunan ngan iba pa nga parupareho nga mga establisemento; mga bayad ha sinehan, ngan iba pa nga mga lugar hin kultura, pagpahalibway o pagpahuway; ngan para mga serbisyo parti lamay hin patay ngan paglubong.

Dugang pa hini, nakabutang dida ha balaud nga kada senior citizen in makakatagamtam hin binulan nga pangasto nga P500, pero regular ini nga igrereview han Kongreso ha kuordinasyon han Department of Social Welfare and Development (DSWD).

Ha kaso hin kamatay hin kabus nga senior citizen, tatagan hin P2,000 an iya pinakahirani nga kapamilya bali benefit assistance of bulig.

Ha ilarum han balaudnon, an mga senior citizens in pwede gihapon makatagamtam hin sinko-pursyento nga iban ha ira baraydan para kunsomo ha tubig ngan elektrisidad, ha kundisyon nga an mga ini in aada ha ngaran ha senior citizen ngan an kunsomo in maubos 100 kilowatt-hours ha elektrisidad ngan 30 cubic meters nga tubig ha kada bulan.

An gius in nagpapahalawig han sentensiya para hadton nadiri paghatag han mga benepisyo. An mga establisemento ngan an mga tag-iya hin, mga nagpapadalagan hini, an mga magtratrabaho nga masabutan nga diri nagsusunod hini nga balaudnon in maatubang hin penalidad nga maabot P10,000 ngadto ha P50,000, o kaprisuhan hin maabot usa kabulan pero diri malapos hin unom kabulan.

An mga kongresista han administrasyon nga pinangungunahan ni House Speaker Prospero Nograles, usa han mga nagduso han balaudnon, in nagsesering nga an balaudnon in usa nga markado nga pitad nga magigin kaparti han kan Pangulo Arroyo legasiya ngadto han mga Pilipino paggawas niya ha serbisyo ha Hunyo.

Hira Kongresista Reynaldo Uy (Samar), ngan Kongresista Eduardo Zialcita (Parañaque) ngan Sen. Pia Cayetano, an mga nagduso han balaudnon didto ha Kongreso ngan Senado, kun diin nakikita nira an pitad nga paghatag hin rekognasyon ha papel han mga senior citizens ha sosyedad han Pilipinas.

Ginesplikar ni Cayetano nga an kanan senior citizen mga prebelihiyo parti pangiban ha ilarum han orihinal nga balaudnon nga ginpasa ha 2003, in epektibo nga nangadto la ha utso pursyento mahitungod ginpapabayad gihapon hira han 12-pursyento EVAT ha ira pamamalit hin medisina, mga panguna nga kagamitan ngan serbisyo. (PIA-8/maa) [top]

|«  prev  next  »|
DAILY NEWS LIST:
»P3.4 million DAR project eyes reduced poverty, unemployment in Davao region
»Young life snuffed out in NPA Valentines Day attack
»Gov't peace and development projects under siege
»Public lectures, food demos set at UP Mindanao
»Lot for the landless: Tagum mayor surprise Valentines gift
»Tagum City chants in communication proficiency
»DTI 11 consults with private sector to improve services
»Private sector urged to influence gov't to think like entrepreneurs
»Davao seminar on autism spectrum disorder set February 21
»Postharvest project keeps elderly farmers productive
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines