Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 15 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/17

Waray-Waray News: PGMA nag-inagurar han P50-M feeder port ha Surigao del Norte

Socorro, Surigao del Norte (17 February) -- Hi Presidente Gloria Macapagal-Arroyo in nag-inagurar ngan nag-abre han P50 milyon Socorro Feeder Port ha Surigao del Norte nga naatubang han dagat nga Pacifico hini nga probinsya dida han Martes nga adlaw.

An Feeder Port project in gindesinyo agud mapahalapad merkado ha pan-agrikultura ngan agri-business ha mga isla han Dinagat, Siargao ngan Socorro (Bucas Grande) ha probinsiya han Surigao del Norte.

Hi Presidente Gloria Macapagal- Arroyo in gintapo nira Socorro Mayor Mamerto Galanida, Port Manager-designate Teodorico Taruc ngan Barangay Chairman Christopher Alvino Taruc. Kaupod han Presidente hira Department of Transportation and Communication (DOTC) Sec. Leandro Mendoza, Mindanao Agri Business Super Region Champion Secretary Jesus G. Dureza, Press Secretary Crispulo Icban Jr, ngan Commission on Higher Education Commissioner Hadja Luningning Omar.

An bag-o pala nga natima nga Socorro Feeder Port in mayda pantalan, hagdanan para han pag haw-as ug pagsakay han mga pasahero ug iba pa nga mga pasilidades, inpahuruhalapad/ ginpahuruhaluag an lugar han pantalan.

Hi Cong Francisco Matugas han Surigao 1st District in nagsering nga ini nga Feeder Port han Socorro in makakahatag hin mas damo nga panarabahuan ngan maupay nga komersyo para han mga lokal nga mga mulopyo hini nga munisipalidad.

Ini nga Socorro Feeder Port in makakahatag hin masayon nga pagsakay han mga pasahero tikang o tikadto hini nga lugar ug ha pagkarga ngan pagdara han mga kargamento tikang han mga kaburubungtohan ha munisipalidad han Dapa tikadto han mga isla han Siargao, an pantalan ha pangisda ha Claver ngan Dinagat Port ha Isla han Dinagat.

Makakapadukwag liwat ini han ira turismo ug mga magbirisita nga mga langyawanon o mga taga dinhi la ha aton nasud nga napasingadto ha lugar han Bucas Grande nga dida la makikita an Sohoton Cove.

Naobserbahan liwat nga mahitungod hini nga pagkahimo hini nga proyekto, an negosyo nga komersyo labi na an industriya han pangisda ha pagsulod o pagdara han kargamento, mga pasahero nga mga sumarakay in nahihimo na pinaagi hini nga Socorro Feeder Port.

Ini nga proyekto in giniimplementar han DOTC tikang hin usa nga utang nga pinaagi han Japan Bank for International Cooperation (JBIC) ngan pundo tikang ha lokal na gobyerno.

Pagkahuman han ginhimo nga inagurasyon, hi Presidente Arroyo in bumelta sakay han Bell412 ngadto ha Surigao del Norte College of Agriculture and Technology (SCAT) ha Barangay Magpayang, Munisipalidad han Mainit, nga gintapo ni Surigao del Norte 1st District Representative Francisco Matugas, Surigao City Mayor Alfonso Casurra ngan Mainit Mayor Ramon Beltran Mondano.

An Chief Executive in naghatag hin mga hulagway ha mga estudyante han SCAT mahitungod han iya mga nahimo na nga mga proyekto ngan mga kaupayan hini. Kahuman hito, sumakay na hiya para ngadto ha Munisipalidad han Lingig ha Surigao del Sur nga didto liwat hini nga lugar iya ginkita in usa ka dako nga proyekto hin kalsada ha ilarom han Mindanao Super Region. (DMS/PIA-8) [top]

|«  prev  next  »|
DAILY NEWS LIST:
»P3.4 million DAR project eyes reduced poverty, unemployment in Davao region
»Young life snuffed out in NPA Valentines Day attack
»Gov't peace and development projects under siege
»Public lectures, food demos set at UP Mindanao
»Lot for the landless: Tagum mayor surprise Valentines gift
»Tagum City chants in communication proficiency
»DTI 11 consults with private sector to improve services
»Private sector urged to influence gov't to think like entrepreneurs
»Davao seminar on autism spectrum disorder set February 21
»Postharvest project keeps elderly farmers productive
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines