Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/18

Cebuano News: Bentaha nga kinabuhi nasinati karon sa mga gibalhing komunidad, matud sa mayor sa Saint Bernard

Ni Bong Pedalino

Saint Bernard, Southern Leyte (18 February) -- Upat ka tuig ang nakalabay sumad karong adlawa, diin liboan ka mga kinabuhi ang nakalas mugna sa grabeng pagka-anas sa yuta sa barangay Guinsaugon, ning dapita, ang mga naluwas, nga karon tua na namuyo sa luwas nga mga dapit, nagpadayon na sa adlaw-adlaw nga pag-kinabuhi.

"Duna nay dakong kausaban, ning bentaha na ang ilang kabutang," si Saint Bernard Mayor Rico Rentuza nagkanayon sa pakighinabi niini kang Monching Buyser, DYDM reporter, sa usa ka live situationer report gikan sa ground zero pipila ka gutlo sa wala pa himoa ang Santos nga Misa ug hamubo nga programa paghandum sa nahi-aguman nga katalagman.

Ang maayong kinabuhi sa mga namalhin wala lamang magpasabot nga duna na silay mga balay kapuy-an, kondi sa ubang bahin usab sa kinabuhi, miingon ang Mayor.

Iyang gidugang nga hangtud karon duna pay mga katawhan, mga organisasyon, mga local government units (LGUs) ang padayong nagpadangat sa ilang tabang alang sa mga biktima ug sa mga nahibilin, mga naluwas nga mga pamilya.

Pagka Pebrero 17, 2006, usa ka makalilisang nga tipaka sa 800-meter kataas nga Kan-abag mountain ang midahili, nag-haguros kining midailos pakanaog, human sa pipila ka adlaw nga sigeg uwan, nianang buntaga -- init ang adlaw dihang nahitabo kadto -- hinungdan nga nalubong ang way kalibutatan intawon nga katawhan sa tiilan sa bukid diin nahimutang ang barangay Guinsaugon.

Si Obispo Precioso Cantillas sa Diocese sa Maasin maoy manguna sa pagsaulog sa Misa alas 9:00 sa buntag dayon sundan kini sa usa ka hamubong programa paghandum sa mga kalag sa maong trahedya.

Naatol usab nga karong adlawa, ang Simbahan nagtimaan sa Miyerkoles sa badlis, panahon nga nagsugod na ang Kwaresma, diin ang mga manimba karong adlawa butangan sa timaan sa Koros sa ilang agtang uban ang pahimangno nga maghinulsol ug motoo sa Ebanghelyo.

Laing pahimangno nga isulti sa Pari mao ang pahinumdom nga ang tawo gikan sa abog, ug sa abog ra sab mopauli.

Gawas sa Misa ug programa, si Mayor Rentuza miingon nga dunay duha ka proyekto nga gigastohan sa provincial government ang inagurahan, sama sa hanging bridge tabok sa Lawigan river ug road concreting sa dalan tipas sa barangay Tambis I paingon sa ground zero, ug kini buhaton ni Gov. Damian Mercado uban sa mga provincial officials.

Si Congressman Roger Mercado mitambong usab sa seremonyas, ingon man pipila ka mga opisyales sa Maasin City pinangunahan ni Mayor Maloney Samaco, ug uban pang mga Mayores, mga opisyales, gikan sa mga kalungsoran sa probinsiya. (PIA-Southern Leyte) [top]

|«  prev  next  »|
DAILY NEWS LIST:
»American Imam visits Zamboanga
»Feature: MyPhone doing good in RP market
»NEDA pioneers human rights-based dev't planning for RP
»Feature: Caraga's gardening program and the 4Ps
»ComVal gov to go global GK network
»Banay-banay takes on global warming advocacy
»PGMA ready to sign MinDA bill into law
»Provincial govt's asked to pour funds for Davao Del Norte-Bukidnon road
»PGMA to finish biggest road infra project before her term ends
»Gov't spent P900-M for development projects in Sultan Kudarat
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines