Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 20 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/19

Waray-Waray News: Iginmando ni PGMA nga taposon an Lanao Sur Irrigation Project

Masiu, Lanao del Sur (19 February) -- Iginmando kakulop ni Pangulo Gloria Macapagal-Arroyo ha mga enhinyero han militar ilarum kan Western Mindanao Command (WestMinCom) chief Lt. General Delfin Dolorfino nga kumpletohon an Malaig Irrigation Project dida han bungto han Butig, kon diin nasuspender anay an pagtrabaho-a hini tungod han mga aktibidades ni Kumander Bravo han Moro Islamic Liberation Front (MILF).

An mao nga proyekto, nga usa han mga dagku nga mga proyekto ha irigasyon nga ginhingadayan dida han 2006 State of the Nation Address han Pangulo, en kaparte han tumong han gobyerno nga magmadarudamo an produksyon ha agrikultura ha Mindanao super region.

Ginmando-an gihapon han Pangulo hi Public Works Secretary Vic Domingo nga tikangan sakob hin duha ka semana an konstruksyon han maiha na nga nabalaong nga Lake Lanao Circumferential Road, nga ginhimugso durante pa han pagbisita nganhi han amay han Pangulo nga hi anay Pangulo Diosdado- Macapagal, mga pira nga mga dekada na an nakakalabay.

Sigun han Pangulo dida han iya pamulong kakulop atubangan han mga magturotdo ngan mga estudyante han Unda Memorial National Agricultural School (UMNAS), andam na an mga ekipahes ngan an proyekto en iginkadto na han nagda-og nga kontraktor.

Nagsering an Pangulo nga daku na an iginpuhunan han iya administrasyon ha Mindanao agud mapadukwag an panginabuhi dida hini ngan maipadayon an kamurayawan.

An Mindanao daw an surok han pagkaon han Pilipinas ngan an panmuhunan dida hini en ha kada lebel tungod nga an panmumuhunan ha paglaom ngan diri ha kahadlok an maghahatag hin kagawasan dida hini nga rehiyon agud dayuday umursa ngan magin manggaranon, sering niya.

Para umuswag an sektor pan-agrikultura han Mindanao, nagsering an Pangulo nga nagtagana an gobyerno hin mga barato nga abuno, composting facilities, certified ngan hybrid seeds; ngan nagtukod hin mga patubig, mga tulay, ngan farm-to-market nga mga kalsada.

Sakob han naglabay nga upat nga katuigan, nagsering an Pangulo nga haros 400,000 ka ektarya hin mga hagna an natagan hin serbisyo ha patubig agud umuswag an agrikultura ha Mindanao, lakip na an Lanao del Sur.

Ginmando-an gihapon han Pangulo hi Environment and Natural Resources Secretary Horacio Ramos nga buligan an sobra 800 nga mga estudyante han UMNAS nga makaghimo hin ira kalugaringon Materials Recovery Facility (MRF) para mahiproseso an basura ngadto hin organiko nga mga abono.

Sumala han Pangulo, masubra hin 300 nga MRFs han iginbutang han gobyerno ha Mindanao kondi kinahanglan daw nga an kada barangay en may-ada hini ilarum han Solid Waste Management Act.

Iginpahibaro gihapon han Pangulo nga maabot hin 700 nga dryers an iginbutang ha Mindanao komo kaparte han sobra 2,000 nga post-harvest nga mga kagamitan nga pinanhatag palibot han nasud.

An mga pautang nga naihatag han Land Bank of the Philippines ngadto han mga parag-uma sakob han naglabay nga siyam ka tuig nga nakantidad hin P161 bilyones en doble kumparar han naihatag han namag-agi nga tulo nga mga administrasyon ha pareho nga hugna hin panahon, sering niya.

Sigun han Pangulo P46 bilyones hini nga mga pautang ngadto han mga parag-uma en nahingadto ha Mindanao agud mapa-uswag an mga kapasidad hini nga mga parag-uma nga labaw pa makapanmuhunan ha agrikultura.

Iginpahibaro han Pangulo nga masubra hin 1,000 nga mga barangay an natagan na hin serbisyo ha elektrisidad dida ha rehiyon. Maabot P51.68 bilyones an nagamit para han pagtukod hin 37,734 linear meters nga mga tulay ngan han konstruksyon hin 6,557 ka kilometro nga kakalsadahan.

Agud magmadarudamo an kutsitsa, naghatag gihapon an gobyerno hin 4.38 milyones ka sako hin certified seeds ngan 505,963 ka sako hin hybrid seeds.

Kinse nga mariculture parks an gintukod gihapon ha Mindanao, lakip na ha Basilan, Sulu ngan Tawi-tawi, nga nakaghatag hin higayon ha mga parapangisda nga makagpadamo hin mag-upay nga klase hin marine species.

Dida han 2008 ngadto han 2009, masubra 1,000 nga mga parag-uma ngan agricultural extension workers an namag-agi hin 36,620 nga maglainlain nga mga paghag-id ha teknolohiya bahin hin moderno nga pamaagi hin pag-uma.

Para magmadagmit an pagdul-ong hini nga mga produkto pan-agrikultura ha Mindanao super region, lima nga bag-o nga mga pantalan ngan usa nga roll-on roll-off (RoRo) nga pantalan an gintukod; samtang 33 pa nga iba an ginpakaupay, lakip na en 10 nga RoRo nga mga pantalan nga nakantidad hin harani P5.44 bilyones.

Tikang han 2001, 21 nga mga airport an ginpakaupay gihapon kon diin P26.89 bilyones an nahigastos hini.

Durante han iya pagbisita nganhi, gin-inaguraran gihapon han Pangulo an bag-o nga gintukod nga tulo ka andana nga Masiu Minicipal Hall ngan pinanngunahan an groundbreaking ceremonies han kanan bungto P8-milyones nga potable water system project han Local Water Utilities Administration (LWUA).

Kataliwan hini, diniretso an Pangulo ngadto han sunod nga bungto han Taraka agud inaguraran an P3.5-milyones nga merkado hini ngan tikangan an konstruksyon han P30-milyones nga potable water system.

Ginpasalamatan ni Masiu Mayor Nasser Pangandaman, Jr. ngan Tarakan Mayor Amenodin Sumagayan an Pangulo para han mga proyekto.

Sigun han duha nga alkalde, makakabulig ini nga mga proyekto nga maipahamtang an mga panguna nga mga serbisyo ngan matalwas an ira mga sinakupan ha diarrhea ngan iba pa nga mga sakit nga resulta hin pag-inom hin tubig ha mga burabod ngan salog.

Nagsering an Pangulo nga ini nga mga proyekto en ha diri maiha makakatalwas han Lanao del Sur tikang han 10 nga pinakagutom nga mga probinsya ha nasud.

Labot kanda Secretary Ramos ngan Domingo, gin-updan an Pangulo ni Press Secretary Crispulo Icban, Jr. ngan ni Agrarian Reform Secretary Nasser Pangandaman.

Lakip han mga tinapo han Pangulo an masubra 2,000 nga mga estudyante, mga residente ngan opisyales lokal ha panngunguna ni ARMM Acting Governor Ansaruddin Adion, an iya bugto nga hi Lanao del Sur Governor Mamintal Adiong, Jr., Lanao del Sur ist District Rep. Faysah Dumarpa, 2nd District Rep. Pangalian Balindong, ngan UMNAS principal Dipangampong Unda. (PIA-Eastern Samar) [top]

|«  prev  next  »|
DAILY NEWS LIST:
»Tagum successfully hosts Jazz Chants Festival
»Feature: Civic actions prove army has a heart
»Del Rosario creates anti-hunger task force
»P2B DA-MRDP infra project to benefit Mindanao farmers
»Davao prepares for Earth Hour 2010
»Davao biz group urged to cut carbon
»Nat'l gov't places equal attention to power
»Davao Sur puts up P10M irrigation project
»Cebuano News: Dugang 7,000 ka semelyang kahoy itanom na pud sa Davao Oriental
»'Rescue 206' emerges in Santiago City
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines