Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 18 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/19

Waray-Waray News: Agribusiness Mindanao Tour gintikangan ni PGMA pinaagi hin pagsakay hin bus

Davao City (19 February) -- Hi Pangulo Gloria Macapagal-Arroyo in naglunsad dida han Martes han iya Agribusiness Mindanao Super-Region tour pinaagi hin pagsakay hin bus tikadto ha Lingig, Surigao del Sur nga dapit han Surigao-Davao Coastal Road.

An Lingig section, kun diin nakakunektar ngadto han kalsada nga natikang ha Surigao del Norte, in nagsusunod han tipakadto ha Surigao del Sur ngan ngadto ha Davao Oriental.

Dida hit kakumpleto, an Coastal Road in mag-aabri hin lugar pagpaharuhaluag han mga tuna ha Eastern Mindanao para ini in magin pan-agrikultura, pagpakurokusog han kanan Pangulo paghingita nga an Mindanao in magin breadbasket han nasud.

Dida han turotemprano, han iya pakig-aragtubang dida han mga kumunidad han Mainit, Surigao del Norte, an Pangulo in nagsering nga an Surigao del Norte, nga usa han 10 nga pinakakablas nga mga probinsya han nasud, in kinahanglan magin ?liberated? tikang ha kakablasan pinaagi hin pagpauroupay han ani ngan kita han mga mag-uroma ngan pag-abri hin mga mababaligyaan pinaagi ha mga pier ngan iba nga mga panguna nga inprastraktura.

An Surigao del Norte in kaparti han Agribusiness Mindanao, nga usa han lima nga super regions nga nakita han administrasyon ni Arroyo dida han 2006 pagduso pagpakurokusog han kanan nasud ekonomiya.

"Nagpundar kami para magin mabinungahon an rehiyon pinaagi hin pagpundar hin 300 composting nga mga pasilidad ngan nanhatag hin MRFs (materials recovery facilities) para magin fertilizer an mga basura, pagtindog hin irigasyon para han 400,000 kaektarya ha Mindanao, naggasto hin P9 bilyones ha farm-to-market roads, ngan nag-ayad hin dagko nga mga inprastraktura sugad han Surigao-Davao coastal roads ngan mga pier," sering niya.

An Pangulo in gin-updan ha Surigao del Norte ni Transportation and Communication Secretary Leandro Mendoza, Environment and Natural Resources Secretary Horacio Ramos, Public Works and Highways Secretary Victor Domingo, Press Secretary Crispulo Icban, Jr., Agribusiness Mindanao Super Region Champion Secretary Jesus Dureza, Commissioner Luningning Omar han Commission on Higher Education ngan Agusan del Norte 1st District Rep. Jose Aquino.

Antis umabot an Pangulo ha Mainit, Surigao del Norte, an DENR in nagdumara hin demonstrasyon parti composting ngadto ha mga estudyante ngan mga parag-uma pinaagi hin mga gamit na nga mga kaliding hin trak, baya hin carabao, mga basura ha uma ngan kanan uma o hardin nga tuna. Ginmanduhan han Pangulo an DENR nga makipagkuordinar ha ngatanan nga LGUs paggamit han recovery nga mga pasilidad ha ngatanan nga mga barangay sugad han sugo han balaud.

Gintudlok han Pangulo an bulig han Land Bank of the Philippines, kun diin dida han iya administrasyon in nakahatag hin maabot P161 bilyones para han countryside loans kun diin P46 bilyones in nahingadto ha Mindanao.

Umabot an Pangulo dinhi hini nga siyudad para han ika-tulo nga parti han iya Super Region tour, kun diin nakasentro ha Agribusiness Mindanao.

Dinhi ha siyudad han Davao, nagsering an Pangulo nga an gobyerno nasyonal in gumasto hin P5 bilyones para han Surigao-Davao Coastal Road kun diin ginkunsiderar para han pagpauroupay han Mindanao bali agribusiness Center of the South.

"Ini nga kalsada in anay carabao road, pero ha pagkayana usa na ini nga sementado nga kalsada. An Surigao-Davao Coastal Road in may posibilidad nga nakakuha han pinakadako nga alokasyon para han mga proyekto parti kalsada tikang dida han General Appropriations Act," sering han Pangulo ngadto han mga taga media dida hin usa nga diri pormal nga pagaru-aragtubang.

Ginduon han Pangulo nga gintagan niya hin duon an parti paghingayad han mga kakalsadahan kay an mga kakalsadahan amo an mga "instrumento kuntra kakablasan."

Dugang pa niya nga an Surigao-Davao Coastal Road in nahimo mahitungod han paghitaas han kanan gobyerno mga kuleksyon han buhis mahitungod han pag-implimentar han expanded value ?added tax nga balaud.

"Diri kita makakahimo hin maski ano nga proyekto kun waray pundo... resulta han VAT, asya ito," sering niya.

Nagsering gihapon an Pangulo nga an paghingayad han Bislig-Lingig Road in magpapauro-upay han mga kinabuhi han mga mulopyo han Lingig, usa nga kablas nga munisipyo ha Surigao del Sur. An dugang nga P400 milyones in marerelease han Department of Budget and Management para han proyekto dida hit paghatag hin mando han Pangulo.

Dida han Myerkoles, an Pangulo in nagpadayon han iya paglibot han Agribusiness Mindanao super region kun diin bibisitahon niya an Sultan Kudarat, Maguindanao ngan Lanao del Sur. (PIA-8/maa) [top]

|«  prev  next  »|
DAILY NEWS LIST:
»Tagum successfully hosts Jazz Chants Festival
»Feature: Civic actions prove army has a heart
»Del Rosario creates anti-hunger task force
»P2B DA-MRDP infra project to benefit Mindanao farmers
»Davao prepares for Earth Hour 2010
»Davao biz group urged to cut carbon
»Nat'l gov't places equal attention to power
»Davao Sur puts up P10M irrigation project
»Cebuano News: Dugang 7,000 ka semelyang kahoy itanom na pud sa Davao Oriental
»'Rescue 206' emerges in Santiago City
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines