Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 18 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/19

Waray-Waray News: NCDA nagdayaw han kan PGMA ginhatag nga suporta para han mga PWDs

by Delicia Servande

Manila (19 February) -- An National Council on Disability Affairs (NCDA) nagdayaw kan Presidente Gloria Macapagal Arroyo han iya kinasingkasing nga pagsuporta, ha pag aghat han katungod ug ha pagrespetar ha mga persons with disabilities (PWDs) nga amu an gintagan hin pasidungog pinaagi hin pagsuporta kumo usa han iya mga ligasiya.

An National Council on Disability Affairs (NCDA) pinaagi kan Rosie Lovely Romulo nagsering nga an paningkamot ug unob nga pagsuporta ni Presidente Arroyo ha mga PWDs en magbibilin hin maupay nga ehemplo, inspirasyon ha ira para mahimo nira ngan maipakita nira nga mayda hira kapas kumo usa hira nga mulopyo. Hi Romulo nag sering nga hi Presidente Arroyo nagbilin hin ligasiya hini nga sektor nga tinuod nga nakuntento han iya ginpakita nga pagbulig ngan panginano.

"Yana nga adlaw an pagtitigamnan han usa nga makaruruyag nga ehemplo ha estorya han aton nasud ha pag selebrar hini nga bag-o nga opisina, usa nga pagdudumaraun hin 58 nga mga empleyado nga kasugbong ha panginano han mga PWDs", an kan Romulo sering dida han pagbisita ni Presidente Arroyo hadto nga aga didto han bag-o pa la nga nahimo nga estraktura han NCDA nga aada ha Isidora St, Barangay Holy Spirit, Quezon City.

Hi NCDA Executive Director Mateo Dee Jr. ha iya naman bahin nagsering nga "ini nga bag-o nga estraktura nagpapakita han tinuod nga tinguha ug panalimbasug ha pagtinduga han NCDA. Ini an simbolo han bag-o nga tinguha nga kahadto anay amu an National Council for the Welfare of Disabled Persons nga yana NCDA. Nahimo ini pinaagi hin usa nga Executive Order 709 nga gin aprubahan ni Presidente Arroyo dida han bulan han Pebrero 26, 2008.

Ini nga EO 709 an nagin gabay ha pag bag-o ngan mas mauru-upay nga tinguha han NCDA nga sering pa ni Dee "naghatag hin malamrag ngan maupay nga kabubuwason han PWDs".

"Nasaludo kami kan Presidente han iya maupay nga pamunoan ha paghimo han NCDA nga nagin makusog ngan aktibo nga ahensiya nga nagtitimangno han mga katungod han PWDs", an sering ni Mateo.

Ini nga EO 709 naghahatag hin aludayday para ha mga PWDs nga mahimo nira an ira katungod, mga tinguha ug angay nga mahihimo para ha pag-uswag han PWDs.

Hi Presidente Arroyo naglibot han 1,559 square meters ngan duha ka andana nga pasilidades nga estraktura han NCDA nga mayda hini parking lot, mga karaptanan han mga baldado, kasilyas, salug nga diri mahanlas ngan hin iba pa nga mga pasilidad para ha pag gamit han mga PWDs.

An NCDA usa nga opisina han gobyerno nga taga implementar, taga koordinar ngan nanginginano parte ha mga pankinahanglan hadton may mga karamtan han lawas. Amu ini an nagbubulig han mga PWDs nga sundon an pag implementar han mga kurukadilain nga mga balaud, parte han PWDs, pareho han Magna Carta para han PWDs (RA 277) ngan hin mga kabag-uhan nga balaud han RA 9442.

Nabulig gihap hira ha mga opisina gobyerno o pribado man, maipasunod an kanan United Nations Convention on the Rights of Persons with Disabilities nga an Pilipinas usa han mga nasud nga miyembro dida pa han Abril 15, 2008. (PIA-8) [top]

|«  prev  next  »|
DAILY NEWS LIST:
»Tagum successfully hosts Jazz Chants Festival
»Feature: Civic actions prove army has a heart
»Del Rosario creates anti-hunger task force
»P2B DA-MRDP infra project to benefit Mindanao farmers
»Davao prepares for Earth Hour 2010
»Davao biz group urged to cut carbon
»Nat'l gov't places equal attention to power
»Davao Sur puts up P10M irrigation project
»Cebuano News: Dugang 7,000 ka semelyang kahoy itanom na pud sa Davao Oriental
»'Rescue 206' emerges in Santiago City
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines