Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/22

Waray-Waray News: Turismo sunod nga pagkakaptan han kan PGMA "super region tour"

Manila (22 February) -- Hi Pangulo Gloria Macapagal-Arroyo in magpapadayon yana nga adlaw (Pebrero 22) han iya super-region tour kun diin manginginano hiya han mga proyekto parti turismo han upat nga mga probinsya han Central Philippines, an rehiyon nga nakita nga kanan nasud sentro han turismo ha ilarum han iya five-growth region development nga estratehiya.

Sering ni Press Secretary Cris Icban Jr. nga an kanan Pangulo Super Regions nga mga biyahe in dugang han iya mga markado ngan dagko nga nagkahihimo han nakalabay nga siyan katuig kun diin intension niya nga ihatag han masunod nga Pangulo "para amo an magpadayon hini."

Sulod han Central Philippines-Tourism Super Region amo an mga Rehiyon 4B, Rehiyon 5 ngadto ha 8, sugad man an mga probinsya han Romblon, Palawan, Camiguin ngan an isla han Siargao kun diin kadam-an han kanan nasud nangunguna nga mga distinasyon han mga turista in nagsasarang dinhi hini nga mga lugar nga ha pagkayana in nakakatagamtam hin maupay nga dalagan parti pan-negusyohan.

An una nga kakadtuan han Pangulo ha iya paglibot amo an probinsya han Sorsogon kun diin magkakaada hiya hin lugar para makagkita han mga pating (nga tinatawag nga "butanding" nga nangangahulugan dagko nga isda) dida ha pangisdaan nga lugar han Donsol. An pagkita han mga pating an usa han panguna nga eco-tourism nga aktibidad han lugar nga nagdara ha Bicol han ngaran nga "Whale Capital of the World." Dida han 2004 an Time Magazine in may artikulo nga may titulo "Beat Animal Encounter in Asia".

An Sorsogon kun diin kilala ha iya Donsol nga atraksyon ngan Camarines Sur nga sentro han wakeboarding ngan an kanan Caramoan beach ngan mga lungib kun diin naghost han global TV series nga "Survivor", amo an duha han mga probinsya han Bicol nga nakakapaaghat hin damo nga mga turista ngan naghahatag hin lugar pagpahitaas han mga buhis.

An Cebu an nabawbaw han 14 nga mga nangunguna nga distinasyon han mga turista ha Pilipinas, ginsusundan han Camarines Sur kasunod an Metro Manila.

Pero an Camarines Sur in nakakuha han pinakahitaas nga pagtubo han nakalabay nga tuig kun diin maabot 117.25 pursyento o tikang han 721,024 nga lokal ngan langyawanon nga mga bisita ha 2008 ngadto ha 1,566,447 han nakalabay nga tuig. An Cebu in nakakuha la hin 1.24 pursyento pag-igbaw, o tikang 1,596,238 han 2008 ngadto ha l,615,982 han 2009.

Katapos ha Sorsogon, an Pangulo in malupad ngadto ha Palawan kun diin kilala han ira subterranean o underground river nga kilala ha kalibutan nga Tubbataha diving reef, nga kaupod han ira iba pa nga mga natural wonders. An kapital nga siyudad han Puerto Princesa, amo an nag-ika 10 dida han kanan Department of Tourism listahan, kun diin nakabutang ha hitaas nga 21.29 pursyento nga tubo ha mga ginkadto han mga turista.

Kasunod kumadto an Chief Executive ha Cebu ngan Bohol pagkumpleto han iya tourism tour.

Dida han iya pakig-aragtubang han mga taga-media dida han Beyernes parti han paglibot han Pangulo, nagsering hi Tourism Secretary nga an Central Philippines in may masobra 50 pursyento han kanan nasud industriya parti turismo.

Dugang pa niya nga an kanan Pilipinas sektor parti turismo in napabilin nga ada ha igbaw, mientras an iba nga mga nasud in nakakaeksperyensya ha pagkayana hin kamaluya.

An mga record han gobyerno in nagpapakita nga an kanan nasud industriya han turismo in napabilin nga madig-on, kun diin nakaplastar hin 6-pursyento nga paghitaas ha kanan langyaw nga mga nasulod nga turista dida han siyahan nga unom kabulan han 2009 ha butnga han 8.5-pursyento nga pag-ubos ha bug-os nga nasud.

Matotal 3.14 milyones nga mga langyawanon in bumisita han nasud dida han 2008, kumparar han 869,665 la dida han 2000. Lokal ngan langyawanon nga mga turista han kanan nasud panguna nga mga distinasyon in nagtotal ha 5.2 milyones tikang dida han Enero ngadto han Septyembre 2009, nga narepresentar hin 17-pursyento nga paghitaas tikang han 4.5 milyones dida han 2008.

An pagtubo han sektor han turismo ha luyo han global economic slump in nakita nga kaparti han dagko nga mga ginpundar ha may kalabutan ha turismo nga mga inprastraktura ha Central Philippines Super Region tikang dida han 2001. Upod dinhi in 42 nga mga airport nga mga proyekto, nga balor P27.31 bilyones; 108 nga mga pier nga ginhingayad han PPA, nga mabalor P8.76 bilyones, ngan 145 nga mga pier ha mga munisipyo, nga balor P1.23 bilyones; 8,783.97 kms. nga kakalsadahan ngan 18,741 kametros nga mga tulay nga ginhingayad, ginpauroupay, ngan ginrehabilitar, nga mabalor P54.14 bilyones; ngan an P52.44-bilyones Southrail Project.

Katugbang hini amo an pagpaupay han iba pa nga mga inprastraktura nga may kalabutan parti turismo ngan mga serbisyo parti kumunikasyon, mga banko ngan mga ospital ngan mga pasilidad parti panlawas. Ha pagbaton parti han mga panginahanglan ha enerhiya ha Visayas, lima nga mga planta hin kuryente in ginbutang ha Central Philippines, kun diin naghahatag hi kuryente ngadto hin maabot 16,6990 nga mga barangay dida han rehiyon.

An mga ginpundar parti turismo nga mga pasilidad han pribado nga sekto ha Central Philippined in umigbaw hin maabot 50 pursyento tikang ha P389.2 milyones han 2000 ngadto ha P658.72 milyones ha 2008. Tikang ha 2001 ngadto ha Enero 2009, 20 nga mga proyekto, kaurogan mga resorts nga mga hotel, in nakarehistro ha BOI, nga nabalor P6.6 bilyones. Ha pareho nga higayon, an mga kapasidad han mga kwarto ha hotel ha Central Philippines in humitaas ngadto ha 16 pursyento tikang ha 8,046 han 2006 ngadto ha 9,361 ha 2007 mientras an mga resort rooms in humitaas hin 41 pursyento tikang ha 2,780 nga mga kwarto ha 2006 ngadto ha 3,917 ha 2007. (PIA-8/maa) [top]

|«  prev  next  »|
DAILY NEWS LIST:
»Waray-Waray News: Imbestigasyon ha kuryente ipapabaya ha ERC
»Waray-Waray News: Edukado na an mga botante - Saludo
»Waray-Waray News: Igpasigi an mga palisiya nga epektibo - Nograles
»Waray-Waray News: PGMA mabisita ha Bohol hit Merkoles
»Cebuano News: Palasyo naglantaw og ubang panagang batok sa huwaw
»Cebuano News: Eleksyon sa mayo dili ma-apektahan sa El Nino, matud ni Planas
»Commentary: The known and unknown in automation
»Cebuano News: Super Region Tour ni PGMA ipadayon
»Waray-Waray News: PGMA maatinder han CHED National Games ha Rizal Memorial Sports Complex
»FVR tours Socsargen, refreshes peace in Mindanao
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines