Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 16 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/22

Cebuano News: Agianan sa turismo mao ang sunod nga bisitahon sa PGMA super region

By Rodrigo S. Victoria

Manila (22 February) -- Mobalik karong adlawa, Pebrero 22, sa iyang pagbisita sa super region sa pagtan-aw sa mga proyekto sa turismo sa upat ka mga probinsya sa Central Philippines, ang rehiyon mao ang makit-an nga agianan sa turismo sa nasud ubos sa iyang lima ka rehiyong pagtubo nga estratehiya sa kalambuan.

Si Press Secretary Cris Icban, Jr. nagkanayon nga ang mga biyahe sa Presidente sa mga Super Regions ang gihimo aron sa pagpakita sa dagkong nahimo sakob sa milabay nga siyam ka tuig diin kini gituyo nga iyang ipasa ngadto sa sunod nga Presidente kinsa magtukod niini ug dugang.

Ang Central Philippines-Tourism Super Region naglangkob sa Rehiyon 4B, Rehiyon 5 ngadto sa 8 ug ingon man sa mga probinsya sa Romblon, Palawan, Camiguin ug isla sa Siargao diin ang kadaghanan sa nag-unang mga destinasyon sa turismo sa nasud ang mikatap ug karon nakaangkon sa wala pa mahitabo nga paglambo sa negosyo.

Ang unang hunungan sa pagbiyahe sa Presidente mao ang Sorsogon diin siya may tsansa sa pagtan-aw sa pating nga gitawag ug butanding sa pangisdaan nga lungsod sa Donsol. Ang pagtan-aw sa pating mao ang nag-unang eco-tourism nga kalihukan nga nakahatag ug pangalan sa maong lungsod sa Bicol nga "Whale Capital of the World" sa Time Magazine niadtong tuig 2004 nga may istorya bahin sa lungsod nga nag-uluhan ug "Beat Animal Encounter in Asia."

Ang Sorsogon sa ilang taran-awon sa Donsol ug ang Camarines Sur nga sentro sa wakeboarding ug sa kabaybayonan ug mga langob sa Caramoan diin didto ipahigayon ang TV series nga "Survivor" mao ang duha ka mga probinsya sa Bicol nga nakaani ug dagko nga mga pag-abot sa mga turista ug kita.

Ang Cebu nanguna sa lista sa 14 ka mga nag-unang destinasyon as turismo sa Pilipinas gisundan sa Camarines Sur ug Metro Manila.

Apan sa laing bahin, ang Camarines Sur nakakuha sa pinakataas nga pagtubo sa milabay nga tuig nga may pinakadako sa 117.25 porsyento o gikan sa 721,024 nga mga local ug langyaw nga mga bisita sa tuig 2008 ngadto sa 1,566,447 sa milabay nga tuig. Ang Cebu may 1.24 porsyento nga pag-usbaw o gikan sa 1,596,238 sa tuig 2008 ngadto sa 1,615,982 sa tuig 2009.

Katapos sa Sorsogon, ang Presidente molupad paingon sa Palawan nga mauy nagpasikat sa ilawon sa yuta nga salog ug ang naila na sa tibuok kalibutan nga Tubbataha diving reef ug uban pang kinaiyanhon nga mga talan-awon. Ang capital nga syudad sa Puerto Princesa may rango nga ika-10 sa Department of Tourism nga lista nga mimantala ug taas nga 21.29 porsyento nga pagtubo sa mga miabot nga mga turista.

Ang Hepe Ehekutibo mobisita sa Cebu ug Bohol aron sa pagkompleto sa iyang pagbiyahe sa turismo.

Matud pa ni Tourism Secretary Ace Durano nga ang Cenytral Philippines nakatampo sa sobrang 50 porsyento sa industrya sa turismo sa nasud.

Siya midugang nga ang sector sa turismo sa Pilipinas nagpabilin nga milutaw samtang ang sa ubang nasud nakaangkon ug mga kaalkansi.

Ang mga talaan sa gobyerno nagpakita nga ang industriya sa turismo sa nasud nagpabilin nga anaa nga mimantala ug 6 porsyento nga pagtubo sa mga miabot nga mga turistang langyaw sa unang unom ka bulan sa tuig 2009 taliwala sa 8.5 porsyento nga pag-ubos sa tibuok kalibutan.

May kinatibuk-ang 3.14 ka milyon nga mga langyaw ang mibisita sa nasud sa tuig 2008 kompara sa 869,665 lamang sa tuig 2000. Ang local ug langyaw nga mga turista sa mga nag-unang destinasyon sa turismo sa nasud mikabat ug 5.2 milyones gikan sa Enero ngadto sa Septyembre sa tuig 2009 nga nagrepresentar sa 17 porsyento nga pagsaka gikan sa 4.5 ka milyon niadtong tuig 2008.

Ang pagsaka sa sector sa turismo taliwala sa kalibutanong kalisod sa ekonomiya nahikit-an sa dinaghan nga pamuhunan sa may kalabutan sa turismo nga mga inprastraktura sa Central Philippines Super Region sukad niadtong tuig 2001. Kini naglakip sa 42 ka mga proyekto sa airport nga nagkantidad ug P27.31 ka bilyon; 108 ka mga pantalan nga gitukod sa PPA nga nagkantidad ug P8.76 ka bilyon ug mga pantalan sa mga munisipyo nga nagkantidad ug P1.23 ka bilyon; mga pagtukod, pag-ayad ug pag-ayo sa may 8,783.07 ka kilometro sa kalsada ug 18,741 ka metros nga mga tulay nga nagkantidad ug P54.14 ka bilyon u gang P52.44 ka bilyon nga Southrail Project.

Nagkomplemento niini mao ang kalambuan sa uban nga mga suporta sa turismo nga mga inprastraktura ug mga serbisyo nga naglakip sa komunikasyon, mga bangko ug mga hospital ug mga pasilidad sa panglawas. Aron sa pagtubag sa mga gikinahanglan nga enerhiya sa Visayas, lima ka mga planta sa elektrisidad ang gibutang sa Central Philippines nga naghatag ug elektrisidad ngadto as hapit tanang 16,690 ka mga barangay as rehiyon.

Ang pamuhunan sa pribado nga sector sa mga pasilidad sa turismo sa Central Philippines misaka ug 50 porsyento gikan sa P389.2 ka milyon sa tuig 2000 ngadto sa P658.72 ka milyon sa tuig 2008. Gikan sa tuig 2001 ngadto sa Enero tuig 2009, 20 ka mga proyekto kasagaran mga resorts ug hotels ang narehistro sa BOI nga nagkantidad ug P6.6 ka bilyon. Sa susamang panahon, ang kapasidad sa mga lawak sa hotel sa Central Philippines misaka ug 16 porsyento gikan sa 8,046 sa tuig 2006 ngadto sa 9,361 sa tuig 2007 samtang ang mga lawak sa resort misaka ug 41 porsyento gikan sa 2,780 ka mga lawak sa tuig 2006 ngadto sa 2, 917 sa tuig 2007. (PIA-Biliran) [top]

|«  prev  next  »|
DAILY NEWS LIST:
»Waray-Waray News: Imbestigasyon ha kuryente ipapabaya ha ERC
»Waray-Waray News: Edukado na an mga botante - Saludo
»Waray-Waray News: Igpasigi an mga palisiya nga epektibo - Nograles
»Waray-Waray News: PGMA mabisita ha Bohol hit Merkoles
»Cebuano News: Palasyo naglantaw og ubang panagang batok sa huwaw
»Cebuano News: Eleksyon sa mayo dili ma-apektahan sa El Nino, matud ni Planas
»Commentary: The known and unknown in automation
»Cebuano News: Super Region Tour ni PGMA ipadayon
»Waray-Waray News: PGMA maatinder han CHED National Games ha Rizal Memorial Sports Complex
»FVR tours Socsargen, refreshes peace in Mindanao
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines