Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/25

Hiligaynon News: Pagbakuna batuk sa tipdas ginapanugyan

Iloilo City (25 February) -- Ginapanugyan sang Iloilo Provincial Health Office sa mga iloy nga dal-on ang ila mga kabataan sa mga malapit nga health centers para sa libre nga bakuna batuk sa tipdas.

Ginpahayag ni Provincial Health Officer Dr. Patricia Grace Trabado nga importante para sa mga ginikanan nga ang ila mga kabataan makakuha sang bakuna batuk sa tipdas para sa proteksyon sa nasambit nga balatian.

Suno kay Trabado ang mga kabataan sumugod 9 ka bulan ang mahimo makabaton sang bakuna pinaagi sa regular measles vaccine services nga ginapatigayon sa health centers samtang yadtong mga kabataan nagapangidaron 13 tubtub 23 ka bulan ang ginapanugyan sa pagbaton sang ila 2nd dose sang bakuna batuk sa tipdas.

Ginapanugyan naman sa mga iloy sa mga kabanwahanan sang Lambunao, Oton kag Leon nga magkoordinar sa ila health workers sa ginapatigayon nga Outbreak Response Immunization (ORI) sa sining mga lugar kon sa diin ang mga kabataan nagapangidaron 6 ka bulan tubtub 15 anyos ang mahimo magpabakuna batuk sa tipdas.

Kabahin ang ORI sang pagtambag nga ginapatigayon sang IPHO sa mga kabaranggayan sa sining mga banwa may nabalhag nga pagtaas sang kaso sang tipdas. Ginsuguran patigayon ining special immunization sa probinsya sang Septiembre sang nagligad nga tuig matapos sang ginpahibalo nga mga kaso sang tipdas sa banwa sang Oton sang Agosto.

Magluwas sa bakuna, gindugang ni Trabado nga may yara man sang mga libre nga Vitamin A capsule nga ginahatag sa mga health centers para sa dugang nga proteksyon kag mapahaganhagan ang kumplikasyon sa mga kabataan nga may yara sang tipdas.

Isa ka makalalaton nga balatian ang tipdas tuga sang kagaw nga nagaapekto masami sa mga kabataan. Madali ini makalaton pinaagi sa hangin o direkta nga kontak.

Ang mga kabataan nga may yara sang tipdas mahimo makaeksperyensya sang mga komplikasyon kasubong sang pneumonia, encephalitis, pagkabulag, pagkabungol, ear infection, diarrhea kag dehydration. Subong man ang komplikasyon tuga sang tipdas makatuga sang kamatayon.

Sa masami ang mga kabataan nga may tipdas may blotchy rashes sa bilog nga lawas 3 ka adlaw o masobra pa, may hilanat kag may yara bisan isa sa mga masunod: ubo,sip-on kag mapula nga mata.

Kon may yara sang hilanat o libutog sa panit, ginapanugyan ni Trabado ang pagkadto gilayon sa malapit nga health center para sa nagakaigo nga check-up. (PIA) [top]

|«  prev  next  »|
DAILY NEWS LIST:
»Anti-poverty program to focus on community-driven development
»DOST XI organizes energy audit team
»Bishops told: For heaven's sake, stop bullying Cabral
»P10-M projects eyed for KAMADI district
»Davao Light encourages consumers to save on power usage
»Human rights advocates urge implementation of RA 9851
»NEDA ICC-CABCOM approves three social and infra projects
»Musikahan Himig Handog winners named
»Feature: Accessible drinking water for Dabaonons becoming a reality
»Youths found still lacking knowledge on HIV/AIDS
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines