Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/26

Waray-Waray News: Cebu nagpasidungog han Rajah Humabon Award kan PGMA

Cebu (26 February) -- Ginpasidungan hi Pangulo Gloria Macapagal-Arroyo kasangkagab-i (Pebrero 24) han Order of Rajah Humabon award han City Government han Cebu mahitungod han iya "dako hin duro nga kuntribusyon han pagtubo ngan paghingaupay han ekonomiya" han siyudad.

Iginpahamtang an pasidungog ni Alkalde Tomas Osmeña dida han ika-73 Cebu City Charter Day ha Sports Complex dinhi.

An Order of Rajah Humabon an pinakahataas nga pasidungog nga ginhatag han pangobyernohan han siyudad ha ilarum han Ordinansa Numero 1502 nga ginaprobaran dida han Pedrero 23, 1994.

Dida han iya pagyakan, ginpasalamatan han Chief Executive an mga residente han Cebu lab-i na gud an mga lokal nga mga opisyal nga pinangugnuluhan ni Alkalde Osmeña.

"Damo nga salamat hini nga honor nga iyo ginhatag ha akon, an pinakahitaas nga honor nga maihahatag han pangobyernohan han siyudad. Dako hin duro it akon hito pagpasalamat," sering han Pangulo.

"Pamati ko usa ini nga pagpakita hin suporta para ha akon kun diin iyo pirmi ginhahatag ha akon. Ngan gusto ko kamo pasalamatan diri la para yana nga gab-i kundi para han iyo kamaupay nga pagdara han akon pamilya nga tikang pa ha akon lolo ngan nanay han nakalabay nga pira na nga katuigan," pagduon niya.

Ginduon pa han Pangulo nga an iya gud ginpapasalamatan nga "naaabat gud niya nga ha pagbalos ginhihigugma gihapon hiya han mga katawhan han Cebu. Gintagan ako niyo hin dako nga suporta – para senador, para bise-presidente ngan para presidente. Ngan amo ini an rason kun kay ano ngan naabat ko nga resonabli nga waray ko sunda an tradisyon ngan ginbuhat ko an akon oathtaking bali pangulo dinhi ha siyudad han Cebu."

"Ngan naabat ko gihapon nga nagin resonabli gihapon ako nga ha panuyo nga mapasarang an pagpatubo han pagpaupay han kapaligiran han aton nasud ngan diri la humatag hin atensyong parti ekonomiya ngan kakusog han politiko ha Manila, kinahanglanon gihapon nga magkamayada Malacañang ha iba nga lugar han aton nasud. Ngan diin pa kundi dida han pinakaimportante nga Queen City han South, an Cebu City," sering niya.

Sering han Pangulo, waray hiya pagsayop han iya pagpili han Cebu para managbalay han ASEAN Summit ha 2007 "kay bisan matapos ako umatinder han iba pa nga mga summit, an mga nangungulo han mga nasud in padayon nga maguuroestorya han ira makalilipay nga eksperyensya dinhi ha siyudad han Cebu.

Nagsering an Pangulo nga mahitungod hin mga praktikal nga rason amo nga nagdesider hiya nga butangan hin Malacañang sa Sugbo mahitungod nga "naabat ko nga kun ako in magseserbisyo para han katawhan ha parti han south, mas masayon para ha ira in kumadi ha Cebu pakigkita ha akon ngan pakigestorya ha akon kuntra lumupad pa hira ngadto ha Manila."

Naobserbahan han Pangulo nga masukot hiya kumadto ha Cebu diri la para magbuhat hin mga lokal nga mga buruhaton kundi para gihapon ha nasyonal nga mga butang ngan pangobyernohan ha nasyonal. "Ngan amo ito in nagigin rason nga masukot ako kumanhi ha Cebu kuntra hin pagkanhi ko para hin burohaton nga kaparti hin mga okasyon para han siyudad han Cebu," sering niya.

Gin himangrawan han Pangulo an iya pinakamahinungdanon nga nanunumduman parti ha Cebu ha ilarum han iya administrasyon – an inagurasyon han Cebu South Coastal Road dida han 2004.

"Pamati ko amo adto an usa han mga dagko nga nga okasyon ha ilarum han akon pamunuan ngan an mga panahon nga nakanhi ako ha siyudad han Cebu. Ngan ginlalamano ko kamo ngatanan mahitungod han paghingaupay han siyudad han Cebu tikang hadto ngada yana. Nakikita gud nga an Cebu in kaangayan nga magin Queen City of the South. Ngan ginlalamano ko diri la an mga opisyal kundi pati an mga negosyante mahitungod nga nagin manilampuson an iyo pagpaupay han ekonomiya han siyudad han Cebu. Salit ha iyo ngatanan karawata an akon mapaso nga paglamano," sering niya.

Para mapasarang an pagpakaupay nga diri la dapat nakasentro ha Metro Manila, ginduon han Pangulo nga an iya administrasyon in nagporma han Super Regions, basi ha agresibo nga mga kaupayan panekonomiya.

"Mayda kita North Luzon Agribusiness Quadrangle, mayda kita Urban Luzon Beltway, mayda kita Agribusiness Mindanao, mayda kita Cyber Corridor, ngan mayda kita Tourism Central Philippines. An siyudad han Cebu in usa nga Queen City han duha han mga super regions, nga amo an Cyber Corridor ngan an Central Philippines Tourism," sering niya.

Sering an Pangulo nga han katapusan niya nga pagkada ha Cebu, "usa han amon mga ginbuhat amo an pagselebrar mahitungod nga an siyudad han Cebu in gintawag han industriya han BPO bali an kanan kalibutan nauswag nga distinasyon han BPO."

Nagpasabot hiya han iya duro nga kalipay han kaimportante han siyudad han Cebu ha industriya han BPO labot la han kaimportante han Cebu ha linya han turismo. (M. Alcober/PIA-8) [top]

|«  prev  next  »|
DAILY NEWS LIST:
»DOST XI employees train on poll automation
»Feature: Health worker takes proactive approach
»Real estate, retailing top investments in Davao, says SEC
»Air transport registers increase in 2009
»Davao Port X-ray machine is safe, assures DOH
»Pilar CeC gears up to become island ICT hub
»Feature: Montinola info center turns 1
»Algeria CeC: Taking the first steps towards excellence
»BIR Caraga implements 10 strategies to increase revenue in 2010
»Governors, mayors vow to support new KALAHI-CIDSS areas in Caraga Region
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines