Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/02/26

Cebuano News: DA nagmando sa dinalian nga pag-apod-apod sa ayuda ngadto sa mga mag-uuma nga apektado gikan sa El Niņo

By Rodrigo S. Victoria

Manila (26 February) -- Si Agriculture Acting Secretary Bernie Fondevilla nagmando sa mga opisyales sa banika sa Department of Agriculture (DA) sa pakigtrabaho sa local nga mga pangagamhanan bahin sa dinalian nga pag-apod-paod sa bulto nga ayuda ngadto sa mga mag-uuma sa humay ug mais sa Isabela, Cagayan ug uban pang mga probinsya nga apektado na sa makadaut nga mga epekto sa pinakaulahing pag-atake sa El Niņo nga gibana-bana nga molungtad ug dugay hangtod sa Hulyo ning tuiga.

Si Fondevilla nagmando sa mga opisyales sa DA regional field units (RFUs)aron nga maseguro nga kininga mga bulto sa ayuda nga naglakip sa mga liso, open source pumps ug subsidiya sa gasolina alang sa mga water pumps ang maka-abot sa hingtungdan nga mga makdawat nga mga mag-uuma ug sa pagpadali sa ilang mga pagsunod nga kalambuan aron nga ang Departamento makakuha sa tukma nga hulagway sa sitwasyon ug sa pagpadala sa tanang gikinahanglan nga mga programa sa interbensyon alang sa aktuwal nga gidaghanon sa mga bikitma nga mga mag-uuma.

Sa gidakuon na sa kadaut, gideklarar na sa probinsyal nga pangagamhanan sa Isabela ug Cagayan ang ilang mga probinsya ubos sa state of calamity.

Sa sayo pa gimando na ni Fondevilla, kinsa mao ang nangulo sa task force bahin sa mga lakang pagpakgang sa pinakaulahi nga pag-atake sa El Niņo sa pagpasugod na sa mga RFU sa ilang mga lakang pagpakgang as bulan pa lang sa Enero diin kini naglakip sa cloud seeding nga mga operasyon tinabangan sa Aboitiz Corp lakip sa Magat Dam ug sa pag-apod-apod sa pasiunang 115 ka buok sa Open Source Pumps (CPS) pinaagi sa RFU Region II ug sa National Irrigation Administration- Magat River Integrated Irrigation System (NIA-MARIIS).

Si Villacorta nagtaho nga sayo pa sa bulan sa Desyembre sa milabay nga tuig, ang RFU sa rehiyon nagpalit na ug rodenticides ug insecticides ug gikan niadto nakapahiuli na sa may 10,000 ka ektarya isip pasiunang lakang batok sa possible nga pagdagsang sa mga mangungutkot nga mga mananap ug uban pang mga peste ug insekto nga tingale mahitabo diha sa panahon sa paghuraw.

Matud pa niya nga ang RFU nagtakda sa pag-apod-apod sa may 25,000 ka pakete sa mga liso sa utanon ngadto sa mga apektado nga mga mag-uuma ug nag-bid-out na sa kontrata alang sa pag-supply sa laing P10 milyones nga kantidad as nagkalain-laing mga liso sa utanon nga iapod-apod ngadto as mga mag-uuma nga may dako kaayo nga kadaut sa ilang abot.

Ang RFU usab nakignegosasyon alang sa pag-angkon ug OSP ug nagsugod na sa paghatag ug subsidiya sa gasolina ngadto sa mga mag-uuma nga may water pumps.

Ang programa sa subsidiya sa gasolina ang gisugdan ug una sa duha ka mga munisipyo ubos sa counterparting nga paagi kauban sa hingtungdan nga mga local nga mga pangagamhanan ug kini nga proyekto ang ipahamtang ngadto sa tanang mga lungsod sa rehiyon diin ang mga apektado nga mga mag-uuma nanag-iya ug mga water pumps.

Si Villacorta nagkanayon nga ang pagkonserba sa tubig ang gipadukwag sa mga apektado nga mga lugar pinaagi sa puli-puli nga pagpatubig as NIA ug sa paglunsad sa pagpahibalo sa publiko pinaagi sa local nga estasyon sa radio ug peryodiko ug sa mga pakigdayalugo kauban sa mga Irrigators' Associations (IAs).

Nagproponer usab siya ug dugang mga lakang sa interbensyon sama sa mga proyekto sa pakabuhi, dinalian nga hinabang sa pagkaon ug dinalian nga pagpantrabaho ngadto sa mga apektado nga mga mag-uuma.

Tungod sa panglantaw ug una sa kahimtang sa mga mag-uuma, si Fondevilla sa sayo pa nagmando sa realignment sa nasudnong budget sa DA alang ning tuiga sa pagpasaka ngadto sa P1.71 billion alang sa nagkalain-lain nga mga interbensyon nga mga lakang nga gitumong sa pagpakgang sa potensyal nga kaalkansi as produksyon nga mokabat ug P8 bilyones ngadto sa P20 bilyones sa sector sa agrikultura tungod sa pag-atake sa El Niņo.

Ang Philippine Atmospheric, Geophysical and Astronomical Services Administration (Pagasa) nagtaho nga ang El Niņo sa tuig 2009 dili kaayo kusog apan posible nga mohangtod sa Hulyo imbes sa kasagaran nga matapos sa bulan sa Mayo o Hunyo

Matud pa ni Fondevilla nga ang El Niņo task force sa DA magtutok sa ilang mga programa sa pagpakgang ning tuiga ngadto sa mga apektado kaayo nga mga dapit sa nasud.

Kini nga mga dapit nga gikonsiderar nga apektado kaayo nga mga probinsya sa pag-atake as El Niņo o sa huraw mao ang Ilocos Sur, Ilocos Norte, La Union, Pangasinan, Cagayan, Aurora, Bataan, Bulacan, Nueva Ecija, Pampanga, Tarlac, Zambales, Cavite, Rizal, Occidental Mindoro, Palawan, Capiz, Iloilo, Negros Occidental, Misamis Oriental, Zamboanga City, Sarangani ug South Cotabato.

Abra, Apayao, Benguet, Ifugao, Mt Province, Isabela, Nueva Vizcaya, Quirino, Batangas, Laguna, Quezon, Romblon, Sorsogon, Aklan, Antique, Bohol, Samar, Zamboanga Norte, Zamboanga Sibugay, Zamboanga Sur, Bukidnon, Davao Oriental, Davao Sur ug Davao City. (PIA-Biliran) [top]

|«  prev  next  »|
DAILY NEWS LIST:
»DOST XI employees train on poll automation
»Feature: Health worker takes proactive approach
»Real estate, retailing top investments in Davao, says SEC
»Air transport registers increase in 2009
»Davao Port X-ray machine is safe, assures DOH
»Pilar CeC gears up to become island ICT hub
»Feature: Montinola info center turns 1
»Algeria CeC: Taking the first steps towards excellence
»BIR Caraga implements 10 strategies to increase revenue in 2010
»Governors, mayors vow to support new KALAHI-CIDSS areas in Caraga Region
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines