Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 20 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/04

Waray-Waray News: PGMA naglalantaw hin mabarubakod nga ekonomiy ha 2010

Manila (4 March) -- Nagsering hi Pangulo Gloria Macapagal-Arroyo kakulop nga adlaw nga an pagtubo han kanan nasud ekonomiya in mahurohitaas pa yana nga tuig maski makumpleto na niya an ngatanan nga mga panguna nga mga proyekto nga natikangan na dida han iya siyam katuig nga termino.

"Babayaan ko an nasud nga maupay an kamutangan. Mayda ako kumpiyansa para ha kabubuwason," sering niya ngadto han mga negosyante ngan mga meyembro han diplomatic corps nga umatinder han kanan kakulop han aga tinuig nga kanan Pilipinas economic briefing ha Dusit Thani Hotel ha Makati nga ginorganisar han Investors Relations Office (IRO), kun diin amo an nakapot han mga problema o panginahanglan han iba-iba nga mga stakeholder han kanan nasud economic team.

Obserbasyon hin pipira nga mga tukib ha gobyerno lab-i na gud an Bangko Sentral ng Pilipinas nga an ekonomiya, kun diin tumubo hin 0.9 pursyento han nakalabay nga tuig, in nakikitaan hin malaksi nga pagtubo ha butnga hin 2.6 pursyento ngan 3.6 pursyento myentras an paghitaas han mga presyo in nakikita nga madalagan ha butnga hin 3.5 pursyento ngan 5.5 pursyento.

Dida han iya paglingkod bali Pangulo han nakalabay nga siyam katuig, hiya in nagsering nga an paghitaas han mga presyo in tumubtob ha 7.5 pursyento; an balance of payments (BOP) in nakadto ha $2.02 bilyones; an ratio han external debt ngadto ha gross domestic product (GDP) o kun pira an kanan nasud total goods and services ha kada tuig in nahingangadto ha pagserbisyo han utang, in 72 pursyento; ngan an unemployment in 20 pursyento.

Ha pagkayana, an mga presyo in establisado ha 2.9 pursyento; an BOP in ada ha $5 bilyones; an external nga utang ha GDP in lumusad ha 34 pursyento; ngan an unemployment ha seyete pursyento.

Nakita gihapon han Pangulo nga an foreign exchange rate in nagmakurokusog ha 19 pursyento dida ha ilarum han iya administrasyon. Ha luyo nga bahin, an piso in nagtikang dida han 1970 han P3.94 ngadto ha dolyar ha ilarum ha administrasyon ni Marcos ngan nagtikaluslos ngadto ha P22.05 han 1986. Ini gihapon in nahitabo ha administrasyon ni Aquino, kun diin lumusad gihapon an balor han piso ha 14 pursyento; ha kan Ramos administrasyon, 14 pursyento, ngan han kan Estrada administrasyon, 39 pursyento.

Mahitungod nga ha kaupayan ha ekonomiya, nagsering an Pangulo nga an nasud in usa han uupat nga mga nasud ha Asya nga waray gud kaapektuhi han pagluslos han ekonomiya nga dara han 2008 krisis pinansyal han iba-iba nga mga nasud.

"Kinahanglan namon umatubang ngan mga maghimo hin magkuri ngan diri pupolar nga mga disisyon para ha kaupayan han ekonomiya," sering han Pangulo, "upod han pagpasa han 12 pursyento nga expanded value added tax, kun diin nakahimo hin P80 bilyones dida han iya pinakauna nga tuig han implimentasyon han 2007 ngan han pagpasa han tinatawag nga sin taxes para han mga sigarilyo ngan mga de-alkohol nga inuman." (PIA-8/maa) [top]

|«  prev  next  »|
DAILY NEWS LIST:
»Soldiers facilitate safe transfer of NPA leader to Davao reg'l hospital
»NPA roadside bomb injures truck driver in Davao
»Mercury phase-out, ban not to be cause of panic
»Davao Norte guv cites national gov't partnership as vital to dev't agenda
»Comelec calls on barangay officials to train elderly, illiterates to shade oval
»Power shortage in Mindanao now at 650-MW
»Davao Light cites measures to protect supply
»Cebuano News: Women's Month celebration gipatigayon sa Caraga
»Mindanao task forces prepare El Niņo mitigation plan
»New Zealand reaffirms commitment to peace, development of Caraga region
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines