Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 24 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/05

Waray-Waray News: PGMA tatagan hin pasidungog an nangunguna nga mga kasundaluhan ha Malacaņang

Manila (5 March) -- Gintagan hin pasidungog ni Pangulo Gloria Macapagal-Arroyo an kanan yana nga tuig "The Outstanding Philippine Soldiers" (TOPS) dida hin usa nga simple nga seremonya kakulop han aga didto han kanan Malacaņang Rizal Hall.

An Tinuig nga proyekto han Metrobank Foundation, Inc. (MFI) ngan han Rotary Club ha Makati Metro, gintatagan hin honor an mga kasundaluhan mahitungod han ira waray wantas nga pakigbisog para maprotehiran an katawhan nga para ipreserba an pagkuntrolar han nasud.

Kada tuig, tulo nga mga nangunguna nga mga sundalo, nga amo in duha nga enlisted personnel ngan usa nga commissioned officer, in kada usa ginpipili tikang dida han tulo nga Armed Forces of the Philippines (AFP) nangunguna nga nagseserbisyo nga amo an Philippine Army (PA), an Philippine Navy (PN), ngan an Philippine Air Force (PAF).

An usa nga nagdaug in napili tikang han kanan AFP Technical Service Units sugad han Medical Corps, Veterinary Corps, Nurses Corps, Dental Services, Chaplain Service, an Corps of Professors, Engineering Corps, ngan han Judge Advocate General Service.

Para han yana nga tuig, an mga TOPS awardees tikang ha Army amo hira: Col. Melquiades Feliciano ngan Master Sergeants (M/Sgt) Ruben Lucero ngan Hercules Regis.

Hi Feliciano an nanguna han paghawan han mga rebelde dida han mga lugar nga igin-assign ha iya pinaagi hin pagpabulig han kumunidad para paghurohimangraw ngan pakigkunsulta parti han implimentasyon han kanan gobyerno mga palisiya.

Hi Lucero, nga gin-ngaranan nga "Enlisted Personnel of the Year" hin lima na kabesis, in natuo han importansya han padayon nga paghag-id para mabuligan an kada tagsa han iya mga obligasyon ngan mga responsabilidad; myentras ginkukunsiderar ni Regis nga an iya pakahimo pagsurat ngan pakapublisar hin usa nga libro amo an pinakadako niya nga nahimo.

An mga nagdaug nga natikang ha Navy (Marines) amo hira: Col. Nathaniel Casem, Technical Sergeant (T/Sgt) Marcelo Batingan, ngan Sergeant (Sgt) Vicente Sustiviero, Jr.

Hi Casem amo an Commanding Officer han Marine Battalion Landing Team-11 nga mainuswagon nga nakaperdi han kampo han mga elemento han Moro National Liberation Front-Misuari Break Away Group (MILF-MBG) ha luyo nga ginkumpronta hira hin maabot 500 nga mga rebelde ha Sulu.

Ginkukunsiderar ni Batingan nga an pagigin kaparti niya han combat clearing operations ha Narciso Ramos Highway kuntra han mga MILF dida han 2000 in amo an iya pinakadko nga nahimo ha iya okupasyon meyentras hi Sustiverio, Jr. in nahibulig na hin iba-iba nga mga operasyon nga may kalabutan ha iba-iba nga mga maraut nga element.

Para han Air Force, an mga ginpasidungan amo hira: Col. Arnold Mancita, M/Sgt. Leonilo Pedroso nga T/Sgt. Rogelio Alarcon, Jr.

Hi Mancita amo an Director for Operations han 250th Presidential Airlift Wing ngan nagserbi bali piloto han helicopter para han mga Pangulo han Pilipininas tikang kan Fidel Ramos ngadto kan Gloria Macapagal-Arroyo.

Hi Pedrosa, maski usa nga mekaniko hin mga eroplano an propesyon, in ginkadto ha Air Force General Hospital dida han nakalabay nga tulo kadekada bali aero-medical technician; meyentras hi Alarcon, Jr., nga dako it kaaradman bali radio-electrical-instrument technician, in nagin kaparti han grupo nga nanhihimo han rolling test bed nga nahatag hin accessibility ngadto ha aircraft spares sugad man hin pagsurat hin maintenance manuals dida han pagdumara hin mga nakaeskedyul o diri nakaeskedyul nga mga trabahuan parti pagmintinar.

An katapusan han mga nagdaug han kanan yana nga tuig TOPS amo hi Major Vicente Magaro han Office of the Army Dental Surgeon han Fort Bonifacio ha siyudad han Taguig, nga dako an papel pinaagi hin pagsurat hin mga circular nga standard operation procedures nga an panuyo amo an pagpauroupay han pagbuhat han kanan unit mga responsibilidad ngan mga obligasyon.

An kada usa han 10 nga mga napili in nakakarawat hin plaki tikang ha Pangulo ngan kwarta nga nagkakantidad hin P250,000 tikang ha MFI.

An nagasister han Pangulo amo hira Defense Secretary Norberto Gonzales, AFP Chief of Staff General Victor Ibrado, Pangulo han MFI nga hi Aniceto Sobrepeņa ngan an Pangulo han Rotary Club han Makati Metro nga hi Albert Guevara III. (PIA-8/M. Alcober) [top]

|«  prev  next  »|
DAILY NEWS LIST:
»Burma women join Manila march
»3rd Bulawan Festival kicks off
»Mati City gets brand new fire truck
»DTI-XI official denies banana farmers drowning in debts
»Power utility firm urges power conservation
»Green group to share energy-saving lifestyle
»BIR awards top taxpayers in Region XI
»New Zealand reaffirms commitment to peace, dev't of Caraga
»Mindanao young leaders to convene 3rd parliament
»PNP launches hot pursuit operation against Sarangani jail escapee
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines