Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 21 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/16

Waray-Waray News: State of calamity igindeklarar ni PGMA ha Mindanao

Manila (16 March) -- Tungod hin padayon nga perhuwisyo nga durot han katmara ha mga tanom ngan kakulangan hin suplay han kuryente ha Mindanao, iginpa-ilarum ni Pangulo Gloria Macapagal-Arroyo an Mindanao ha 'state of calamity.'

Ginpirmahan han Pangulo hadton Biyernes an Proclamation No. 2022 nga nagdedeklarar hin state of calamity ha Mindanao. Ini en agud makaghimo ha gilayon hin mahinungdanon nga mga pitad para masurapo an destruso nga durot han maiha na nga katmara ha Mindanao tungod han El Niņo.

Nahipapatik dida han mao nga Proklamasyon nga tungod han El Niņo ngan hin kawaray bag-o nga 'large generation capacities,' nagtikagrabe an sitwasyon ha suplay hin kuryente ha Mindanao Grid.

Bisan kon naghahatag hin poder an Local Government Code ha mga local government unit pagdeklarar hin 'state of calamity' ha ira tagsa-tagsa mga lokalidad, ginkikinahanglan la gihapon nga magdeklarar hin 'state of calamity' an Pangulo agud mahibukalas an pondo han nasud pankalamidad subay han General Appropriations Act.

An Department of Energy, nga amo an nagrekomendar nga igdeklarar an state of calamity ha Mindanao, en ginmando-an ngan gintagan hin otorisasyon paghimo hin mga pitad agud maresolbar ha gilayon an krisis.

An ngatanan naman nga natutungdan nga mga departamento ngan mga ahensya han gobyerno en ginmando-an gihapon nga mag-implimentar ngan magpahamtang hin kaangayan nga mga programa subay hiton mga direktiba ngan mga kasugoanan ngan iginpagawas kasumpay han kalamidad.

Sumala han National Grid Corp. of the Philippines, an limitado nga suplay hin kuryente ha Mindanao en hinungdan hin diri bastante nga mga kapasidad tikang han panguna nga surok hin kuryente han grid ? an hydro power plants han National Power Corporation. Haros ngatanan hini nga mga planta en mayda mga water reservoir nga nahuhubsan na hin tubig tungod han El Niņo.

Iginrekomendar han Department of Energy en upat nga mga pitad ha pagsulbar ha gilayon han sitwasyon pagtaga-kuryente ha Mindanao. Ini amo an pagplite hin mga power generator, pagpaandar ngan pagmentinar han 30-MW nga Iligan Diesel Power Plant 1 (IDPP), pakigkontrata ha Alsons para han operasyon ngan pagmentinar han IDPP2, ngan pagkontrata hin kadugangan nga 5 MW ha Southern Philippines Power Corporation. (PIA-Eastern Samar) [top]

|«  prev  next  »|
DAILY NEWS LIST:
»BIR to pursue high visibility awareness campaign ? Commissioner Tan-Torres
»SSS condones penalties on unremitted contributions by employers
»Feature: Bahay ni Sto. Tomas, a haven for unwanted pregnancies
»CTFRB conduct seminar for Tagum tricycle drivers
»Local terrorists murder mine worker, abduct siblings in Comval
»Doctors push for mercury ban in health care
»500 Project REY scholars recognized
»Cagayan de Oro to host 19th Mindanao business conference
»Women sector pushes IEC on global warming
»Panabo to stage bangus-grill
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines