Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/16

Hiligaynon News: Mga kandidato nagpirma sang kasugtanan para sa tampad, matawhay nga eleksyon

Iloilo City (16 March) -- Nagpangako kag nagpirma sang kasugtanan ang mga nagapapili sa nanuhaytuhay nga posisyon sa siudad sang Iloilo agud mapat-ud ang tampad, matawhay kag malinong nga piniliay sa sa sining palaabuton nga Mayo.

Ginlagdaan sang mga kandidato ang kasugtanan sa isa ka simple nga seremoniya nga ginhiwat sa Palasyo sang Arsobispo sa distrito sang Jaro sining siudad sang Sabado, Marso 13, 2010 nga ginsaksihan ni Arsobispo Angel Lagdameo.

Ginsaksihan man ang nasambit nga okasyon nanday Parish Pastoral Council for Responsible Voting (PPCRV) National Chair Ambassador Henrietta de Villa, Jaro Auxilliary Bishop Gerardo Alminaza, COMELEC-Iloilo City Elections Officer G'Bert Arbis, PRO 6 Assistant Regional Director for Administration S/Supt. Manuel Fajardo, kag ICPO acting director, Supt, Eugenio Espejo.

Ginlakipan ang 15 ka mga kandidato nga nagpasakop sa amo nga aktibidad nanday anay Justice Secretary Raul Gonzales, Mayor Jerry Trenas, Konsehal Jose Espinosa, Konsehal Antonio Pesina, Konsehal Eldrid Antiquera, Konsehal Lex Tupas kag Konsehal Ely Estante.

Sa ginpreparar nga kasugtanan, ginpangako sang mga kandidato nga mangin mainabyanon sa tanan nga transaksyon upod sa ila kasubong nga kandidato kag magatalakay gid lamang sang lehitimo nga mga isyu politikal kag ipahamtang ang ila plataporma de gobyerno pinaagi sa libre kag mainabyanon nga pamaagi.

Ginahugpong man sang kasugtanan ang mga kandidato sa pagsikway sa paggamit sang pamahug, pagpamintas, kusog, intimidasyon, partisan/pribado nga grupo kag iban pa nga iligal nga pamaagi agud itib-ong ang ila interes political.

Sa iya mensahe, ginpahanumdom ni Rev. Fr. Mark Lester Senina, Archdiocesan PPCRV Co-Coordinator ang mga kandidato sang pagsalig sang mga Ilonggos nga ila pagasakdagon ang kaundan sang dokumento.

Sa nahibaluan ang iban pa nga kandidato ang una na nga nagpirma sang kasugtanan sa amo man nga adlaw sa tion sang recollection nga ginpatigayon sang Jaro Parish Pastoral Office sa mga kandidato sa siudad sang Iloilo para sa Mayo nga eleksyon.

Ginapangunahan ang paglagda sang kasugtanan sang Philippine National Police, COMELEC-Iloilo City kag PPCRV. (PIA) [top]

|«  prev  next  »|
DAILY NEWS LIST:
»BIR to pursue high visibility awareness campaign ? Commissioner Tan-Torres
»SSS condones penalties on unremitted contributions by employers
»Feature: Bahay ni Sto. Tomas, a haven for unwanted pregnancies
»CTFRB conduct seminar for Tagum tricycle drivers
»Local terrorists murder mine worker, abduct siblings in Comval
»Doctors push for mercury ban in health care
»500 Project REY scholars recognized
»Cagayan de Oro to host 19th Mindanao business conference
»Women sector pushes IEC on global warming
»Panabo to stage bangus-grill
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines