Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/23

Waray-Waray News: PGMA gintatalinguha an mid-year nga pagpahitaas han sweldo han military

Manila (23 March) -- Iginpasamwak kakulop nga adlaw ni Pangulo Gloria Macapagal-Arroyo an mga benepisyo para han kanan nasud harani 120,000 nga mga kasundalohan ha armed forces, lab-i na gud an tinuig nga pagpahitaas han regular nga sweldo tubtub ha 2012.

May posibilidad nga makarawat han mga kasundalohan an dugang han ira mga sweldo ha diri maiha nga panahon matapos an Pangulo in gumawas ha iya lingkuranan ha Hunyo 30.

Pero sering niya nga nagmando na hiya han Department of Budget and Management (DBM) nga malahimuon nga tagan gud hin panahon an pagpahitaas han sweldo para maseguro nga makarawat ini han mga kasundalohan maski ha turotemprano pa.

An pagpahitaas han kanan mga militar sweldo in kaparti han kanan gobyerno salary standardization nga programa nga nagtikang han implimentasyon han nakalabay nga tuig.

"Mahitungod han salary standardization nga balaud nga amon gintrinabaho, an aton mga kasundalohan in makakaantisipar na hin tinuig nga paghitaas han ira sweldo tikang yana nga tuig ngadto ha 2012," sering han Pangulo.

Labot la han mga sweldo, nagsering an Pangulo nga ginduble gihapon han iya administrasyon an mga benepisyo para han mga kasundaluhan nga nagkamatay o nagkasasamaran ha pakig-awag; naghatag hin darudamo nga mga scholarship para han mga anak han mga kasundaluhan; darudamo nga mga housing project para han AFP; darudamo nga mga kalungganayan para han mga uniformed men and women ha field; ngan mas moderno nga mga ekipahis nga nagpapakurokusog han kapabilidad pakiglantugi dida hit kagab-ihon han AFP.

Ginhimo han Chief Executive an iya mga pasamwak dida han kakulop nga ika-113 nga anibersaryo han Philippine Army (PA) ha Fort Bonifacio, Taguig City kun diin hiya an guest speaker.

An kanan Pangulo pag-atinder han kanan Army seremonyas in ginsering nga pagruba han tradisyon mahitungod nga amo ini an pinakauna nga higayon nga an Chief Executive ngan Commander-in-Chief han armed forces in umatinder han tinuig nga selebrasyon han Army, usa han tulo nga sanga han serbisyo han Armed Forces of the Philippines (AFP) kaupod an Philippine Navy ngan Philippine Air Force.

Sering han Pangulo nga an pagpahitaas han kanan kasundalohan sweldo in kaparti gihapon han modernization nga programa pagpaharuhataas han kumpiyansa, propesyonalismo ngan kaepiktibo han AFP.

Dugang pa han Pangulo nga an sweldo han kasundalohan in nagduble dida han pagtikang han iya administrasyon.

Dida han 2001, sering han Pangulo nga an private Army in nakarawat la hin P5,500 nga basic pay kada bulan meyentras an private first class (PFC) in nakakakuha hin P5,830. Ha pagkayana, sering han Pangulo nga an Private in nakakakarawat na hin P10,808 nga sweldo, ngan an usa nga Private First Class in nakarawat hin P11,513.

An bag-o nga pagpahitaas nga karuyag han Pangulo ihatag ngadto kan kasundaluhan antis umabot an Hulyo, in magpapahitaas han kanan Private binulan nga bayad ngadto ha P12,149 ngan P12,993 para ha usa nga Private First Class.

"Paglaum la kita nga makaagi an DBM hin solusyon," sering han Pangulo ha butnga hin makusog nga parakpak nga tikang han mga kasundalohan ngan han mga opisyal han Army nga pinangungunahan ni chief Lt. Gen. Reynaldo Mapagu.

Ginlamano han Pangulo an mga kasundaluhan "nga nagin mas epektibo, mas propesyonal ngan mas nakakuha hin darudamo nga mga pagdarag-an han nakalabay nga siyam katuig nga aton pagkaurosa."

Sering pa han Pangulo nga an bug-os nga AFP in dako an nahimo ha pagbulig han kanan nasud pangobyernohan para magin progresibo ngan mahibutang ini ha estabilidad pinaagi han paggamit han hard power ngan soft development nga mga higamit sugad han pag-ayad han mga kalsada, mga tulay ngan mga mulye lab-i na gud ha mga hagrayo ngan may mga rebelde nga mga lugar.

Dugang pa han Pangulo nga an mga kasundalohan in utro nga mahatag hin importante nga papel pinaagi hin pakigsumpayan ha Commission on Elections (COMELEC) para maseguro nga an kanan katawhan mga butos in maiihap ngan maproprotektahan dida hit presidential elections yana nga tuig.

Ha pagkayana, sering han pangulo nga an iya mga aktibidad in mas nga nasentro parti han kanan nasud pangobyernohan para makahatag hin mahimyang nga pagpasa han poder para han kanan nasud masunod nga lider.

Dida hini nga higayon, pinangunahan han Pangulo an pagpresentar ha mga pasidungog para ngadto ha mga kaangayan tagan mga mga militar ngan mga sibilyan nga mga empleyado han AFP, kun diin gin-asisteran hiya ni Defense Secretary Norberto Gonzales, an bag-o nga AFP Chief Gen. Delfin Bangit ngan Reynaldo Mapagu. (Translated by M. Alcober) [top]

|«  prev  next  »|
DAILY NEWS LIST:
»Army completes P4.5M road project in Davao Sur
»TUCP pushes for HIV and AIDS prevention at the workplace
»BFP notes increase in Fire Code revenue collection
»Areas in 2 Davao Norte towns placed under election watchlist
»Covenant signing between Davao del Norte pols held
»WB to assess impacts of antipoverty program in Mindanao
»Rural sectors curious about climate change
»Run-for-Water Davao event set
»Davao City Council open to watershed amendments
»Davao Oriental ready for May 2010 census of poulation and housing
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines