Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 20 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/03/25

Waray-Waray News: Ginorganisar ni Arroyo nga grupo desidido paggi-os kuntra mga armado nga pribado nga hugpo

Manila (25 March) -- An Independent Commission Against Private Armies (ICAPA), an hugpo nga ginorganisar ni Pangulo Gloria Macapagal-Arroyo para manginano han mga pribado nga armado nga mga hugpo dinhi ha nasud nga nasuporta hin mga partido pampulitika, in nagmando han Armed Forces of the Philippines (AFP) ngan han Philippine National Police (PNP) nga pakurokusgon an ira gius pagruba hini nga mga grupo para maseguro in tinuod, diri masamok ngan mahimyang nga piniliay ha Mayo.

An mga direktiba in nakasulod ha duha nga mga resolusyon nga ginpadangat han ICAPA ngadto ha AFP ngan PNP pinaagi han ira mga representante dida hin usa nga simple nga seremonya nga gindumara kakulop nga adlaw ha Conference Room han Mabini Hall ha Malacaņang.

Hi ICAPA Chair Monina Zenarosa, usa nga retirado na nga associate justice han Court of Appeals, in nagpresentar han ICAPA Resolutions No. 001-10 ngan 002-10 ngadto kan Colonel Recardo Nepomuceno han Operations Division han AFP ngan Chief Superintendent Cipriano Querol, Jr., Executive Officer han Directorate para Police Community Relations han PNP.

"Yana nga adlaw nalilipay ako pagpasabot nga an Commission mahuman hin kumprehensibo nga mga deliberasyon, mga panmakiana, mga pakigmeeting ha mga politiko para kunsoltasyon ngan iba nga mga stakeholder in nakapahamtang hin duha nga mga resolusyon," sering ni Zenarosa.

Ha ilarum han Resolution No. 001-10, makusog nga gin-aghat han ICAPA an AFP para magdumara hin imbentaryo han mga armas de fuego ngan mga bala nga iginpagawas ngadto ha Civilian Armed Forces Geographical Unit (CAFGU) ngan magmonitor han CAFGU ngan han Special Civilian Active Auxiliaries nga mga magtratrabaho para makita an posibilidad kun hira in posible nga mahibulig hin kasamok nga may kalabutan ha piniliay.

An Commission in naghangyo han AFP nga ipasabot ini nga mga butang ngadto han Commission ha sulod hin napulo ka-adlaw.

Nagmando gihapon an Commission ngadto han AFP nga pakurokusgon an pagbutang hin mga trupa didto han mga lugar nga kilala na nga mga delikado, sugad han Lanao del Sur ngan Masbate, ngan magtukod hin darudamo nga mga checkpoints ha mga lugar nga harani ha kadagatan han duha nga mga probinsya, ha butnga hin mga impormasyon nga iregular nga pagpasulod hin mga armas de fuego.

An commission in naghangyo gihapon nga pakurokusgon an pagbutang hin mga checkpoints han mga militar ngan mga kapulisan, lab-i na gud ha mga hagrayo nga mga bungto sugad han Tineg ngan Malibcong, para maseguro in estrikto nga pagpasunod han gun ban para maiwasan diri an pagkaada hin mga grupo pampulitika kundi upod gihapon an armado nga pwersa para diri magin masamok an piniliay.

Dida han usa nga resolusyon (No. 002-10), ginmanduhan han ICAPA an PNP nga magdumara hin imbentaryo han mga armas de fuego nga iginpagawas ngadto ha Provincial Jail Guards, Provincial Security Forces, Civilian Volunteer Organizations, police auxiliary units ngan Barangay tanods ngan maghatag hin report ngadto han Commission ha sulod hin 10 ka-adlaw.

Kaparti han direktiba amo an pagparegulate han PNP an diri awtorisado nga pagamit han uniporme ngan mga sarakyan han mga kapulisan ngan han mga militar ngan pagdumaraon an pag-aresto han mga sibilyan ngan mga diri awtorisado nga mga magtratrabaho ha diri pagsunod.

An ICAPA in igintindog han kan Pangulo Arroyo Administrative Order No. 275 nga iginpagawas dida han Disyembre 8, 2009. An AO in naghahatag gihapon hin mga direktiba ngadto han PNP ngan AFP hin dugang nga paniguro pagruba han mga pribado nga mga armado nga hugpo nga nasuporta hin mga politiko dinhi ha nasud.

Gintukod ni Pangulo Arroyo an Commission mahitungod han nahitabo han Nobyembre 23 nga panmatay hin maabot 57 nga katawhan ha Maguindanao kun diin nahidabi an pamilya Ampatuan ngan han ira pribado nga armado nga hugpo.

Labot la kan Zenarosa, an iba pa nga mga meyembro han ICAPA amo hira Butuan Bishop Juan de Dios Pueblos, Mahmod Mala Adilao han Bishops-Ulama Conference, an retirado nga hi Police Deputy Director General Virtus Gil, broadcaster Herman Basbaņo, Dante Jimenez han Volunteers Against Crime and Corruption ngan an anay AFP Lieutenant General Edilberto Adan. (Translated by M. Alcober) [top]

|«  prev  next  »|
DAILY NEWS LIST:
»ComVal conducts free vaccination for dogs
»Comval LGU, private partners tie up for internet literacy in public schools
»Private sector participation crucial in attaining development
»Don't play with ballots, voters asked
»ComVal joins RP, the world on Earth Hour
»Turn out your light, show support
»Region XI registers highest in contraceptive prevalence rate
»WB calls more LGUs to avail of agri program
»Cebuano News: Caraga nakigduyog sa Earth Hour 2010
»Tribal community avails of farm-to-market road from CIDP
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines