Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 25 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/05

Waray-Waray News: Gobyerno ada ha luyo han Comelec paniguro nga an piniliay in magmalinampuson

Manila (5 May) -- An gobyerno in naghahatag han ngatanan nga suporta ngadto han Commission on Elections (COMELEC) ha iya paniguro nga magin malinampuson an kanan nasud giuunahi nga automated elections.

Dida ha iya pagyakan, nagsering hi Presidential Spokesperson Ricardo Saludo nga an waray wantas nga suporta han gobyerno ngan han katawhan para ha COMELEC in duro hin ka importante.

"An COMELEC in makakatapod han ngatanan nga mga sanga han gobyerno nga mabantayan an aton demokratiko nga mga pamaagi," sering ni Saludo ha butnga han mga notisya mahitungod hin pipira nga mga teknikal nga problema nga nakita dida han pagtesting han paggamit han mga makina o an tinatawag nga precinct count optical scans (PCOS).

"An mga problema in normal ha maski ano nga bag-o nga sistema, ngan an mga pagtesting in ginbubuhat para madiskubre ngan masolbar ini," dugang pa niya.

Ha may kalabutan nga panhitabo, ginmanduhan ni Pangulo Gloria Macapagal Arroyo hi Secretary Ray Anthony Chua han Commission on Information and Communication Technology (CICT), nga buligan an COMELEC ha mga problema hini parti teknikal nga ira yana gin-aatubang ha PCOS test runs.

"Ini in diri la problema parti ha katawhan kundi parti gihapon ha mga makina," pagklaro ni Press Undersectary for Operations and Deputy Presidential Spokesman Rogelio Peyuan dida han kanan kakulop nga adlaw regular nga pakigharampang ha mga taga media ha Malacaņang.

Sering ni Peyuan nga nagmando an Pangulo kan Chua nga humatag hin teknikal nga suporta ngadto ha COMELEC ngan bumulig paghatag hin alternatibo nga mga sulusyon, kun mayda, ngadto han mga problema han mga PCOS nga mga makina.

Sering pa niya nga hi Chua in sige in pakig-estorya han mga technical experts han COMELEC ngan SmartMatic. "Nakikita namon nga mahuman hin seryoso nga pakig-estorya ha ira, may mga suhestyon ngan posibli nga mga pasamwak in ipapagawas ni Secretary Chua," dugang pa niya.

Bali mahitungod nga usa hiya han nakadto han panel nga nanginano han kabug-usan han teknikal nga mga aspeto han poll automation nga proyekto, hi Chua an mas nga naangay nga magpasabot han Pangulo parti han matuod nga situwasyon, sering ni Peyuan.

Iginduon ni Peyuan nga an Pangulo in naniniguro han kamalinampuson han poll automation "mahitungod nga nakataya an integridad han pagbubuhaton."

Ha unom na la ka-adlaw nga nabibilin, an Palasyo in hataas nga kumpyansa nga mareresolbar han COMELEC han teknikal nga problema han poll automation, sering ni Peyuan. (Translated by: PIA8/maa) [top]

|«  prev  next  »|
DAILY NEWS LIST:
»Mindanaoan IT engineer develops Google's precinct finder
»More paved roads for Mindanao eyed before Arroyo ends term
»AFP, PNP, Church, children pay tribute to workers in Davao
»Soldiers spearhead 3rd peace rally for HOPE in ComVal
»17th NPA bomb recovered in Davao Region, and counting
»Davao writers workshop held May 3-7
»NEDA discusses investment prospects with Chinese officials
»Land Registration Authority distributes free land titles in ComVal
»Miners, gold ore mineral processors gather in ComVal
»Comval holds small-scale mining summit on World Earth Day
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines