Cebuano News: 1 milyon ka pobreng pamilya duna nay balay
Manila (May 6) -- Kapin sa usa ka milyon ka pamilyang kabus ang nagdatahan na karon sa ilang kaugalingong mga balay imbes nga mag-abang sukad sa 2001 kanus-a si President Gloria Macapagal-Arroyo mi-asumer sa opisina.
Si Vice President Noli de Castro, kinsa maoy concurrent chairman sa housing and Urban Development Coordinating Council (HUDCC), miingon nga ang Presidente mihimo sa pabalay kon housing nga usa ka priority program sukad sa 2001 diin kini karon nakahatag na og mga desenting panimalay sa mga urban poor communities ug sa mga low-and-middle income families.
Sa Retrospective Seminar on the Housing Sector nga gipahigayon sa Shangri-La Hotel sa Makati City, si De Castro nagkanayon nga ang Presidente migahin og kinadak-ang pundo alang sa housing, mi-aprobar sa kinadak-ang kantidad para sa loans alang sa informal settlers, nagpatuman sa lowest interest rates ug maayong pag-proses sa housing loans, ug nag-deklara og mas daghang government lands aron himoong mga housing sites.
Sa milabay nga siyam ka tuig, ang Presidente miusob sa hulagway sa housing ngadto na sa usa sa pinaka-dynamic nga hut-ong sa ekonomiya, si De Castro miingon.
Alang sa formal sector, si De Castro mibutyag nga ang Home Development Mutual (PAG-IBIG) Fund nakahatag nag mas taas na nga loanable amounts, mas ubos nga interest rates, mas taas nga repayment terms, ug mas paspas nga proseso sa loan applications, nga miresulta sa pagsaka sa home acquisition sa mga low-and-middle income families sukad sa 2001.
Alang sa usa ka P 400,000.00 housing loan, si De Castro miingon nga ang mga affordable monthly amortization karon naa na lang sa six percent o P 2,400.00 per month, mas ubos pa sa katunga sa P 5,400.00 monthly amortization sa 2001. (PIA-Southern Leyte) [top]
