Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 26 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/06

Waray-Waray News: Mayda na yana mga balay an masubra Un milyon nga pobrehanon nga mga pamilya

Manila (6 May) -- Masubra hin Un milyon nga kablasanon nga mga pamilya an naghihinulogan han ira kalugaringon mga balay imbes nga magpleti. Ini nga sitwasyon en tikang la manerbihan komo presidente han nasud hi Pangulo Gloria Macapagal-Arroyo hadton 2001.

Sigun kan Vice President Noli de Castro, nga amo gihapon an chairman han Housing and Urban Development Coordinating Council (HUDCC), gintagan hin prayoridad han Pangulo an housing program tikang han 2001 nga nakaghatag hin desente nga mga puroy-anan ha mga kablas ngan sugad man hadton igo la an pangita nga mga pamilya.

Sigun kan De Castro, hi Pangulo Arroyo an nag-alutaga hin pinakadako nga pondo para han housing program; nag-aprobar han pinakadako nga kantidad nga mauutang para han mga iskwater; nag-implimentar han pinakahibubo nga interes ha pautang ngan nagpatuman hin mas-episyente nga proseso ha pakatagamtam hin housing loan; ngan nagdeklarar hin darudamo nga tuna komo housing sites.

An Home Development Mutual (PAG-IBIG) Fund, sering ni De Castro, en naghahatag hin hiruhitaas nga kantidad nga mauutang, hiruhibubo nga interes, hiruhilaba nga panahon hin pagbayad, ngan madarudagmit nga pagproseso hin loan applications. Ini en nagresulta hin damo nga nagpakaangkon hin kalugaringon nga mga balay tikang hadton tuig 2001.

Para hin P400,000 nga housing loan, sais porsyento nala yana an kantidad kada bulan nga paghuhulogan o kon P2,400 kon diin hinibubo ini hin 50 porsyento kumparar han P5,400 nga binulan nga paghuhulogan hadton 2001, sering niya.

Iginpahayag ni De Castro nga nagbukalas an Community Mortgage Program (CMP) hin P5.3 bilyones nga gin-gamit dida hin 953 nga mga proyekto agud magkaada puroy-anan an mga iskwater.

Usa pa nga dako nga nakab-ot han gobyerno, sering ni De Castro, amo an 113 nga mga proklamasyon han Pangulo nga nagdedeklarar hin maabot 27,000 ka ektarya hin mga mga tuna han gobyerno palibot han nasud komo socialized housing sites, nga nakabenepisyo hin maabot 280,000 nga mga pamilya.

Damo adton mapasinalamaton han Pangulo sugad nala han benepisyaryo nga hi Teodora Santos han San Pedro, Laguna nga anay nagbabayad hin pleti ha balay nga P6,000 kondi ha pagkayana en nagbabayad nala hin P2,400 nga hulogan para han iya utang ha PAG-IBIG.

Hi Adelo Flores, presidente han relocation site ha NorthVille I ha Valenzuela City en nagpasalamat gihapon han Pangulo para han housing project nga hitso hin mga pasilidad panpubliko kumparar han iya sitwasyon lima ka tuig na an nakakalabay nga usa la hiya nga nag-uukoy ha may riles.

An benepisyaryo han CMP nga hi Carmela Inson, presidente han Andrea Paz Homeowners Association ha Calamba, Laguna en nagsumat han Pangulo nga may-ada na nira yana kalugaringon nga mga titulo ngan nagin tinuod na nga tag-iya hin balay ilarum han housing program han gobyerno.

Gindayaw naman ni Manny Crisostomo, usa nga national president han Subdivision and Housing Developers Association, an housing program han Pangulo tungod han madagmit nga pagproseso han mga dokumento, permits ngan mga lisensya pinaagi han paghitukod hin mga one-stop shop.

Nagsering pa hi Crisostomo nga an direktiba han Pangulo paghimo nga hul-os nga kompyuterado han Land Registration Authority (LRA) en ha diri maiha makakaghatag na hin madarudagmit ngan murumenos nga gastos ha pagpapatitulo.

Hi Marissa del Mar, presidente han National Real Estate Association, en nagpahayag nga nakabulig an housing program han Pangulo pagtukod hin masubra 1.1 milyones nga housing units tikang han 2001 ngan ini en nakaamot hin trinilyon-trilyon de pesos ngada han ekonomiya han nasud.

Ha pakigsumpayan ha pribado nga sektor, nagsering hi Taguig City Mayor Sigfrido Tinga nga nakaangkon an ira syudad han Galing Pook Award hadton naglabay nga tuig pinaagi han housing program han gobyerno para han mga umurokoy ha daplin hin mga riles.

Nagpasalamat naman hi Gawad Kalinga chairman Antonio Meloto kan Pangulo Arroyo tungod han iya pagtapod han kapabilidad han "ordinaryo nga Pilipino" han magkita hira samtang nagtutukod hiya hin usa nga modelo nga komunidad ha Dumaguete City hadton 2002.

Ha pagkayana, nakagtukod na hin masubra 2,000 nga mga modelo nga mga komunidad an Gawad Kalinga ha pagkikigsumpayan ha gobyerno, pribado nga mga tagdonar ngan han mga benepisyaryo ngahaw. Ginkilala han Boston Massachussets Institute of Technology an ira proyekto ha Bataan Shipyard and Engineering Corp. (Baseco) Tondo community komo pinakamaupay nga modelo nga komunidad ha Asya. (PIA-Eastern Samar) [top]

|«  prev  next  »|
DAILY NEWS LIST:
»Condom use is beneficial, Filipinos say
»DA-XI to award farmers with "unusually huge-sized" crops
»BFAR appoints fisherfolk as regional director for May
»DAR XI set to distribute 8,500 hectares in 2010
»DA-XI celebrates farmers and fisherfolks month this May
»21st batch of Tagum RTU workshop holds recital
»8 electric coops to distribute CFLs
»Tri-event to set festive May mood in Tagum
»TCNHS alumni join public service
»Army starts troop deployment for May 10 polls
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines